Anaa e Ishq [COMPLETED]

PART 11 * ignore mistakes * Writer:Wafa Fatima

"Chai or Coffee?"...Zaviyar Maheen k sath apne office k room me tha
"Jo aap lenge wohi mangwalein"...Maheen ne muskurate hue kaha
"Me to chai pita hun"
"Hum bhi pilenge"...usne muskura kr kaha
"Acha"...wo halka hasa tha

Usne phone utha kr kisi ko chand hidayaat di phir dobara Maheen se mukhatib hua

"Or sunaien kitne arsay se yahan kaam kr rahi hain aap?"
"Jub se hum log yahan shift hue hain"
"To aap handle kr leti hain office ka kaam akele?"
"Of course,..or phir baba bhi isi office ki dusri branch me hote hain"
"Oh that's great!"
"Nida abhi office k kaamo k lie choti h wo ghar pr rehti h pura din ya yun kehna chahiye Zumra k sath"...usne muskura kr kaha

"Or aapki ammi?..wo to akeli hoti hongi phir pura din"
"Bilkul bhi nahi wo to apni neighbour ko bula leti hain jin se unki bohat achi Salam dua h"
"Acha...to office join krne ka aapko aapke baba ne kaha tha kia?"...wo jese uska interview le raha tha
"Nahi nahi baba to mana krte rehte thay lekin meri zid thi k mene khud kamana h,..unhone mera confidence dekhte hue mujhe mana nhi kia"
"Wah bari jaldi ijazat mil gai aapko"...Zaviyar ne haste hue kaha..."hume to itna intizar krwaya tha baba ne ab kahin ja k jub hum yahan shift hue hain to minnate samajate kr kr k mujhay ijazat mili h"
"Acha"...wo haste hue boli

Kuch der khamoshi chane k baad Maheen ne use mukhatib kia

"Lunch pr chalein kia?"
Wo chonka tha
"Ji?"
"Lunch sath kren?"
"Am..sure.."
"Alright than theek 1:30 pr hum Lunch pr ja rhe hain"...usne chair se khare hote muskura kr kaha
"Done"...usne bhi chair se khare hote hue kaha
Maheen ne hath milane k lie aage barhaya
Zaviyar ne uska chehra dekha or phir apni nazrein zameen pr jama li....wo na mehram thi..na mehram se hath milana to duur ki baat,use chuna tak gunah h shayad wo ye baat nahi janti thi,..ya bahir shift hone k baad bhool chuki thi...lekin wo nahi bhoola tha
Usne muskurate hue apna hath peeche kia or chair aage khiska kr wahan se chal di

***************************

"Bacho ab tum!!"...Zumra sofay se sofa bhagte hue Nida k peeche bhaag rhi thi
"Acha na me delete kr deti hun abhi"...wo bhagte bhagte us se keh rhi thi
"Delete????tum ne mujh se puche baghair upload kese ki???"....wo gusse se cheekhte hue uske peeche bhaag rahi thi
Agla qadam uthane pr Nida sofay se nichay ja girti agar use Zumra ne na pakra hota

"Idhar do apna mobile!!"...Zumra ne uske hath se mobile cheente hue kaha

386 likes....us post k neeche likha tha

"Acha na sorry aainda nahi krungi mujhe kia pata tha tum itni antisocial ho"...Nida ne use manate hue kaha

"Me antisocial nahi hun lekin ye faltu ki shokiyan mujhe bilkul nahi pasand or ye... kia tumne....#BFF....#bestie...Ye shokiyan marti rehti ho tum mobile pe chobees ghante??"...wo waqai apni tasweer upload hone pr bohat gussa thi
"Ya Allah Zumra konsi qayamat agai idhar laao me delete krdeti hun abhi phir urh jaienge ye likes or hashtags bhi"...usne uske hath se mobile maange hue kaha
Zumra ne gusse se use dekhte hue mobile uske hath me thamaya

"Ye lo hogai..khush?"
"Aainda meri pictures bhale wo tumhare sath hi kue na ho is instagram ya kahin pr bhi upload nahi krna!!"...usne use sofay pr para cushion utha kr maara..."upar se picture me scarf bhi nahi h"...usne maddham awaz me shayad khud se kaha tha
"Kia nahi h?"...wo ek hath se khud ko bachate hue keh rhi thi
"Kaha h aainda nahi krna!"
"Acha bhaie had h"

*************************

"Come in"...usne door knock hone pr kaha
Maheen k enter hote hi wo khara hogaya

"1:40 hogaya"...usne enter hote hi kaha
"Wo...sorry me kaam me itna busy tha...never mind 10 mins late hain koi masla nahi h...chalein"...Zaviyar ne muskura kr kaha
"Aajaien"...usne bhi muskura kr kaha

