گون تشـوف..
روحي شـخلهہ بيها الخــوف
.....
أنا الخــواف يا دنيا
أنا الخـــواف من كُلشي
واذا احلم حلم موزين
أنا ارجـــف گبُل رِمشــي
_____________________________________
ريم: بقيت بصدمتي ما احس الا سحبني من ايدي كلبجهن وسيارة الشرطه احتلت المكان
اجوا اخذوني لساني معگود ما اگدر احجي او ادافع من الصدمة اني السبب بالي وصلتله والي ح اوصله بقيت فترة ونزلوني من السيارة اخذوني لغرفة گعدوني ع كرسي وطلعوا اني بشنو ورطت نفسي على شنو ناويلي القدر
...
انفتح الباب دخل نفسه الي لزمني بالبداية شكله يخوف هذا مستحيل يرحمني صرت ادعي بداخلي الله يساعدني
وگف يم الطبلة انفتح الباب مرة ثانيه دخل شرطي گله ببرود : صيح لايوب بسرعة
شحيسوولي معقوله مثل المسلسلات يشلعون اظافري ويعذبوني دموعي اخذت مجرى على خدي مو معقول الضعف الي اني بيه
انفتح الباب ودخل الصوت قبل الشخص
: ايي يكلك بت اويلي وهسه يجي عباس
انصدمت من دخل ايهاب مدنگ راسه يعدل ملابسه ويضحك من رفع راسه عليه انصدم صار يباوعلي ويباوع عليهم فاتح عيونه على وسعهن گال باستغراب: رييمم؟؟!!
هزيتله راسي بنفي ودموعي تصب حچيت بكلمات گوه تطلع مو اني ايهاب والله العظيم مو اني چنت اريد اساعده بس
الي يمه همسله لك ها ايهاب هذا سبير ما احس الا ضربه بوكس ونزل سب وفشاير اجه عليه ويصيح بعلو صوته
شنووو هذذااا ريمم شلوونن يصيرر هيججج شأخدج لهناكك احججيييي فتييتييي گلبي احجيي
ريم: حجيت بشهكات بين كلمة وكلمة راجعه من الش الشغل او وطلع بوجهي حا حاولت اساعده وصار الي صار
ايهاب: بشنووو ورطتييي نفسجج ياثوووله لججج مافكرتييي ماشغلتييي عقلجج ماكلتتييي خاف يرجعون يكتلونيي ماااخفتتتيييي
ريم: هزيتله راسي وزدت بالبچي سحبه الي يمه وگله بنتر
ايهاب كافيي اطلع برا خلي نشوف شغلنا
ايهاب: شتحجييي انتتت شغلكك شنووو جاييي اكلككك ريممم ما تسويها ماتسمععع تكلك تريد تساعده
دخل واحد رابع باوعله ايهاب وسحله من ياخته
ايهاب: اياككك عباسس ايااكك وانننننه حذرتكككك
نزل ايد ايهاب من ياخته وگله ببرود وهسه شتريد
ايهاب: عباااسسسس اليي تفكرررر بيههه امحييههه ترا انه الامحيك والله
باوع عليه ابتسم بطرف شفته ورجع يباوع على ايهاب وگال بصفتك شنو تأمرني
ايهاب: بصفتييي كلببب ابنن كلبب تفهم لو لا
: تفضل برا اريد اشوف شغلي وانتَ سيدي عن اذنك
ايهاب: لكك ومحمدددد اذا لزمت شعرهه وحده من شعرههه امحيك من الوجود
: بصفتك شنو تأ قاطعه الي يم ايهاب وهو يگول
كلكم اطلعوا برا انه احقق
ايهاب: ايسر ريم اختي
: ايي كافي يله ولي
: ما مرتاحلك
:كااففييي يله راويني عرض اچتافك
ريم: رادوا يطلعون صرت اصيح ورا ايهاب ميعوفني خايفه معقوله نهايتي اعدام لو مؤبد دنگت راسي وصرت ابچي من كُل گلبي قاطعني صوت : كافي يلا بطليهن ذني ما يعبرن
عضيت شفتي بقهر وكملت بچي حط اديه عالكرسي المقابيلي وخازرني گال بنتر: فضيهااا تراا متحملجج لخاطر ايهاب هزيتله راسي بنفي واردفت بحزن مو انيي والله بريئة مو اني الي قتلته
: ايي خوش صدگتج وهسه اسألج سؤال وجاوبيني بصراحة
ريم: باوعت عليه گال وهو يضرب باصبعه عالميز شنو چانت مشكلتج بيه
ماعرفههه داكُلك ماعرفه والله ما اعرفه
باوعلي واحسه عصب كلش صاح بصوت گمزني
احجججييييي بالتفصييييللللل لا تدوخينييي
توي طالعة من الشغل عالشارع العام شفت سيارة سودة شخطت بسرعة وجانت وراهه جثة رحت يمه ناوية اساعده ردت اتصل عالاسعاف اجت الشرطه
:حلوو هيج صدفه سبحان الله ككاااافففيييي ياببههه كافيي احجييي الحقيقة علمود نگدرررر نساعدججج
مووو انييي
اجه عليه بسرعه حط ايده بشعري احسه انشلع رفع وجهي ورجع عاط
وبصمماااتتتت اااييدجججججج شنووووو نلعععبببب احنهههه لو شايفتنننييي جاهللل كدامججججج عاااالاقلل شوفيلججج جذببههه تخليينيي اصدككك
شمر وجهي وگام يستغفر يروح ويرجع ضرب ايد بأيد وگال :اخخخ لو ماا ايهااببب
طلع ورگع الباب وراه اخذت نفس طويلل بقيت فترة طويله گاعدة واديه مقفوله دفعت الكرسي وگمت اروح وارجع وين انطي وجهي شلون اطلع منا استوقفني الباب وهو ينفتح دخل نفسه الچان وياهم الي اسمه ايوب اشرلي براسه عالكرسي مشيت گعدت
