Taming the Waves (College Series #2)

Chapter 14

"Chin, nasa labas ulit si Troy." Mira informed me.

Isinandal ko ang ulo sa pader at tumitig kay Irina na tumigil sa pagta-type sa laptop nya para tingnan ni Mira. Kumunot ang noo ko at inagaw sa kanya ang laptop para ipagpatuloy ang chapter 5 ng research namin.

"Huy, anong sasabihin ko?" Mira bothered me again.

Napairap ako. "Baka si Iris ang inaantay nyan, Mira. Hayaan mo sya, busy ako." Tuloy-tuloy kong saad.

She groaned. "Ako ang namomroblema sa lovelife mo!"

Paalis na sya sa harap ko nang marinig ko ang malakas na sigaw ni Vina sa labas.

"Bawal ang pangit dito sa tapat ng room namin! Kahit anak pa ng kung sino, basta pangit, bawal!" pagpaparinig nya kay Troy.

Umiling na lang ako at ipinagpatuloy ang paggawa ng research. I don't know why people assume that he's here for me. Naging klaro naman na ang huling pag-uusap namin noong nakaraang buwan kaya hindi ko maintindihan kung bakit nagpupunta pa rin ito sa building namin.

Of course it's for Iris, Chin.

"Uh... hindi mo ba lalabasin si Troy?" tanong ni Irina sa akin.

I threw a glance at her. "Bakit? Ako ba ang ipinunta nya?"

She pursed her lips and gulped. Mukhang may sasabihin sya pero hindi nya naman itinuloy kaya hinayaan ko na lang. Kaunting pagtitiis na lang at hindi ko na sya kailangang kausapin araw-araw!

Pumasok sa room si Vina na nakabusangot bago tumabi sa akin. Hindi ko alam kung tapos na ang research nila ni Mira dahil parang wala silang ginagawa.

"Ayokong kakausapin mo 'yon, Chin. Huwag mong kalilimutan ang ginawa nya sa Booze," paalala nito sa akin.

I let out a faint smile. I know.

Umayos ako ng upo at tiningnan sya. "Tapos na ba kayo sa research nyo?"

"Proofreading na lang," she shrugged her shoulders and leaned against the chair.

After a while, dumating din naman si Sir Will at nagsimula na ang normal na discussion. He reminded us our upcoming defense which makes me nervous. Natatakot ako na baka hindi umayos si Irina.

Lumabas kami ng room noong lunch na. Wala akong dalang pagkain kaya kailangan ko pang pumunta sa canteen hindi gaya nina Mira at Vina. Kasama ko naman ang ibang kaklase kaya ayos lang.

"Si Ma'am Victoria ang isa sa panel natin sa defense, ah?" Mich uttered.

Nanlalaki ang mata kong napatingin sa kanya. "Totoo?!"

"Yup. Kaya nga aral na aral kami ni Daniel."

Mas lalo akong kinabahan sa narinig. I hope Irina won't screw things up! Confident naman ako sa research namin pero natatakot pa rin talaga ako na baka gisahin kami!

Nasa hagdan kami nang makita ko sa dulo si Troy na nakasandal sa railings kasama ang mga kaibigan sa ibang kurso. Mabilis na nagtama ang mata namin kaya umayos sya ng tayo. He was laughing with his friends earlier but when he saw us, he sported his serious looking face.

I looked away and ignored him. Balik sya sa dating gawi. Lagi syang nasa department namin at hindi gaya noon, hindi ko na talaga sya pinapansin. Hindi na rin naman kami inaasar dahil wala nang pasaring ang lalaki sa twitter. Isa pa, bali-balita ring sila ni Iris kaya nawalan na ako ng gana.

"Kung hindi lang sila ni Iris, iisipin kong ikaw pa rin ang ipinupunta nyan sa department natin," Mich stated but I failed to react.

Nang maka-order ay mag-isa na lang akong bumalik sa building namin dahil sa canteen kakain ang mga kasama ko.