متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة السابعة: تضحك وفي عينيها ألف دمعة🍁

متمردتي:2

سيمو عيط لرائد لي وصل لمطار غادي بحوايجو لي لابس مكانش معول ولكن من لي تعصب قبيلة دغيا دارت ليه فلخوا وقلبها لإسبانيا... ماكيهموش حوايجو يشري كلشي لي خاصو غير بأبيل منو يوجدو ليه كلشي اعصابو باقي مبردوش مبغاش يقول ولا يدير شي حاجة تزيد تكفس علاقتو بحنان ولكن قرر انه عمرو باقي يتعامل معاها كيما كان من بعد اسبانيا غايرجع إنسان أخر....
سيمو: والعشير هربتيني أنا بعدا واش لديموك يعيط ليا انا لمنادجر هو لي قوليا صاحبي مسافر
رائد: يالاه خديت قرار
سيمو باستهزاء: خديتيه فلمطار ولا قدام دار لخوادرية
رائد: راك عارف ختك واستفزازها
سيمو تنهد: دابا مغاتحضرش لعيد ميلادها؟
رائد: غادي لسبانيا اساط ياكما تسحابني مورا دورة؟
سيمو: ماعلينا اساط مابقا والو للعرس واش قاديتو كاع لبلانات؟؟
رائد: مابقيتش كنمشي معاها قسمنا لي طاش كل واحد فينا تكلف بحاجة وصافي سالينا كلشي واجد....نتوما فين غاتمشيو لشهر لعسل؟؟
سيمو: شهر ديال نبگ راك عارف نقدر ناخد غير زوج سيمانات حيت غيبدا دوري قريب...
رائد حك شعرو: فاك غانرجعو لديك بلاد مكرهتش نبقاو فلمغرب
سيمو: كون كان دوري عندنا كيدخل فلوس كوراه حنا كنلعبو مع بلادنا ولكن غير شفرة لي كاينة
رائد سمع لفول ديالو قرب وخاصو يمشي: شوف حضي مع حنان وعنداك يقرب ليها شي حد.....
سيمو طلق ضحكة من نيتو: هههههه من نيتك العود راه ختي هاديك تلاح تلاح هرب لك واقلة.....
                        ********************

فدار حنان واقفة كتخنزر فصاحبتها: واقاليا برنسيسة وتفكرت داك الحيوان ملي كان كيقولها ليا
علياء تاهي مخنزرة فيها: تالين غاتبقاي تقولي فهاد لهضرة؟؟ تالين غايبقا يجي من لماضي ويسكن كوابيسك؟؟ ....صافي احنان باراكة علك وعلينا صافي جمعي كرك وترجلي معانا كتعطي ديك شخصية قوية لبنادم ودافعي على راسك وتكوني قوية ولكن كلشي غير تمتيل الداخل ديالك ضاير بيه سور كبير ومكتخلي تاحد يدخل انا براسي كون مدخلتش قبل ماتسدي بزكروم كوراني باقة حاصلة برا
حنان شافت فيها وخرجات لسانها: علاش داوية انا بعدا سمعت غير زكروم أشنو هاد زكروم عوتاني
علياء: راجل مك
حنان: راجل مي الله يعمرها دار وسميتو فريد
علياء: ساطة كنهضر معاك بصح رائد داير معاك موت لمزيان وجاب لك كاضو كنتي ديما كتمنايه وكان غايجي لعيد ميلادك
حنان وقفاتها: كيفاش كيفاش كان غايجي؟؟
علياء تفكرات سيمو قاليها متقوليش: كان غايجي كون مكانش عندو مايدار (حنان حمرات فيها وغوبشات) صافي صافي ماتخنزري فيا مانخنزر فك هو كان غايجي وملي ضرتي فيه قرر يمشي
حنان باستغراب: علاش؟؟ مافهمتش مالي أش درت ليه؟
علياء: واش من نيتك اساطة جايب لك هاسكي كيديرو عل أقل 5000dh هو فحقيقة كون قالها ليا نضبر ليه فيه من عند ولاد درب لقدام فااااا
حنان تفركعات بضحك: فا؟!!! فابور زعمة هههههه وقالت لك انا هضرتي زنقاوية نتي راك موت زنقاوية ههههههه
علياء: مهم كنت كنقول بلا نتي باركة عليه جي خود كلبك ألكلبة ماحشمتيش؟؟ واش انا ربيتك على هادشي؟؟
حنان: ديمك انا كبر منك بخمس شهور
علياء: ومن بعد تولدتي قبل مني ولكن انا نضجت قبل منك
حنان: واع هههههههههه نضجت خخخخخخخخخ ديمك اشمن نضج ونتي ديك نهار باركة تمتلي ودايرة فيها سخفاتة ولبكا ههههه وفلخر قلتي ليه يشري لك شيبس وتسامحيه تفو ديمك طيحتي علينا دل .... تعلمي مني مامصاحباش معاه كاع وجايب ليا هاسكي