دهاليز قاتمة

الأقتم الأول

البداية دومًا تصبح رائعة
فكيف ستكون النهاية؟

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

البداية.....

~~~~~~~~~~~~~~~~~~~~~~~~

غيوم: امشي وامسح بدموعي اليوم ابوية يطيح حظي
مقهورة هواية وبس ابچي

:هسة شنو اكول لأبوية والله يستلمني كتل اليوم امداااااچ يا غيوم على هالسالفة سنتيييييين بالخااااامس وماكدرتي تفلحين امداچ يالعوبة

بقيت امسح بدموعي واسولف ويا نفسي
غيوم:بس والله درست اني شنو هاي حرام عليهم

وكفت دراجة كدامي واني وكفت الدنيا طالعة من عيوني اشوفة ولد مسوي تسريحة الديچ وفاتح 3 دگم من قميصة وطالع صدرة وكلة شعر چنة قرد وعلباتة من الوصخ تصيح بس نظفني

اني اباوعلة ورموشي مبللة من الدموع تأتأ وحط ايدة على خدة
:شبيك تبچي يا حلو يا جميل انتَ احچيلي اراضيك

اني منا روحي رايحة والنتيجة مصخمة وهذا منا صرت افور عصبت كلش بقيت اتلفت ادور طابوگ ركضت لميت اربعة وصرت اضربة بيهم

غيوم:ادبسزززز يا ما متربييييي يااا سوقيييي والله اليوم افشخك

صعد دراجتة يغلط
:بنت النعال كسرتي الدراجة الله يااااخذچ

حركها وقبل لا يبتعد شمرت اخر طابوگة بأيدي صارت بظهرة شوي ارتاحيت لأن طلعت حرگتي بي
طلعت فلوسي ورحت للسوبرماركت اشتريت كيكات وچبس وعصير ورجعت للبيت امشي واكل

اعرف حنضرب واترزل على الأقل يضربوني واني شبعانة
وصلت للبيت ضميت الباقي من الأكل وسميت بالله ودخلت اتراجف

بس دخلت اجت الهوسة المعتادة بأذني
غيوم:اهوووو حترزل كدام هاي الناس كلها يلا أمري لربي

دخلت واشوف جهال اخوية يتعاركون وامهم تتعارك ويا مرت ابوية وامي كاعدة تسوي الخضرة واخوية الثاني يلعب بلي واختي تدرس والباقي مادري وين مطشرين

ادري بيت لو دار ايتام وعجزة الكل متجمع بي

طلعلهن ابوية يصيح
جابر:شلووووون بلااااا ما اشتغل انهجم هالبيت عليچن

اهوووو مزاجة اليوم يرعط على حظي يعني لو انكتل لو انكتل
مرت اخوية تخوصرت تحچي بصلافة