((الحلقة 107))
#انت_قلبي
#بوسي_مصطفي
________________
في شقة طارق
هنادي نايمه وامها قاعده جنبها شايله بنتها الصغيرة
قامت هنادي وهي عينها بتلف في المكان
سعديه / هنادي انتي قومتي ياضنايا
هنادي / امه هو في ايه
انا فين
سعديه وهي دموعها على خدها / انتي في بيتك يابنتي وسط ولادك
هنادي / هو في ايه ياامه ايه الدوشه اللي بره دي
سعديه / اقولك ايه ياهنادي
مش قادرة تطلع من بوقي
ﷲ يرحمك... ياطارق ياابني
هنادي تقوم من السرير بتعب / الرحمه بتجوز على الحي والميت ياامه... هو طارق قام بالسلامة مش كده
سعديه / ياكامل ياوائل انتو فين
وائل / نعم ياامه في حاجه
سعديه / سند اختك وهاتها تقعد هنا بلاش تطلع بره
وائل / رايحه فين ياهنادي
هنادي / رايحه لطارق المستشفى هو اكيد محتاجني دلوقت
هو قالي لما افوق من البنج ياهنادي عايز اشوفك قدامي هاتي والولاد ومتسبونيش لوحدي في المستشفى
وائل / اقعدي ياهنادي واهدي
هنادي / هو انتو مش عايزني اروحله ليه
وائل / شدي حيلك يااختي
هنادي بصراخ / بلاش الكلام دا اني هروح اشوف طارق واطمن عليه وهو هيفوق اول م يشوفني اني عارفه
حضنها وائل وهو بيبكي
________
الحاجه امينه لنرمين / قوميني اصلي يابنتي
نرمين بحزن / حاضر ياامه
الحاجه امينه / مش عايزة حد يعيط ولا عايزة اسمع صوت حد خالص سكتيهم كلهم
اسكتي ياهدي
نرمين وهي بتعيط/ دموعنا لو منزلتش على الغاليين ياامه هتنزل على مين بس
الحاجه امينه / اخوكي كويس وبيقولكو محدش يعيط عليه عشان هو ارتاح خلاص
اني شايفه رؤيه ليه وقالي متعيطيش ياامه اني كويس وقوليلهم ميعيطوش هما لو يعرفوا اني كنت تعبان قد ايه هيعرفوا اني خلاص ارتحت دلوقت ومبقتش اتألم زي الاول قولي لمراته تسكت وتبطل صريخ يابنتي
نرمين وهي بتبكي / حاضر ياامه
الحاجه امينه / اخواتك لسه مجوش من المستشفى
نرمين / لا لسه
الحاجه امينه / طب خدي ب ايدي عشان اتوضا يابنتي مش قادرة امشي
نرمين / حاضر ياامه
___________________
في شقة كريم
فريدة لياسمين في التليفون
انتي بتقولي ايه ياياسمين
ياسمينه / من ساعة معرفت وانا مبطلتش عياط ومش قادرة اتلم على اعصابي يافريدة
فريدة / ياعيني عليكي ياهنادي
ياسمينه / مش هقدر اروحلها يافريدة صعب اوي
فريدة بتعيط / ولا انا
ياسمينه / امل بتقول لازم نروح ونواسيها وانا مش هقدر
فريدة / هنروح فين
ياسمينه / الشقه عندها
فريدة / هي مش هتنزل البلد
ياسمينه / معرفش انا مكلمتهاش
فريدة / خلاص نقول ل امل تتصل بيها هي قلبها جامد شوية
ياسمينه / بالعكس يافريدة دي مبطلتش عياط طول المكالمة وقعدت تفكرني ب طارق
وقد ايه كان محترم ومؤدب وكان مدرس شاطر اوي وحسن مستوى ولادها كتير وقعدت تكلمني عن طولت باله معاهم وانه عمره مرفع راسه وهو بيكلمها ودي حقيقه انا شوفتها
فريدة / فعلا كان انسان محترم اوي... انا تعبانه اوي ياياسمين
ياسمينه / يارتني م قولتلك انا عارفه إنك تعبانه من الولاده وغلبت معاكي تقولي لجوزك دا جرح يافريدة مش حاجه سهله