Wo agle 5 min me office k qareebi ek cafeteria me mojood thay

"Kia order krengi?"...Zaviyar ne us se pucha
"Jo aap lenge"

Wo hasa tha..."Aapne subah bhi yehi kaha tha"
"Shayad mujhe aapki pasand, pasand ho islie"...usne muskurate hue kaha
"Acha....or aapko meri pasand kue pasand hogi?"...usne apne dono hath bandhay table pr rakhte muskurate hue kaha
"Kue k shayad aapki pasand meri pasand se ziada achi h"...Maheen ne bhi apne dono hath bandh kr table pr rakhte hue kaha
Zaviyar ne kuch der muskurate hue uska chehra dekha phir usne seedha hote hue waiter ko awaz lagai or kuch cheezein order kri

Sağolun(thanks)...usne waiter ko order dene k baad kaha

"Turkish kaafi achi aati h aapko"...Maheen ne waiter k jate hi use mukhatib kia,waiter se baat krte waqt wo use palke jhapkae bagahir dekh rhi thi
"Jii bus classes li thin is waja se.."
"To aap yahan apni marzi se shift hue hain kia?"
"Shift??"...wo hasa
"Hum yahan sirf or sirf Zumra ki zid ki waja se aye hain....ek novel parhne k baad uske sar pr jese Turkey jane ka junoon sawar hogaya tha,...yahan hum shift nhi hue sirf uski zid ki waja se aye hain jub uska dil bhar jaega yahan rehte rehte to hum wapas chale jaienge...me janta hun uska dil nahi bharne wala islie mene office join kr lia h pura din ghar me pare pare bohat arsa guzar gaya tha...bus islie..."
"Chalein ye to phir Zumra ki meherbani h jo aap mere samne bethe hain.."...wo muskurai
"J..ji..keh sakte.. hain"...usne bhi muskura kr jawab dia

Itni der me waiter order le aya tha

"Please"...Zaviyar ne muskurate hue hath k ishare se use khane ki taraf mutawajja kia

**********************
Wo kaam se faigh ho kr hotel aya tha

"As'Salam'O'Alekum mama"
"WalekumAsSalam beta..kesa raha din?"...wo uske galay lgte puch rhi thin
"Theek...aap bataein aapne kia kia pura din?"
"Me bore hoti rahi phir Aena ki ammi ki call agai thi to unse baato me lag gai thi...bus aese hi guzra din"...wo uske sath bed pr bethte hue bata rahi thin

"Shadi k bare me to baat nahi ki hogi na aap logo ne?"...usne paani ka glass khatam krte hi pucha
"Of course ki thi Beta aesa kese ho sakta h na ki ho"
Usne glass side table pr rakkha

"Mama..."
"Han?"
"Kia ye shadi cancel ho skti h?"...wo maddham awaz me puch raha tha
"Zaamin cancel ho to gai kal"
"Nahi wo to postpone hui h me...me cancel..khatam hone ki baat kr raha hun..."
Anushay uske is jumle pr buri tarah thatki thin

"Kia...matlab beta??....tum se puch kr hi to mene unhe Han kaha tha....tumhe yaad h na??"
"Mama yaad h mujhe bus.....me abhi nahi krna chahta shadi"
"To abhi krwa kon raha h,wese bhi postpone ho gai h ...agar tumhara koi important kaam h to ziada se ziada 1 2 haftay hi aage ja skti h"
"Mama me aapse shaadi cancel,khatam,..puri tarah se khatam hone ki baat kr raha hun..aap mujhe shaadi aage, shaadi peeche kahe ja rhi hain"...usne hath k isharo se jese chirte hue kaha ho
"Zaamin are you serious??....I mean aese kese...me inkar kr dun...hum zubaan de chuke hain unhein..."
"To abhi kia hum naak se bol rahe hain?"
"Are nahi bawle...acha nahi lgta yun mana krna or tumhari or Aena ki itni achi to banti h phir kia masla h??"
"Masla ye h k mene filhal 3 4 saal tk shadi nahi krni"...wo bed ki take se peeche hote hue take laga kr bola.."Agar wo itna wait kr skte hain to no problem kr lunga shadi"
"Beta....wo Aena ki ab shadi krwana chahte hain wo bhi ikloti h,...uske parents uski khushiyan dekhna chahte hain...try to understand"....wo use samjhane me masroof thin
"Acha to filhal aap 2 3 hafte k lie shadi postpone kr dein bus ..mere bohat zaruri kaam hain.."...usne jese haar maante hue kaha
"Han aesa ho skta h me baat krlungi Sarwar sahab se.."
____________________________________

HOPE YOU ENJOYED!!!