"မောင် ! "
ရုတ်တရက်ကြားလိုက်ရတဲ့ အသံကြောင့် ကိုယ့်နားကိုယ်ပင်မယုံနိုင် ။
အံ့ဩမှုများစွာနဲ့ မော့ကြည့်လိုက်တော့ မဟာ ကျနော့်ကို စိုက်ကြည့်နေခဲ့သည် ။
မဟာ သိသွားခဲ့ပြီလား ....မဖြစ်နိုင်တာ
" ဟုတ်နေတာဘဲ ... ဘာလို့လဲ! ..
ဘာလို့လိမ်ခဲ့ရတာလဲ "
ရုတ်တရက်ထိုင်ချလာခဲ့တဲ့မရဲ့ လက်ချောင်းလေးတွေဟာ ကျနော့်ရဲ့ပါးပြင်ထက်သို့ နူးညံ့စွာ ထိတွေ့လာခဲ့သည် ။
" ဘာလို့ လိမ်ခဲ့တာလဲ ... ပင်ပန်းမယ်ဆိုတာ သိသိရက်နဲ့ ဘာလို့ လိမ်ခဲ့ရဝာာလဲ "
ပါးပြင်ပေါ်က မျက်ရည်တွေကို အသာသုတ်ပေးပြီး ဆိုလာတဲ့ မရဲ့စကားကြောင့် ခေါင်းထဲအတွေးတွေဟာ စုံနေခဲ့သည် ။
" ကျ... ကျနော်က ဘာကို လိမ်ရမှာလဲ ... ကျနော်ဘာမှ မလိမ်ထားဘူး "
မရဲ့ လက်ကိုအသာပုတ်ချပြီး အကြောက်အကန်ငြင်းဆိုမိသည် ။
အဖြစ်မှန်တွေကို မ သိသွားလို့ မဖြစ်ဘူးဆိုတဲ့အသိဟာ ခေါင်းထဲထပ်လဲလဲပေါ်နေခဲ့သည် ။
မသာ အဖြစ်မှန်တွေသိသွားခဲ့ရင် ကျနော့်ကို သနားစရာကောင်းတဲ့လူတစ်ယောက်လို့ မြင်သွားလိမ့်မည် ။
" ဘာလို့ အခုချိန်ထိ အမှန်တရားတွေကို ဖုံးကွယ်ထားချင်နေရတာလဲ "
" မဟုတ်ဘူး... ကျနော် ဘာမှဖုံးကွယ်မထားဘူး .. ဖြစ်ပျက်ခဲ့သမျှတွေဟာ အမှန်တရားတွေဘဲ ..
ကျနော်က မရဲ့ချစ်သူကို သတ်ခဲ့တဲ့လူ ... အဲ့တာကြောင့် မက ကျနော့်ကို မုန်းနေခဲ့တာ ဒါတွေက အမှန်တရားတွေဘဲ "
" လိမ်နေတာ...
ကိုယ်မလုပ်ခဲ့တဲ့ အပြစ်အတွက် ဘာလို့ အပြစ်ခံယူနေရတာလဲ ... မပင်ပန်းဘူးလား "
မရဲ့စကားအဆုံးမှာ မျက်ရည်တွေဟာ ပိုမိုစီးကျလာခဲ့သည် ။
ပင်ပန်းတာပေါ့ ... အရမ်းကို ပင်ပန်းခဲ့ရတာ ။
" မဟုတ်ဘူး ... မရဲ့ ... ကျနော်က ကျနော်လုပ်ခဲ့တဲ့ အပြစ်တွေအတွက် အပြစ်ဒဏ်ခံယူနေတာ ..
မ ဘာတွေသိထားလဲမသိပေမဲ့ အဲ့တာတွေက အမှန်တွေမဟုတ်ဘူး "
" မ သိထားတာ အမှန်တွေမဟုတ်ရင် .. ဒါကရော "
အဖြူရောင်ဆိုပေမဲ့ နှစ်တွေကြာလို့ ဝါကျင့်ကျင့်ဖြစ်နေတဲ့ လက်ကိုင်ပုဝါလေးဟာ မျက်စိရှေ့သို့ရောက်လာခဲ့သည် ။
မနက်ကတည်းက ပျောက်လို့လိုက်ရှာနေခဲ့ရတဲ့ လက်ကိုင်ပုဝါလေးဟာ ဘယ်လိုလုပ် မရဲ့လက်ထဲမှာရှိနေရတာလဲ ။
YOU ARE READING
ကျနော်ချစ်သော ထိုအမျိုးသမီး
Short Storyမြတ်နိုးရပါသော ထိုအမျိုးသမီးဆီမှ အမုန်းတရားတို့သည် ခါးသက်သော ချိုမြိန်ခြင်းပင် ........
