مصير دآمس

بارت - 43

﷽
__________________________مصير دآمس
للكاتبه فاطمه الأحمد

لطفاً تفاعلوا بين الفقرات والتصويت
+ متابعه للحساب

#خاتونات

قــــرأة ممتعه أحبتي

𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄼𓄹𓄹𓄼𓄹𓄼

⊰ نـور ⊱

بعد الغدا طلعنا من المطعم تمشينا بشوارع بغداد الهوا نضيف لا نار ولا دخان لا صوت رصاص, الحُريه الحياة ضليت اجر نفس ورا نفس زفرتهن رافعه راسي للسما صگر جان حاظن خصري وبس يبتسملي

نـور : واخيرا هوا نضيف لا ريحة بارود ولا أصوات قصف بعدني مامصدگه شلون خلصت من ذاك الَمصير الدآمس..

سحبني لصدره باس شعري, اردف

أزهــر : نـوراي أحبچ حييل يا حيلي

نـور : أحبك صگـاري أبو شامه

شد على حظني والناس تباوعلنا بنظرات مستغربه أشر للرجال عليهَ مبتسمله ويحجي

أزهــر : ترا مرتي مرتي واحبها

-: ربي يحفظكم لبعض أبني

مرينا بصف عوائل واگفه عالجسر كلهم يباوعولنا ويتهامسون.

أزهــر : مرتي شبيكم اهل بغداد داگللكم مرتي مرتي لا بايگها ولا خاطفها

ضربته خفيف على ايده حتى ينزلها

نـور : چذاب جنت خاطفني

أزهــر : لا انقذتچ , اي اختي الغاليه شبيج صلي على مُحمد

- اللهم صل على محمد وعلى آل محمد
خويا انتو بشارع بغداد مو أوربا

أزهــر : دا اگللهم مرتي تگول بشارع حلالي ترا شبيكم وأوروبا نروحلها بشهر العسل.

نـور : تخبللت لو شنو وخر فضحتنا لا ترد عليهم وخر خل نمشي عادي يعني إلا نتحاظن

أزهــر : أنچبي وخليج بحظني ترا اخاف يطخچ شي ناس همج يخلون عيونهم عليج

نـور : والله محد غيرك همج .

وگف يباوعلي والنظاره بعينه

حبيت اشاقيه سحبت النظاره من عينه ابتعدت للشارع لبسته بعيني ابتسم واحجي وياه

نـور : اوي شبيك ابو خزره عيونك الاحبهن بطلت تخوفني..

ما چذب من گال اخاف يطخچ شي الگلوب تحس , صرخ بأسمها..مهدود حيله

أزهــر : نـورررر