دهاليز قاتمة

الأقتم الثاني

وأنا منسي
معلگ على رفوف صَبري ،
وحتى صار تراب بيَه .

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

~~~~~~~~~~~~~~~~~~~~~~~~

غيوم:تعب وخوف بقيت ارجف ازيد اعرف شنو حيصيرلي
دفعني أرون بالسيارة ومتحلف بية صعد بصفي عمي وارون وابوية وعمي الثاني كدام بس حركو السيارة اجتني ضربة على عيوني شوغتني

خليت ايدية على عيوني ابچي واسمع صوتة يرج بالسيارة
أرون:حيواااانةةةةة تردين تنزلين روسنة بالأرض وين شاردة عنهم وين رحتيييييييي

حچيت من بين دموعي
غيوم:والله مارحت لمكان اخذوني العتبة واهتمو بية ماسويت شي غلط

رجع ضربني هالمرة راشدي واجاني بالثاني والثالث
أرون:هذاااا منوووو الي يدافعلچ هااااا بس لا صاحبچ والله اذا طلع هالكلام صح افنيچ فني طايحة الحظ

ضل يضرب بية احاول ادفعة بس اخوية حيل قوي جسمة ضخم اني اطلع بصفة مجرد نملة
اخر شي دفعة عمي عني وكال

ابو علي:عوفها صدك تحچي البنية بيا حال ما تشوفها راح تموت والله اذا ضربتها اكسر ايدك وانتَ ما تحچي هاي مو بنتككككك

باوعت لأبوية عيوني مليانة دموع ردت بس يدافع عني على الأقل يسكت أرون عني ماريد شي متعودة على قساوتة اريد بس هالمرة يدافعلي يحسسني بأبوتة

جابر:خلي يأدبها ويعلمها ما تروح عن اهلها وتضيع

ابتسمت بكسرة واحس گلبي تفتت تفتت باوعلي من المراية من شاف نظرتي نزل راسة يتنهد ماعرف شنو مسويتلة وهيچ ميحبني
اني احبة هواية يبقى ابوية بس شگد يحب يجرح گلبي

سكت أرون عني بس اعرف هالسالفة مراح تخلص على خير
حطيت راسي على الجامة اباوع للطريق ماريد اوصل للبيت

احس كلش تعبت وحيل مابية بعد اكول فترة واتعود على الوضع بس ماكدر اني مو حيوان واتعامل هيچ حتى الحيوانات حرام تتأذة ليش يعاملوني وكأنما اني بهيمة تنضرب تاكل وتنام وبس

وصلنة للبيت رجعت ابچي خفت هواااااية
نزلنة للبيت شفتهم كلهم كاعدين بالصالة وحياة واكفة تبتسم متشمتة بية

ردت نظرة خوف علية ما شفت محد خاف محد قلق بس اختي تارة چانت تبچي وحضنتني شگد محتاجة حضنها حضنتها ابچي