Anaa e Ishq [COMPLETED]

PART 7 * ignore mistakes * Writer:Wafa Fatima

Nikah ka waqt ho chuka tha...wo dono taiyar ho k a chuke thay

"Chalein"..Zaviyar ne gaari Hall k aage park kr k un teeno se kaha

Zumra bhi sath ayi thi...bohat taiyar ho k...lekin apne style me...traditional dresses use pasand hi nahi thay

Black shirt k sath black pant,black leather ki jacket,black shoes,siyah kaalay khule hue lambe wavy baal,un pr shaam k is waqt bhi black sunglasses,...uski skin k ilawa us pr mojood hr cheez black hua krti thi...saaf safed rang pr kaala rang uthta bhi bohat tha...uski dressing se lagta tha..wo jese koi terrorist ho...ya kisi mafia gang se taluq rakhti ho...ya shayad....koi boss lady...uski dressing uske parents k jaane k baad se aesi hi thi..ghar or khandan ka ye riwaj to nahi tha lekin koi kuch keh bhi nahi skta tha use...wo un sub k pas HAROON KHAN or SABEENA KHAN ki amanat jo thi

"Tum log jao me aajaungi"...wo apne hath me mojood nail paint lagate hue boli
"Tum chaho to ye nail paint tumhare chehre pr bhi laga dun q k wahid wohi ek safed cheez bachi h tumhare pas"...Nida ne uski black nail polish ko dekhte hue mazaq urane wale andaz me kaha
"Apna mu kala ho to zaruri nahi dusro ka bhi kro..."...wo sanjeedgi se boli to amma or Zaviyar bhi muskura die

"Chalo theek h der mat lagana jaldi aana"..Zaviyar car se nikalte keh raha tha...Amma Zaviyar or Nida ab andar ja chuke thay

Usne nail paint apne barabar me car ki seat pr rakkha or phone hath me le kr kisi ko call krne lagi..aankhon me kajal or mascara lagaie wo bohat khoobsurat lg rahi thi...blush uska type nahi tha na hi lipstick,...wo sirf kajal laga kr bhi kayamat dhaati thi

Usne call pr kisi ko hidayat di thi
Phir agle hi lamhe wo car se utar gai

"Itni der me me taiyar ho k aagai hun or tumhare baal hi nahi ban k die"...Aena maddham awaz me us se keh rahi thi..."char baalon ko kab tak sawaroge??"...wo haste hue boli
"Ek to subko mere baalo se bara masla h"...wo aaine me dekhta us se keh raha tha
"Me ja rahi hun bhaie tum aate rehna"...wo use ab ghari pehente dekh kr bolti wahan se chali gai

Wo taiyar hone me kaafi der lagaya krta tha...or aaj to uski shadi thi...double der...1 ghanta baal set,1 ghanta kapre set,...ghari haathon me pehenna,...seedhe hath ki teesri ungli me ek mardana anguthi pehenna...uska fashion sense to kamal ka tha lekin time bohat lagata tha..

Agle chand minto baad uska door knock hua
"Aajaien"

"Amma ne 1 ghanta pehle bataya tha mujhe k wo juice de jaienga tumhe.."
"Jii sahab wo bus der ho gai..mazrat"
"Lao idhar"...wo ek sans me pi chuka tha...garmi thi...paseene bhi a rahe thay

Zaviyar,Amma or Nida un sub se milne me masroof thay....Zaviyar hi sub se tarruf krwa raha tha

"Kahan reh gaie dulhe raja?"...Nida Aena se puch rahi thi
"Unke fashion hi nahi khatam hote,..aate honge abhi"...usne haste hue jawab dia

"Zumra kahan reh gai?"...amma ne Zaviyar se ahistigi se pucha
"Aati hogi amma"..unke side me khari Nida ne jawab dia

"Kidhar h Zaamin me ghaseet kr lata hun use"...Zaviyar ne haste hue kaha

Anushay ne hath k isharay se use wo jaga batai
Zaviyar peeche ki taraf uske room me gaya

"Kahan reh gaie yaar sub wait kr rh..."...usne darwaza kholte kaha or yakdam ruka
"Zaamin??"

Wo wahan mojood nahi tha
"Zaamin???"...usne washroom ka door knock kia,...uski awaz na sunne pr use khol dia...wo wahan bhi nahi tha

Usne agle hi lamhe use call ki

Tab uski nazar table pr pare uske ring hote hue mobile ki taraf gai..wo mobile bhi chor gaya tha...wo wahan se foran wapas palta

"Auntyy!!"
'Han beta??"
"Wo.........Zaamin nahi h!!"...usne sans me sans bharte kaha
"Kia matlab nahi h"...wo maddham awaz me boli thin
"Wo room me nahi h"
"To washroom me hoga..."
"Wahan bhi nahi h,...infact mene wahan se nikal kr aage pichay bhi check kia...wo kahin nahi h"...wo sans me sans bharte bata raha tha
"Are....kahan jaiega"...wo ghabrate hue bhi muskura kr bol rahi thi

"I think use koi bohaaaaat zaruri kaam yaad agaya hoga"...Aena ne ghabrate hue apni raye ka izhar kia

Usne uska mobile Anushay ki taraf barhaya...wo uska chehra dekh rahi thin

"Itna zaruri Kaam hota to batata nahi to kam az kam call hi kr deta ya ek msg,..phone bhi chor gaya??...itna kia zaruri tha is waqt?"...Sarwar sahab ne maddham awaz me Anushay se sawal kia
"Me nahi jaanti"...wo bhi gusse me thin

Chand mint wahan khamoshi rahi

Phir Anushay ne wahan mojood kuch guards ko bula kr pure Hall me use talash krwaya....sath sath wo sub khud bhi use dhund rhe thay...Zaviyar use hall k pichle darwaze se bahir aas pass k ilake me dhund raha tha

Aakhir ko wo sub wapas usi jaga aye jahan se gaie thay
Sirf Zaviyar nahi aya tha,...sub uska besabri se intizar kr rhe thay

Wo pichle darwaze se enter hote hue us jaga aya...sub use aese dekh rhe thay jese wahan adalat saji ho or wo mujrim ho...ya phir mujrim k khilaf gawahi dene wala

"Mila??"...Anushay ne aage barh kr pucha
"Kahin nahi h aunty aas pass har jaga dekh lia,...is waqt jitne log nazar aye sub se pucha koi kuch nahi janta"...Zaviyar ne udasi se jawab dia

"Don't worry bhabhi yahin hoga kahan jaiega"...Sarwar sahab or unki wife Anushay ko tasalli dene me masroof thay
"Khuda jaane kia hua ho use"...Aena bhi soch soch k pareshan thi
___________________________________

HOPE YOU ENJOYED!!!
Give me feedback♥︎