قُـتـام

البارت الـ 10_⚜️

.
.
تصويتاتكم؟!!!

دخلت بسرعه للغرفه رميت الاكياس وبقيت واگفه بمكاني حايره ما اعرف وين اروح .. استحريت برغم برودة الجو ودخلت ؏ الحمام غسلت وتمسحت ...

وطلعت بدلت ملابسي وصليت .. احلى شي بحياتي الصـلاة ..

اندگ الباب وتوترت حيل يمه منو هذا اليدگ الباب! .. ماجاوبت گمت وگفت وتقدمت ؏ الباب بهدوء والباب يندگ گلت بلچي يروح ...

بس بقه يندگ خلص قررت افتحه وشيصير خل يصير .. لزمت بدة الباب وفتحته بسرعه وصار بوجهي طفل يطلع عمره 4 سنوات

بقه مفهي بوجهي مصدوم من وجودي واني هم مستحيه ..

- وين عمو

دنگت صرت بمستواه والابتسامه شاگه حلگي مادري ليش ..

-لارا: انتَ منو يحلو

گال وهوه مستحي وخدوده حمررر

- اني .. اني آسل

-لارا: هههه شنو حبيبي .. أسر؟

- اي .. انتِ ملة عمو ( مرة عمو)

-لارا: لا يمه اسم الله الستار .. شتريد حبيبي وين اهلك؟

- ء بيبي نوليه تصيح عمو

-لارا: عمو بالحديقه گاعد ياعمري روحله

ركض الطفل بسرعه للحديقه واني گمت وضحكت ياعمري لطييف .. ردت اسد الباب بس استوقفني الصوت وجمدت بمكاني من الخوف .. يمةةة اني شورطني

- منو انتتتتتِ

فتحت عيوني ببطئ واني لازمه يدة الباب قوي .. شفتها عجوز اجت تمشي بأتجاهي وامير گايدها ..

بلعت ريگ وما جاوبت بقيت اباوع على أمير احاول افهم الديصير بحياتي!! .. نطقت بنبره راجفه

-لارا: ءء اني .. اني لارا

وكفت گدامي تباوعلي بحده طگت العوچيه بالكاع وهيه لازمتها وگالت

- منو انتِ منو الجابچ هنانه؟ .. منو هاي يصلبوخ

-أمير: لارا تعالي خلي بيبي تشوفچ

-نوريه: اگلك مني هااي ي الاشگر المصلبخ بس لا ابوك تزوج على امك ولك لاتجلطني احچيلي .. منو انتِ يمهدومه