الفهد العاشق (الجزء الثاني) للكاتبه إنجي عصام الدين

الفصل الثامن والعشرون

فى القصر

عاد فهد الى القصر فوجد احمد بأنتظاره وقبل أن يتحدث دلفت هدير الباكيه وبجوارها بيبرس الذى يساعدها على السير حتى لا تصطدم بأى شىء

احمد: هاه يا فهد عرفت مين اللى خطف اختى

فهد : ايوه وهرجعها

هدير : ببكاء : طيب انت كلمتها اطمنت عليها

فهد : لسه هو كان قائل أنه هيكلمنى دلوقتى

بيبرس: هو انت تعرفه معرفه شخصيه يا فهد ولا ايه

فهد : بغضب : ايوه الباشا يبقى جوز منال هانم

احمد : بذهول : منال هانم والدتك

فهد : ايوه للأسف ...انا ...

قطع حديث فهد صوت هاتفه المحمول فأخرجه من جيبه سريعا واجاب عليه

فهد : السلام عليكم....

خالد : وعليكم السلام يا فهد باشا...ايه رأيك فى الفيديو

فهد : بغضب : انا عايز اكلم مراتى علشان اطمن عليها

خالد : بخبث : هى وحشتك ولا ايه متقلقش انا واخد بالى منها ومن اللى فى بطنها كويس اوى

فهد : بشراسه : انا عايز اكلم مراتى

خالد : هههههه...طيب براحه براحه هتكلمها حاضر

انتظر فهد قليلا ثم أتاه صوت تولان الخافت

تولان : فهد

فهد : تولان حبيبتي.... انتى كويسه ...عملك حاجه الحيوان ده

تولان: بهدوء: لا متخافش انا كويسه ...ثم قالت بخوف ...انا عايزه أمشى من هنا يا فهد انا خايفه اوى

اغمض فهد عينيه وضرب بقبضته الحائط الموجود بجواره وقال

فهد : متخافيش يا حبيبتي انا مش هخليه يلمس منك شعره

تولان : انا عارفه بس انا ....

قطع حديث تولان خالد الذى جذب منها الهاتف وقال لفهد

خالد : اطمنت عليها ...نيجى بقى للمهم ..

فهد:بغضب: قول عايز ايه

خالد : اولا ...تنازل منك عن كل ممتلكاتك بما فيهم الملجأ اللى منال هانم مامتك ...اقصد مراتى فتحتاه ...ايه رأيك

فهد :وايه اللى يضمن ليا انك هترجعلى مراتى

خالد : مفيش اى ضمان ...فأنت قدامك خيارين ...يا تنفذ كلامى وابعتلك مراتك ..يا متنفذش حاجه وهبعتلك مراتك بردوا بس متكفنه جاهزه

فهد : بشراسه : عارف لو لمستها ...اقسم بالله ما هسيبك انت فاهم ولا لا ...الو....الو ...

نظر فهد الى الهاتف فقد اغلق خالد الاتصال فجلس على المقعد ووضع رأسه بين كفيه بينما كانت هدير تبكى بشده وبيبرس يحتضنها الى صدره و يحاول تهدئتها بينما اتجه احمد مسرعا إلى فهد وهو يقول