كرونيك:💕💕تزوجت ابن خالي لارضاء جدي💕💕

14

روحنا مانهدروش مع بعض انا قررت نطلب الطلاق منو كي نروح فالطريق حبس دار ليا يبكي ويحالو فيا منفضحوش تلاح حصني لقيت روحي حضنتو ونبكي معاه صعيبة بزاف الراجل يتهان في رجولتو مابقالو والو انا وعدتو بصح قتلو توعدني تحبس الضرب هذا كل مرة قتلتني قالي سامحيني والله مانزيد نتوشيك قتلو نصبر معاك وروح داوي بلعقل حتى نلقاو الحل وترتاح طلعلز المورال شويا وصلنا ستقبلونا قعدنا معاهم شويا من بعد طلعنا لدار رتحت شويا وزدنا هبطنا تعشينا زسهرنا معاهم وطلعنا رجعت مانخافش منو خلاص علبالي مهما يكون موحال يتوشيني بقينا شهرين علكيف مع بعض بصح رجع يغير بزااااف ويهبل لكان شافني نحكي مع خوتو تخلا يقولي تنعتي في روحك قدامهم وانا الضحكة في وجهي مكانش لكان داني لدارنا يهبلني فالطريق لازم منهزش راسي من حجري مانلبس مانماكييش لكان حكا معاه واحد برا فالكريق يقولي كي شافوك معايا هدرو ماهم مالفين يحكيو معايا هذا كامل من اللبسة تاعك مع اني نلبس مستور هبلني بصح صبرت وحملت قلت معليش درك راهو يحس بالنقص  وصل رمضان بداو يسقسيو فيا على الكرش هو كي سمع حاب يزيد يجرب ماقدرش زاد رجع يضرب فيا كي بكري بصح هذ المرة فوق ما نتحمل وصلني لسبيطار قريب قتلني ماقدرتتش خلاص بقيت سمانة فالسبيطار رمضان فطرتو كامل خرجت لدارنا كامل مشوكيين فيا حكيتلهم كلش واااش صرا من نهار العرس طلبت الطلاق هو ماحبش يطلق انا قتلهم موحال نرجع خوالي كامل وقفو معايا على خاطر عرفو بلي صبرت وسكت باش منفضحوش وهو قريب قتلني حتى باباه قالي انا نرجعلك حقك قتلو مانسحق والو المهم نطلق برك وهو ربي يشفيه