IV.
MAGHAPON akong tumunganga sa bahay. Wala na yata akong nagawa pagkatapos kong ayusin lahat ng groceries kaninang umaga. Mas matagal pa nga ang ini-iyak ko sa kwartong ginagamit ko.
Gabi na naman. Tahimik. Mag-isa lang ako. Wala akong ideya kung uuwi si Ludwig or kung anong oras ba siya umuuwi galing sa trabaho. Hindi ko naman siya pwedeng tawagan dahil bukod sa hindi ko na alam kung anong contact number niya ay paniguradong magagalit na naman siya kapag kinausap ko pa siya.
He let me live here... with him. Makuntento na dapat ako r'on. Parang hindi ko na kakayanin kung makatikim na naman ako ng masasakit na salita mula sa kaniya.
Napatayo ako mula sa pagkaka-upo sa couch nang marinig ko ang sasakyan ni Ludwig. Agad akong lumapit sa bintana para silipin iyon pero kumunot ang noo ko nang hindi lang sasakyan niya ang pumasok sa garage. May dalawa pang kotseng kasunod.
I gulped as I watch those people walking towards the main door. Ilang lalaki at babae ang nakita ko. Agad akong napaupo ulit sa couch saka hinablot ang magazine mula sa center table at nagpanggap na nagbabasa.
The door opened. Pumasok ro'n si Ludwig kasunod ang isang sexy na babae. Bukod sa kanila ay may tatlo pang lalaki at dalawang babae silang kasama.
"Whoa, your ex, man?"
Nakilala ko iyong nagsalita. Pinsan ni Ludwig. Bigla akong nahiya.
"Yeah, an ex." Sagot ni Ludwig.
"You love her, man."
"Yeah."
Dumagundong ang dibdib ko sa sagot niya.
"Before. I loved her. And now, I can't feel anything for her."
Akala ko...
"So, you have a wife, Ludwig Ivan?" Tanong ng babaeng kasunod niya. "Well, living together makes you a husband and wife."
Umiling si Ludwig. "She's nothing. She owned fifty percent of this house that's why she's here. Don't mind her."
Nagbubulungan ang mga kasama nilang babae.
Napalunok ako. Lalo na nang tumingin siya sa akin.
"Can you leave? I have visitors. I want them to be comfortable here."
Muli akong napatayo saka ibinalik ang magazine sa ibabaw ng center table.
"Ah, yes! Sure. Tutulog na din naman talaga ako. I'll be in my room. Enjoy and feel at home." Sabi ko sa kanila.
Mabilis akong dumiretso sa kwarto ko nang hindi lumilingon. Bago pa ako pumasok sa kwarto ko ay narinig ko pa si Ludwig ay iyong babaeng sa tingin ko ay may something sa kaniya.
"Are you sure, she's nothing to you?"
"She's a stranger to me. Don't worry about it."
Huminga ako nang malalim saka pumasok na sa kwarto ko. Hindi ako mapakali. Gusto kong panoorin lang sila. Gusto kong bantayan si Ludwig.
Sino bang babae ang kakayaning makita na may ibang babae na kasama ang mahal mo? Wala!
Lalabas na sana ulit ako nang mapaurong ako. Si Ludwig at iyong babaeng kasama niya ay naghahalikan.
Inside our fuckin' house.
Hindi naman masakit. Parang kagat lang ng bubuyog.
Seeing his lips touching another girl's lips made my heart aches. Bakit naman kasi gano'n. Hindi ko pa kaya. Nasasaktan ako ng sobra sa mga salita niya pero mas masakit 'yong makita siya sa piling ng ibang babae.
