الفهد العاشق (الجزء الثاني) للكاتبه إنجي عصام الدين

الفصل الرابع والعشرون

فى قصر فهد

دلف فهد الى داخل القصر وجد تولان تخرج من المطبخ وما أن رأته حتى اتجهت إليه باسمه وهى تقول

تولان:حمد الله على السلامه يا حبيبي ثوانى والاكل يكون جاهز

فهد:وهو يحتضنها:بردوا مصره تتعبى نفسك انا مش قولت قبل كدا بلاش تدخلى المطبخ القصر مليان خدم

تولان:بأبتسامه:وانا قولتلك انى مش بحب حد غيرى يعملك حاجتك وكمان انا الحمد لله كويسه اسيب غيرى يخدمك ليه

فهد:وهو يقبل جبهتها:ربنا يباركلى فيكى يا حبيبتي

تولان:ويخليكى ليا يا حبيبي يارب ...ثم نظرت إليه وقالت...مالك انا حاسه ان فيك حاجه انت كويس

فهد:بتنهيده:اكتر حاجه بحبها فيكى انك بتفهمينى من غير ما اتكلم

تولان:بقلق:مالك يا حبيبي قلقتنى

فهد:وهو يحملها:تعالى نطلع اوضتنا الاول وبعد كدا هحكيلك

وبالفعل اتجه بها إلى الأعلى وما ان دلف من باب الغرفه حتى جلس وهو يحملها وقال

فهد:فيه حاجه حصلت النهارده وانا عايز احكيلك عليها بس اوعدينى متزعليش

تولان:حاجة ايه يا حبيبي قلقتنى

فهد:بتوتر:النهارده وانا فى المكتب دخلت عليا روبى و........ وقص عليها كل شىء ثم قال...والله العظيم هو ده بس اللى حصل مصدقانى

تولان:بتنهيده:ايوه طبعا مصدقاك بس اهم حاجه تكون ندمت فعلا على اللى حصل

فهد:انا فعلا ندمان اوى وصليت واستغفر ربنا الحمد لله انا بس مش عايز اكون مخبى عنك حاجه

تولان:وهى تقبل وجنته:ربنا يباركلى فيك يا حبيبي ويبعد عنك كل شر يارب

احتضن فهد تولان وطبع قبله عميقه على جبهتها وهو يتنهد براحه

فى اليوم التالى

فى مكتب بيبرس

كان بيبرس يجلس فى مكتبه عندما دلفت والدته إلى داخل المكتب فوقف وتقدم منها وهو يقول

بيبرس:تعالى يا ماما اقعدى خير يا حبيبتي فيه حاجه

نجوى:وهى تجلس:مفيش حاجه متقلقش يا بيبرس

بيبرس:معلش اصل دى اول مره تجيلى المكتب فقلقت

نجوى:معلش كنت عايزه اتكلم معاك بعيد عن البيت

بيبرس:براحتك يا ماما..قوليلى بقى فيه ايه

نجوى:انا امبارح اتكلمت مع هدير وقالتلى ....وقصت عليه كل شىء

بيبرس:بس انا بحبها فعلا يا ماما مش شفقه ولا حاجه ذى ما هى فاهمه

نجوى:بص يا بيبرس انا لغاية امبارح مكنتش موافقه على الجوازه دى بس بعد ما اقعدت مع هدير واتكلمت معاها بصراحه ارتاحت ليها جدا