حكايات الورد 🌼

إيمان عبد السميع 🌼

* ماما هدى ... صباح الخير
- تعالى ى بنتى  .. صباح النور
* برضو جهزتى الفطار ... مش قولتلك انا اللى هعمله
- وكالعادة هقوم قبلك وأعمله ... ابقى أخدمينى لما أبقى عاجزة
* بعد الشر عنك ى جميل ... أنتى لسه ف ريعان شبابك .. ونجوزوكى لو عايزة😉
- أخرسى ى طويلة ى هبلة
* طب ليه الغلط ع الصبح
- عشان تلمى لسانك ى مسحوبة اللسان
* الله يسامحك وانا اللى عايزة مصلحتك
- خليهالك .. اعمليها لنفسك
* بقى كده
- آه ويلا غورى من وشى اجهزى عما أخلص الفطار
* آمرك ى جميل
-------
ماما هدى : دى أحن شخص بعد أهلى .. دى الحضن اللى دفانى .. والآيد اللى طبطبت والأمان ...... اتنقلنا للعمارة اللى فيها ف 2 ثانوى وكنا عايشين مبسوطين واتعرفنا عليها ، وأنا ف تالتة أهلى ماتوا ف حادثة  فضلت شهور وانا ف شبه غيبوبة ، لحد ما ربنا شافانى وبقيت من غير عيلة ، خلتنى أروح أعيش معها ف شقتها ونونس وحدتنا واناديها ماما هدى ، وفعلا هى تستاهل كل خير ،عدت السنة وبعدها دخلت فنون جميلة وبشتغل معها ف محل الورد بتاعها وقدرت تعوضنى كتير .
--------------
* الحمد لله تسلم إيدك
- بالهنا ى حبيبتى
* انا هروح بقى الكلية وهاجى الظهر
- ماشى ى حبيبتى خلى بالك من نفسك
بوستها ع راسها ومشيت .

وصلت ومكنش ليا صحاب ... بقيت أخاف من فكرة الفراق .... فبعدت عن الكل وكل اللى بينا زمالة وبس ..... روحت طلعت الشقة صليت وغيرت ونزلت المحل
- وصلتى ى إيمان
* آه ى ماما
- طب انا هطلع بقى وخلى بالك من المحل
* أوك
دورت شوية وسط الورد ، سبحان اللّٰه ف جماله وشكله وعطره ، شكل يريحك داخليا ، روحت ع ركن كنت مخصصه كمرسم صغير كشفت اللوحة وكملتها ، كانت عبارة " بنت قلبها مليان تراب ، وجت عليه المطر لينبت زهور "
خلصتها وغطيتها .... خلص اليوم وقفلت المحل وطلعت لقيتها ماسكة ألبوم وع وشها أجمل أبتسامة مع دموع
* الجميل ماله
- مافيش بس أفتكرت ابنى
* ولا مرة شوفته
- سافر قبل ما أنتو تيجو بسنة ... بقاله سبع سنين منزلش ، كان رايح دراسة بس قلبت أقامة وشغل ... وحشنى أوى
* أكيد هيرجع .. مهما زاد بعاده ميقدرش يستغنى عن وطنه وبيته وأهله
- ى رب ى بنتى
* تلاقيه هربان عشان يجوز وخايف
- ى بت انتى لسانك متبرى منك
* ى ماما ما هو مسلوع واكيد عارف أن مفيش واحدة هترضى بيه فيجوز من بره ... بيحبوا المسلوعين
- خبطتى ف كتفى : أتلمى ى بت ، دانا ابنى امير ومليون واحدة تتمناه
*، ع أيه ، ده اللى هترضى بيه هتبقى طمعانة فيكى ى جميل
- ى رب الصبر من عندك ، مش عارفة يعنى ربنا زايدك طول ولسان
* خلاص خلاص ، ابنك هترضى بيه مليون ولو مرضيوش ، هضحى أنا واتجوزه 😞
- غورى ى بت من وشى
------------------------
تانى يوم ف المحل ، سمعت صوت  أجراس الباب روحت لقيت واحد مدينى ظهره
* اساعد حضرتك
• لف ناحيتى ولابس نظارة سوده  : بتكلمينى
* بصيت حواليه : مفيش غيرك
• متعرفيش انا مين ؟
* محصليش القرف أقصد الشرف
• بصلى شوية : عايز اجمل بوكيه
* لأى مناسبة ؟
• هو مناسبات
* بغيظ : موت .. فرح.... حد مريض ... لحبيبتك
• اممممممم...... لحبيبتى
* انتظر دقيقتين