The God Has Fallen

Episode 20

Episode 20

Rogue's POV

"OMG! Nagkabalikan na kayo?" bulalas ni Cassandra dahil kasama na namin si Jane.

Wala ako sa mood makipagtalo kaya iniwan ko si Cassandra. Gusto kong makausap ulit si Jane. Ipagtatapat ko na ang kasalanan ko. Gusto ko ring siguraduhin na sasama talaga siya sa akin pabalik sa city.

Napabaling ako ng tingin kay Jane na abala sa pakikipag-usap sa kanyang tribo. Isa-isa siyang nagpaalam sa mga ito lalo na kina Kandod at Jakod. 

Naging matiwasay ang paalamanan ng lahat. May kaunting iyakan dahil nga sa sasama na paalis sa amin ang pinuno nila na si Jamod. Si Jane ay sasama na rin. Ang mga ibang tribo ay gustong manatili sa isla dahil kinasanayan na talaga nila rito.

Speaking of pagsama sa amin ni Jane, sigurado na nga yata talaga na sasama siya. Nagpaalam na rin kasi siya sa lahat. At mukhang pinayagan na rin siya ni Dakila dahil hindi na nagpakita ang supot na iyon.

Kanina pa nga ako nakahanda sa pagsugod ni Dakila rito para umeksena, pero wala naman ito. It only means that he doesn't care about Jane anymore.

May humabol pa nga palang isa. Si Durat na tulala at tila natuluyan na. Ang matanda ay akay-akay ni Jamod. Sasama na rin daw ito.

Ang akala ko ay wala nang aberya, until bigla kong natanaw ko na papalapit ang isang matangkad na lalaki na nakabahag— si Dakila!

"Why are you here?" Hinarangan ko si Kreed sa kanyang daan. 

Napatanga ako nang makitang may bitbit siyang basket kung saan naroon ang mga gamit niya. At ang mga gamit na naroon ay sabon, anti-dandruff shampoo, aftershave lotion, razor, at deodorant. Seriously?! Saan niya napagkukuha ang mga iyon?!

Mas napatanga ako dahil ang paglalakad niya ay papunta sa bangka na ginawa namin. 

"I'm coming with you." Kalmado ang asul niyang mga mata.

"No."

Umismid siya. "Wala akong pakialam kung ayaw mo."

"I said no."

Lumapit sa likuran ko si Cassandra. "Don't let him. We shouldn't trust him."

"I know. Get the shit out of here."

Nakasimangot si Cassandra na bumalik sa bangka.

Ibinagsak ni Kreed ang bitbit niyang mga gamit. "Do we need to fight?"

"It's over for you, Kreed. Jane is mine. Sasama siya sa akin. She chose me."

"I don't care about the two of you. I just wanna leave this place. May hahanapin ako."