كرونيك:💕💕تزوجت ابن خالي لارضاء جدي💕💕

15والاخيير

بقا يعيطلي فالتيليفون باش نرجعلو ويبكي كي العادة علبالو نخطيه يضيع ماكانش شكون تزيد تقبل بيه انا غاضني صح بصح الله غالب نضريت بزاااف منو نفسيا وجسديا بقيت مصصمة على الطلاق هو بدا يداوي وقريب دخل في عقلو قالهم منطلقش خليها في دارهم نداوي ونرجعها هو كي تفضح رجع كيما المهبول 😥😥😥😥 غااااضني شفني كيفاش رجعت حالتو ضعاف ربا اللحية رجع يبان في عمرو 35 سنة وهو 23 سنة بقينا عام وهو مجرجرني فالمحاكم بالسيف لا طلقني بصح هو حياتو ضاعت مسكين
انا قررت نبدا حياتي من جديد هدى كانت كونتاكت مع شاكر وتعطيلو في اخباري كااامل هو قالها ماتقوليلهاش بلي راني نحكي معاك حتى تطلق ونعيطلها انا نسيتو شويا من مشاكلي كانت الدخلا تاع لقرايا سجلت قلت نكمل بديت نسقسي على شاكر حكاتلي هدى كلش حتى نلقاه يامات وعيطلي قالي نتلاقاو انا شبعت فرحة راح نهبل تلاقينا بكل صراحة شبعت فيه تحضااان ماخليتوش يبوسني بصح حضنتو بكلش كليتو بالتحضان هز شابع ضحك توحشتو هباااااال مانيش مصدقة لكان راني بين يديه نموت عليييه يا ربي نعشق فيييييه ههههه فاتو 3 شهر جاب ماماه وجاو خطبوني ياااا عمري واش كان هذاك الاحساس لا يوصف عمري وحبيبي راح يولي راجلي سمعو خوالي فرحولي كي تخطبت ومدني خالي لي كنت عروستو قالي انا غبنتك وماسمعتش لقلبك درك انا نفرحك كان يوصي في شاكر عليا عام ونص فوتهم مع شاكر روووووعة رومنسية وهبال وغيرة تزوجنا فوتنا العرس تاع زوج عاشقين الناس كامل شافو فرحتي نشطح في عرسي نزغرت ونتمهبل حسيت لحلاوة العرس صح رحت للحفافة بدلتني كان عرسي مايتنساش مانيش مصدقة وكتاه نروح معاه داني لوتال دخلنا من الباب بدينا نبوسو ونحضنو ونعضو ونضحكو مكانش مصدق بلي رجعتلو وزيد طفلة كيما تمناني كان فرحان بيا يبوس وياكل فيا ماكلا هههههه
المهم بلا منطول عليكم هذيك الليلة فاتت تقتل موحال ننسى اي جزء منها لقطاتها محفورين في مخي هزيت الكرش في ليلتي جبت تاج الدين هو كان مقلشني يموووت على التحواس لاشتا ماياكلش المهم يحوس معايا كان كي يعرضوه صحابو لعشاوات يقولهم شبعاني تاعي نديه معايا ويجيبهولي كان على قدو جيبو مثقوب بصح الحياة معاه هبال كبر تاجو 4 سنين جبت ختو جمانة درك عندها 3 سنين لليوم حبو ليا ماتبدلش يعشق فيا انا والله تبدلت كي جبت لولاد بصح هو والو يقولي نحسك رجعتيلي من الموت ديما نحمد ربي لي جمعنا خالد رجع مريض نفسي لليوم ماتزوجش مايحكي خالد رجع مريض نفسي لليوم ماتزوجش مايحكي مع حتى واحد انا دار خوالي لي كانت تلمنا راحت مازدتش رحت ليها ملي مات جدي دقيقة وروحت
خلاصة الكلام زواج العائلة يجيب غير المشاكل والنحس والكره
والغصب فالزوج نتيجتو الدمار للطرفين
وتاني المكرة تقولي خلاني حبيبي نروح نتزوج مكرا فيه لالا والله تمكري في روحك برك

سلاااام اعطوني رايكم فالقصة❤❤النهاية💕💕💕😍😍😍😘😘😘😘