((الحلقة الثلاثون))
#انت_قلبي
#بوسي_مصطفي
____________________
في شقة كريم
راح كريم لحازم أقنعه إنه يجي يعتذر لفريدة بعد م انهارت وقعدت تعيط
جه كريم ومعاه حازم كانت فريدة جوه في اوضتها قعده ع السرير بتعيط دخلها كريم
كريم / فريدة عشان خاطري اطلعي بس هو جاي يعتذرلك ويطيب خاطرك
فريدة/"خاطر ايه ياكريم؟! ...
وهو لما يعتذرلي كده بقى خلاص الموضوع خلص
والإنسانه اللي كسر بخاطرها ونزلها من عندي بالشكل دا مين يجيب حقها
كريم / طيب هاتي العنوان وانا وهو نروح نعتذرلها ولو عايزة تيجي تعالى
فريدة / اروحلها!
اروح اقولها ايه ياكريم
معلش ياياسمين عيل وغلط
حازم واقف ع باب الغرفه ونظر لفريدة وهو متعصب
حازم / انتي عامله حساب ل البني ادمه دي اوي كده ليه
فريدة / كريم خليه يخرج بره مش عايزة اشوفه
حازم / انا مجاتش غير عشان كريم
فريدة / وانا بقولك اخرج ياحازم عشان مش طايقه اشوفك
حازم / كل دا عشان الزباله دي
فريدة بغضب وهي مقربه ناحية حازم / انا مصاحبش زباله
الزباله دي انت اللي تعرفها أظن فاهمني كويس ... وصاحبتي دي انضف منك
حازم / سامع يادكتور... انا بس عامل حساب لوجودك
فريدة / ولو مكانش موجود كنت هتعمل اي ياحازم
حازم / فريدة انتي حامل متخلنيش اتجنن عليكي
كريم قام ووقف بينهم / الظاهر فريدة عندها حق اخرج ياحازم من هنا
حازم / بقى كده وانا اللي جيت عشان خاطرك ياكريم
كريم / انت لو عاملي خاطر مكونتش قولت ل اختك كلمة زي دي ويوم م تفكر تمد ايدك عليها
انا هقطعهالك اتفضل بقى من هنا
حازم /"ماشي بس خليك انت وهي فاكرين الموقف دا كويس
وخرج حازم من الشقه
كريم / تعالى يافريدة عشان تاخدي الحقنه
فريدة بتعيط
كريم بانفعال / طب انا ذنبي ايه في كل ده؟
ابوس ايدك حافظي ع بطنك بقى.. اللي بتعمليه دا هيضيع الحاجه اللي انا مستنيها بقالي سنين.. عشان خاطري يافريدة اهدي بس دلوقت وانا مستعد اروح بنفسي اعتذرلها
فريدة / وانت ذنبك ايه
كريم / مش اتهانت في بيتي
فريدة / صعبت عليه اوي ياكريم
الجرس بيرن
قام كريم يفتح الباب
علاء بينهج/ كريم... شهد بتولد
كريم /"ايه!
طب انت رايح فين دلوقت
علاء /" واخدها المستشفى
كريم / طيب ثواني هغير هدومي واجي معاكو
علاء/ خلاص ابقى حصلنا ع هناك
كريم / طيب.. اوك
ودخل كريم بسرعه يغير هدومه
فريدة / شهد بتولد
كريم /"اه... علاء واخدها المستشفى وانا هحصله ع هناك
وباس ايدها/ عشان خاطري يافريدة حاولي تريحي ع ضهرك شويه عندنا سفر الصبح
فريدة هزت راسها وهي مدمعه
كريم / فكريني لما ارجع اديكي الحقنه عشان السفر
فريدة /" حاضر. .. ابقى اتصل طمني
كريم / حاضر ياروحي.. سلام
خرج كريم بسرعة
فون فريدة يرن
فريدة / الو... ايوه يافيروز
فيروز/ ياسمين عندك يافريدة
فريدة/ ياسمين... لا نزلت من بدري...
ليه هي مرجعتش البيت؟
فيروز/لا واحنا قلقنين عليها اوي
فريدة/ ... لسه مرجعتش لحد دلوقت طيب راحت فين ؟!
فيروز / فكري معايا ممكن تكون راحت عند مين من أصحابها
فريدة / معرفش بس يمكن رجعت بيت جدتك انتي فين
فيروز / لا مرجعتش هناك احنا لسه جايين من شويه واتصلنا سألنا عليها عمتي قالت إنها مجاتش عندها
فريدة / طيب هقفل وابقى اكلمك
فيروز / يعني تعرفي هي ممكن تكون فين
فريدة / ممكن تكون عند امل دي واحده زميلتنا في المدرسة
فيروز / اه رقمها عندي عشان كنت اخدت الخط بتاعتها... ماشي هكلمها
فريدة / ابقى اتصلي طمنيني بقى
قفلت فيروز
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
