تعليق ؏ الفقرات + تصويت
- ابنتي لارا هل تقبلين بـ صُهيب ابن. لهيب ال(.....) زوجاً لكِ على سنة الله وورسوله فأن قبلتي فقولي نَعم؟
بلعت ريگ عاصره رجع حچى مره ثانيه وهوه يگول نفس الكلام والنسوان كلها تنتضر جوابي شددت قبضتي علئ فستاني وگلت
- لا
فزيت على عمتي وهيه تنغزني بچتفي باوعتلها فاتحه عيوني اني رفضت!!! بس صدمتني من گالت
-سِهام: وچ فضحتينه صارله ساعه يسأل بيچ جاوبي
بلعت ريگ واردفت
-لارا: نعم قبلت وانتَ وكيلي
اعتلى صوت الهلاهل وكلهن يباوعلي وفرحانات ونهران اباوعلها امدها تگوم تموتني مادري ليش حسيتها مسويه شي
رجع الشيخ سئل صُهيب ومن اول مره جاوب
-صُهيب: نعم قبلت وانتَ وكيلي
رجع صوت الهلاهل انوب بصوت عالي صارو كلهم يهلهلون الزلم والنسوان وعمتي تطش جكليت لزمت ايديني حيل خايفه مادري شبيه
صارت هوسه ورمي بره وبالبيت ماينسمع غير صوت الفشگ والهلاهل شويه وگالو حيدخلون صُهيب والوياه
لبسن البنات واحتشمن وجابتلي عمتي شال خلته على چتوفي غطت زنودي وشال ثاني خلته على شعري
بثواني ويشتغل الديجي ويدخلون زلم ملثمين بأشمغ وصُهيب اول واحد وهمه وراه
چان صُهيب فرحان حيل والضحكه مافارگت وجهه دخل من الباب ودنگ من طوله والنسوان كلها تباوعله عوذه
گمت وگفت وهوه اجه وهذوله وراه والنسوان علگنها تهوس باس راسي يضحك ولزم ايدي الدافيه بايده البارده ويضغط عليها اخير شي شالها وباسها حيل وايده حااره دنگ همس باذاني بفرح
-صُهيب: وچ يابعد تعب سنيني انتِ
ابتسمت بخجل اجت المصوره تصورنه اني وياه وگامو الولد يهوسون
- اخونا خوش اخو يستاهل الهوسه
- حَيو حَيو
چان واحد شويه سمين عرفته من صوته سليم كتل روحه كتل اكثر من ولدنا
تقدم امير متفاعل ويه الغنيه هوه والوياه رفع ايده وهوه لابس الفروه يغني ويه الغنيه
- هم عريس هم نشمي وهم ربعه يزفونه
- العبلك چوله وما اقصر اله ارگصلك رگص يعوور
كمت اضحك بخجل وفرح باوعت لصُهيب يباوعلهم ويضحك لحضه واندارت الغنيه تقدم امير من بيناتهم وهوه رافع ايده ويه الغنيه
- اجمعو كل الرسايل واحرگووها
- حيوو ابو ذياااب حيووو
- خايف من بنات عمي ليشوفوهاا
BINABASA MO ANG
قُـتـام
General Fictionفي ليله مليئه بالسواد هناك رجلُ ذو قلبً متصلب وراء كل عتبه حكايه ووراء كل بدايه نهايه ممتلئه بالقُتام
