استدارت إسراء لتري من يناديها لتري تلك الفتاة التي ترتدي ملابس قصيرة لا تليق بالجامعة
وكذلك تضع الكثير من مساحيق التجميل
فقالت باستغراب:-
نعم حضرتك بتنادي عليا انا
شاهندا بابتسامة مصطنعة :-
اه مش انتي بردو إسراء يوسف
إسراء :-
اه انا معلش انتي مين
شاهندا :-
انا شاهندا معاكي في نفس الكلية انتي مش عارفاني ولا اي
إسراء :-
لا الحقيقة مخدتش بالي
شاهندا :-
معاكي حق اصل انا مش بحضر كتير خلينا في المهم
إسراء :-
خير
شاهندا :-
بصراحة انا سمعت عنك كتير اوي وعرفت انك بنت جميلة ومحترمة وروحك حلوة وانا نفسي نبقي اصحاب اي رآيك
ابتسمت إسراء وقالت :-
طبعا يا حبيبتي ده يشرفني
حور بضيق :-
مش يلا بينا يا إسراء ولا اي
شاهندا :-
تعالوا نقعد مع بعض ندردش شوية
حور :-
معلش مستعجلين ولازم نمشي يلا يا إسراء
جذبتها من يدها بقوة لتجبرها علي الرحيل معها
وبعد الابتعاد عن المكان التي تقف به شاهندا توقفت إسراء وقالت بغضب :-
اي اللي انتي عملتيه ده ياحور احرجتيني مع البنت جدا
حور :-
احرجتك اي بس انتي اصلا مصدقة كلام الحية دي مصدقة انها فعلا عايزه تصاحبك عشان سمعت عنك كلام كويس
إسراء :-
وهي هتكدب ليه مثلا هتكون عايزه مني اي يعني
حور :-
معرفش بس ابعدي عن البنت دي شكلها ميطمنش
ومرتحتلهاش خالص من اول ما شوفتها حاسة ورا حاجة
إسراء :-
بلاش تحكمي علي حد من غير ما تعرفيه يا حور
حور :-
يا ستي انا مش عايزه اعرفها انتي مش شايفة منظرها ده لبس واحدة رايحة حفلة في كباريه مش لبس جامعات خالص
إسراء :-
ملناش دعوة يا حور احنا مش هنحاسبها كل واحد حر في تصرفاته
حور :-
انا قولتلك اللي عندي البنت دي وراها حاجة فابعدي عنها احسن
بالطبع إسراء لم تقتنع بحديث حور فهي انخدعت بكلام شاهندا المعسول وظنت انها فتاة لطيفة
اما حور لم تحبها علي الاطلاق ولا تدري لم شعرت بعدم الارتياح منذ رؤيتها ولكن بالطبع إسراء لن تصدق كلام حور
اما شاهندا فكانت تستشيط غضبا بسبب ما فعلته حور أخرجت هاتفها واتصلت بأحدهم
شاهندا بغضب :-
ايوه يا زفت
اجابها المتصل :-
مالك بس يا جميل اي اللي عكر مزاجك
شاهندا :-
معرفتش اتكلم معاها كلمتين علي بعض
سألها المتصل باستغراب :-
ليه معقول تكون مصدقتكيش ده حتي اسمع عنها انها ساذجة اوي وبتصدق أي كلمة تتقالها
شاهندا :-
المشكلة مش فيها المشكلة في الحرباية اللي معاها
سألها مستفهما :-
تقصدي مين ....إيمان صاحبتها
شاهندا :-
لا مش ايمان دي واحده معرفهاش انا عارفة ايمان
قال بثقة :-
اه اه يبقي هي حور مفيش غيرها
شاهندا :-
وتطلع مين حور دي ان شاء الله
قال المتصل :-
دي تبقي بنت عمها اخت الباشا يعني بس خلي بالك البت دي مش ساهلة زي اخوها كده
شاهندا :-
ااه اخت خالد طيب تمام اقفل انت دلوقتي
نشأت علاقة قوية بين إيمان ومهاب فلقد تقربا لبعضهما كثيرا علاقة صداقة لم تكن في حسبان أي منهما او ربما علاقة حب لا ندري
YOU ARE READING
حبيتك وقتلتني
Romanceخُلقا لبعضهما نشأت وتربت أمام عينيه أحبها وأصبح مسئولا عنها يغار عليها بالرغم انه ما زال طفلا وهي كذلك احبته وكانت تراه بطلها منذ الصغر وقد نما حبهما وازداد بمرور السنين حتي أصبحا شخصا واحدا لا أحد يستطيع التفريق بينهما وها هي السنين تمر بسرعة و...
