အရီးပြန်သွားပြီးသိပ်မကြာဘူး အပိုင်တို့လည်းရွာဦးကျောင်သို့ထွက်လာခဲ့ကြသည်
ရွာဦးကျောင်းရောက်တော့လူအတော်စုံနေပြီး အလုပ်တွေကိုတက်ညီလက်ညီလုပ်ကိုင်နေကြသည်
"ပိုင်မင်းတို့မလာဘူးထင်နေတာ"
ရေစည်တိုက်နေသည့်သိန်းထင်ကလုပ်လက်စကိုရပ်ပြီးအပိုင်တို့ကိုလှမ်းအော်တယ်
"ငါကဒီရွာသားဖြစ်နေပြီဘဲ သေချာပေါက်လာသင့်တာပေါ့ "
"အေးဟုတ်သား ငါ့သူငယ်ချင်ကြီးတောင်ဒီရွာသားဖြစ်သွားပြီဘဲ"
သူတို့စကားပြောနေတုန်းမှာ ဆရာတော့်ကျောင်းကကျောင်းသားလေးသံခဲက
ကျောင်းပေါ်မှပြေးဆင်လာပြီး
"ဆရာတော်ကပုလ္လင်ရွှေ့ဖို့အားကောင်းမောင်းသန်ယောက်ျားသုံးယောက်လောက်လာခဲ့ပါဦးလို့ပြောတယ် "ဟုလာခေါ်တော့သည်
"မောင်အဲ့မှာသွားကူလုပ်ပေးလိုက်မယ်ပိုင် "
"သွားလေ ငါဒီမှာလိုတာပြုတာလုပ်ပေးလိုက်မယ်"
"အင်း ...."
စံမောင်ထွက်သွားပြီးတော့ ချက်ပြုတ်ဖို့ပြင်ဆင်နေကြသူတွေဘက်အပိုင်လျှောက်သွားလိုက်သည်
မုန့်ဟင်းခါးကျွေးမှာဖြစ်သည့်အတွက် ငါးရိုးနွှင်သူကနွှင် ပဲပြုတ်သူကပြုတ် ဂျင်းတွေစပါလင်တွေထောင်းသူကထောင်းနှင့် အချောင်မခိုပဲလစ်လပ်မှုမရှိအောင်လုပ်နေကြသည်
အညာသားတွေလေ ဘယ်သူ့အလျူမဆို အရိုးခံစိတ်ရင်းနဲ့
အားတက်တရောကူညီပေးကြတာ
"အရီးတို့ ကျွန်တော်ဘာကူညီပေးရမတုန်း"
"ဒီမှာတော့မလိုသေးဘူးမောင်ရင်ရေ
မင်းကူချင်ရင်တော့ထင်းခွဲတဲ့ဘက်မှာသွားကူလေ...."
ငါးရိုးနွှင်နေသည့်မိန်းမတစ်ဦးက ထို့သို့ပြောတော့ နောက်မိန်းမတစ်ဦးကမျက်စိမျက်နှာပျက်ပျက်နှင့်
"မယ်ခင် နင်မို့လို့စံမောင်လူကိုခိုင်းရဲတယ်
ဟိုကနင့်လာသတ်လိမ့်မယ်" ဟုစကားစလေသည်
"ကျုပ်ကခိုင်းတာမှမဟုတ်တာ
သူကူချင်ရင်ကူလို့ရတယ်ပြောတာလေ"
YOU ARE READING
သူဖန်ဆင်းသောချစ်ဖူးစာ《စာလုံးပေါင်းပြန်မစစ်အားသေးပါ ပြင်ဖတ်ပေးကြပါ》
Romanceဤဇာတ်လမ်းပါအကြောင်းအရာများသည်စာရေးသူ၏စိတ်ကူးယဥ် ပုံဖော်မှုသာဖြစ်သည် chaများ ၏nameဖြစ်စေဇာတ်လမ်းပါအကြောင်းအရာတစ်စုံတစ်ခုဖြစ်စေတိုက်ဆိုင်မှုရှိပါကလာရောက်ပြောကြားနိုင်ပါသည် စာရေးသူဘက်ကချက်ချင်းပြင်ပေးပါ့မယ်
