Hello ... ဒီတစ်ခေါက် ကိုယ်ပြောပြချင်တာလေးကတော့ မေမြို့ရဲ့ ပန်းပွဲတော် အကြောင်းပါ ... ဆောင်းတွင်းကို ရောက်ပြီဆိုတာနဲ့ မေမြို့မှာ ဒီဇင်ဘာလဆိုရင် ပန်းပွဲတော်ဆိုပြီးတော့ ပန်းကြည့်ပွဲတော်ရှိပါတယ် ... မြန်မာနိုင်ငံက ပညာရှင်တွေသာမက နိုင်ငံခြားက ပညာရှင်တွေကပါ တာဝန်ယူပြီး အလှဆင်ထားတဲ့ ပန်းအစစ်တွေ အများဆုံး သုံးထားတာပါ ...
ပွဲတော်ရက်ဟာ တစ်လတိတိ ကျင်းပပါတယ် ... များသောအားဖြင့် ဒီဇင်ဘာလရဲ့ ဒုတိယပတ် သို့မဟုတ် တတိယပတ်မှာ ကျင်းပပြီးတော့ ဘယ်ရက်မှာ စပြီး ကျင်းပသည်ဖြစ်စေ တစ်လတိတိ ကျင်းပတာပါပဲ ...
အမျိုးသားကန်တော်ကြီးဥယျာဉ်က မြန်မာနိုင်ငံ သစ်တောဦးစီးဌာန အပိုင်ဆိုပေမယ့် ဦးတေဇရဲ့ Htoo Foundation ကနေပြီးတော့ တာဝန်ယူထားတာပါ ... မေမြို့ရဲ့ ပန်းပွဲတော်ဟာ တစ်နှစ်လုံးမှာ ကိုယ်တို့မြို့အတွက် အစည်ကားဆုံး ပွဲတော်ဖြစ်ပါတယ် ... မဖြစ်ဖူးတဲ့ traffic တွေပါ ဖြစ်တဲ့အချိန်ပါ ... ပန်းမျိုးစုံကို အလှဆင်အကွက်ရိုက်ပြီး ပြထားတယ်ဆိုပေမယ့် အဓိက ပန်းပြကွက်ဆိုတာက သတ်သတ်ရှိပါတယ် ... ပန်းပြကွက်တွေက တစ်နှစ်နဲ့ တစ်နှစ် မတူပါဘူး ... ပြီးခဲ့တဲ့ ၂၀၁၉ ခုနှစ်မှာဆိုရင် နေကြာပန်းပြကွက်ကို ပြသခဲ့ပြီးတော့ ၂၀၁၈ မှာ လီလီပန်း ပြကွက်ကို ပြသခဲ့တာပါ ... ၂၀၁၇ တုန်းကတော့ ကျူးလစ်ပန်း ပြကွက်ပါ ... ဒါကတော့ ကိုယ် လက်လှမ်းမှီသလောက်ပါ ...
YOU ARE READING
မျှော်လင့်ချက်လေးမပျက်ချင်ပါ / ေမွ်ာ္လင့္ခ်က္ေလးမပ်က္ခ်င္ပါ [Completed]
Teen Fictionလူတွေက မျှော်လင့်ချက်နဲ့ အသက်ရှင်ကြတယ်တဲ့ ... မျှော်လင့်ချက်မဲ့သွားရင်ရော ... လူေတြက ေမွ်ာ္လင့္ခ်က္နဲ႔ အသက္ရွင္ၾကတယ္တဲ့ ... ေမွ်ာ္လင့္ခ်က္မဲ့သြားရင္ေရာ ...