"සුදු මහත්තයා...මම බලාගෙන ෆෝන් එකේ මූන ඔබන් තනියම හිනාවෙනව....ආයෙම මගුලක්දෝ "
.
"අම්මට පිස්සු අනේ...එහෙම එකක් නෑ...මම කිව්වනෙ මම බඳින්නෙ නෑ කියලා."
"ඒ වුනාට මට මතකනේ නටපු නැටුම් වෙනදා...ඒ නිසා මට බයයි ...අනික හරි කාලෙදි බඳින්න ඕන."
"අනේ මේ අම්මේ....මම කිව්වා නේද සැරින් සැරේ මට පරන දේවල් මතක් කරන්න එපා කියලා....අම්මම නේද කීවෙ ඒවා හීනයක් කියලා හිතලා අමතක කරලා දානව කියලා.."
"හරි හරි ...ආයෙ කියන්නෙ නෑ...බඩිගිනිද.."
"ඔව් අප්පා...මොනවද උදේට කන්න හැදුවෙ .."
"අලුකෙසෙල් කිරට උයලා...අලු කෙසෙල් ලෙලි තෙල්දාලා...පපඩම් බැදලා"
"මොනාද අප්පා...දෙකම අලුකෙසෙල්නෙ අම්මෙ...අනික කොල්ලන්ට අලුකෙසෙල් හොඳත් නෑ"
"ගේ පලාතෙ එලවලුවක් නෑ...එලවලුවක් ගෙන්නගන්න යවන්න එකෙකුත් නෑ...මමම යන්න ඕන...කොල්ලො දෙන්නෙක් හැදුවට උන්ගෙන් වැඩක් තියෙනවයැ...ගෙට වෙච්චි කෙල්ලො දෙන්නෙක් වගෙනෙ...අලුකෙසෙල් හොඳ නැතිවෙන්න දවස ගානෙ කන්නෙ නෑනෙ සුදූ"
"ආ හරි හරි...මේ මෙනු එක මරු...මේම රසයි...ආ අම්මා අහන්නකො...මම දැක්කා උදේ කාඩ් එකක් ගන්න යද්දි නීල් මාමලයි කඩේ කැරන් කොකු මිටි ටිකක් තියනවා... ගිහින් කැරන් කොකු ටිකක් අරන් එන්නම්ද..හදලා දෙන්නකො අනේ මස් වගේ...අර තුනපහ කර කරලා."
"අනේ මන්දා ලමයෝ...හදන දේ කන්න බෑනෙ...ලපටි දලු වලින් ගේන්න හොදද...මෝරපුවා තිත්තයි."
කැරන් කොකු ...සමහර අයනම් අහලවත් නැතුව ඇති...මාතර අපිටනම් රජ කෑමක්...හරිම රසයි...මේක හැදෙන්නෙ අගල් අයින්වල , වගුරුවල , ගඟ අයිනෙ , වෙල්වල...මේක මීවන පව්ලට අයිති ලොකු පඳුරක් කියලා තමා මටනම් හිතෙන්නෙ...මට මතකයි බයෝ රිසෝස් බුක් එකෙත් පාරිරිසරික ජීව විද්‍යාව පාඩමේ කැරන් කොකු ගැන තිබ්බා....sri lankan golden leather fern කියල ඒකෙ තිබ්බේ.
අපේ ආච්චිලා වෙනදා කියනවා 88 /89 කලබල කාලෙ කන්නවත් තිබ්බෙ නෑලු...ඒ කාලෙ එයාලා වෙල්වල බැහ්ළා ගඟ අයිනෙන් එහෙම කැරන් කොකු කඩන් ඇවිත් තම්බලා පොල් එක්ක කෑවලු.
