مصير دآمس

بارت - 41

" مصـير دآمس "
للكـاتـبــه فاطمه الأحمد

لطفاً لا تنسو التصويت والتعليق بين
الفقرات +متابعه للحساب

⊹

قــــرأة ممتعه أحبتي

⊹

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹

⊰ نـور ⊱

مكان هادئ كـ هدوء المقابر لحظات ورجع
صوته يدگ صوت عقارب الساعة يدگ بقوه
الصوت قريب قريب كُلش لو بصدري لو براسي فزيت مفتحه عيوني على وسعهن
اباوع بالسقف لحظات وگام يحظن رقبتي
يبوسني ويشم بيه اردف وصوته التعبان
وصل لأذاني..

___ نـوراي هديتي حيلي عليج شلون
يغيب شمسين عيونج عليه.؟؟

ابتعد عني يباوع بوجهي نظرتله شفته صگر
بحثت بأرجاء الغرفه ما لگيت أمي.
رفعت أيدي العليها المغذي ترجف رجف خليته على گلبي احاول استوعب

أزهــر : نـوراي ارتاحي لا تفكري بشي
ما بيج شي يـَ حيلي مابيچ شي

رجع يحظن بيه يبوسني خله راسه بصف راسي ويمسد على شعري, شويه وابتعد
يمسح دموعي التنزل بصمت , خليت أيدي على قناع الأوكسجين وخرته شفايفي يرجفن نظرتله نطقت اسمه وانهاريت أبچي

نـور : صگرر..

أزهــر : يَـا روح صگر يَـا حيله
نـوراي لا تبچين لا تبچين دموعچ يچوّن گلبي

رجع راسه بصف راسي يمسح دموعي
درت وجهي عليه عيوننا تشابكت جان
عيونه محمره والدموع متجمع بيهن
صرت أبچي وانظرله احجي واشهگ بالكلمات

نـور : صگــرر.. گول چذذب گول ما ماتت بسببي صگر شلون اعيش هيج مااتت بسببي

مسح دموعي ونزل إبهامه يمسح على شفايفي ويحجي بصوت تعبان.

أزهــر : اشش نـوراي لا تحجين هيچ
مالچ ذنب والله اشش يـَا حيلي لا تبچين .

گالها وضل يبوس بعيوني وَ بوجهي
يحجي ومغمض روحه تعبانه بگد التعب البيّه

أزهــر : أحبچ نـوراي أحبچ يَا حيلي
روحي بروحچ لا تحجين هيچ..

نـور : قتلها بسببي..

ما خلاني أكمل دقايق وابتعد ياخذ نفس
گام وراد يسويله مكان بصفي , اردفت

نـور : صگر شجاي تسوي لا تتهور وخر يلا

نظرلي, تقرب شالني وخلاني على جهه اجا تمدد بصفي سحبني على صدره وخله أيدي العليها المغذي على گلبه اردف.