فريدة / خلينا في هنادي دلوقت
ياسمينه / هعمل ايه بحاول اهرب من التفكير في الموضوع دا عشان كل م افتكره قلبي يوجعني
فريدة / شوفي حد يكلم هنادي قولي لسهر ولا داليا تعرف منها هي فين عشان نروحلها
ياسمينه / حاضر هشوف داليا
سلام
____________
في شقة اسر
اسر داخل لسهر الاوضة
اسر / سهر مشوفتيش الفون بتاعي كنت سايبه على الطربيزة بره دخلت اجيب المفاتيح ملقتهوش
سهر ترفع راسها
اسر / سهر انتي بتعيطي
انهارت سهر وبكت اكتر
قرب اسر منها واخدها في حضنه
اسر / مالك ياحبيبتي قوليلي في ايه
سهر / جوز واحده صاحبتنا اتوفى
اسر / لا إله إلا ﷲ
البقاء لله
سهر / الأستاذ طارق اللي كان بيروح لولاد هشام مدرس الانجلش
اسر / بتقولي ايه
سهر / لسه واحده صاحبتي مكلَماني وقالتلي انا مش قادرة اتلم على نفسي
اسر يحضنها اكتر / اهدي ياحبيبتي اهدي بس
هكلم هشام افهم منه يمكن في حاجه غلط
سهر / اه اتصل اتأكد
اسر / طب هو فين تليفوني
كان على داخل الاوضه
اسر / معاك التليفون وانا بدور عليه
واخد التليفون من على وبيتصل بهشام اللي اكدله الخبر
____________________
بعد شوية
في شقة كريم
كريم بيلبس عشان هينزل البلد مع والده وعمه أكرم وحازم
فريدة / هلبس وجايه معاك
كريم / هتروحي فين بس يافريدة انتي تعبانه ياحبيبتي لما تيجي ابقى عزيها هنا
فريدة / مينفعش ياكريم
سميرة جايه على صوتهم
سميرة / هتروحي فين بس يافريدة وانتي كده وبعدين ما هي اكيد هاتيجي على هنا مش شقتها هنا برضو
كريم / حد من صحابك رايح ولا انتي بس اللي طلعت في دماغك الفكرة دي
فريدة / صحابي يروحوا او ميرحوش براحتهم ومتنساش إنه كان زوج اخت
وائل جوز رحمه اختي
كريم / وانا كفايه يافريدة و بابا وحازم وعمي أكرم رايحيين دا غير معتز والأستاذ كمال كمان
فريدة / ماشي ياكريم
كريم / اقعدي ياحبيبتي جنب ولادك وماما معاكي اهي لو احتاجتي حاجه هي موجوده ولما صاحبتك ترجع ابقى عزيها هنا زي م قولتلك
فريدة بتعيط
نظر كريم لمامته
سميرة / انزل انت ياابني عشان متتأخرش وانا هعملها حاجه تقوتها عشان ترضع ابنها
كريم / تاكلي كويس يافريدة عشان صحتك وتقدري تاخدي بالك من ولادك... سلام ياحبيبتي وهبقي اكلمك اطمن عليكي
وخرج كريم مع مامته
كريم / ماما عشان خاطري خلي بالك منها واقرصي عليها في الاكل اوي
سميرة / حاضر ياحبيبي تروح وترجع بالسلامة وخلي بالك من نفسك وأنت سايق ياكريم اوعي تنام ياحبيبي انا مبحبش سفر الليل دا
كريم / متقلقيش ياماما
بابا وعمي أكرم هيبقوا معايا
وحازم ومعتز و علاء هيبقوا مع بعض عشان يبدلوا في الطريق
سميرة / طب كويس ابقى كلمنا بقى لما توصل هناك مع السلامة ياحبيبي
______________
أنت تقرأ
أنت قلبي🧡🥀الجزء الأول.
ChickLit#انت_قلبي قصة اجتماعية رومانسية ((مليئة بالمواقف النبيله بين الأصدقاء)) وهي عبارة عن ست "٦" شخصيات نسائيه فيهم المرحه والطيبه والعنيدة والطموحه والخجولة والجدعة بتجمعهم الصداقة وهتحصل مواقف كتير بينهم تعالوا نشوف _ امل _ ياسمينه _ فريدة _ دا...
