متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة العاشرة: عقد قران وعقد إنكسار🍁

متمردتي:12

حنان ميلات راسها باستغراب: اش كندير؟؟ سفة لعيالات والمرقة لرجالة اش كندير اش بنت لك كندير مافهمتش
رائد زاد خطوة: حنان اش كديري بهاد لفعايل اش باغة؟؟
حنان تاهي زادت خطوة بكل عناد خنزرات فيه: عرس خويا وبغيت نغني ليه
رائد زاد خطوة اخرى وقف قدام وجهها و هاد لمرة هبط عينيه لصدرها قدام عينيها: أش كديري بهاد لباس
حنان تاهي زادت خطوة كتحداه: لبسي هو لبسي وديما هادا هو ستيل ديالي
رائد: ماشي بحال هاكا كتلبسي ديما
حنان: ستيلي انه معنديش ستيل كنلبس كلشي على حساب مزاجي وعلى حساب لي عجبني نلبسو و انت اش دخلك فيا؟؟
رائد بقا كيشوف فعينيها وتحدي ولغضب لي فيهم بتاسم بجنب وقرب ليها لودنها: هادا غير تمرد من تمردات ديالك مكاينش لي حافضك قدي...
حنان رجعات بلور كتهرب من قربو شد دراعها ورجعها لصقات مع صدرو ونزل لودنها كيهضر ببطء وسخونية انفاسو خلاتها كترعد: نشوفك قريبا احنان تهلاي فراسك
باسها فوق ودنها متحركاتش نزل بقبلة أخرى على خدها وهي مجمدة، حط يدو على دقنها وهز وجهها شافت فيه وعينه كيبريو: نشوفك!!
خلاها واقفة وخرج مشا عند صاحبو لي لقاه فطريقو كيتسنى فلعروس تخرج بلباس أخر، كتر ماهوما تقاليد فلعروس كتبغي تبين لناسها وحبابها بلي شخص لي كتبغيه هداها حوايج ثمينة كتجمع مابين اثواب راقية وعاد خياطات عريقة من لفاسية لي معروفة بلأصالة لعريقة بخيوط صقلي تال خياطة رباطية او لمخزني كيما كنقولو لي كيتميزو بيه لقفاطن بالأخص وكان معروف بلباس ليومي داخل قصور الملوك..
رائد وقف حدى سيمو: اصحبي شحال من لبسة غاتبقا تبدل علك علياء
سيمو ضار عندو وضحك فوجهو: تلبس لي لبسات مغاتكونش دوخاتني بلبسة وحدة كيما دارت لك حنان ليوم هههههه والعود عينيك محايدوش عليها كون مكنتش عارفك غاتبقا تاتزوجها وتكون لك كون قبرت ديمك انا نيت
رائد بلامبالاة: ماتقدرش عليا!!
سيمو نفخ صدرو: نجربو؟؟
مليكة: هداك بيبي لي نافخ ريشو برك لرض راه عرسك هادا أش بغيتي عند وليدي رائد
سيمو بتاسم وضار عند ماماه باس فوق راسها: أحياني علك امليكة سمعتي غايتزوج بنتك وليتي تقولي ولدي
مليكة قرمعاتو لقفاه: مليكة لمك باركة انا وياك فراس درب نسلخ مك نهار عرسك ها؟؟؟
سيمو:وا لواليدة غير كنضحك
رائد بتاسم ليها: غار مني حيت كتبغيني كتر منو
مليكة مشات عند رائد عنقاتو وبتاسمات ليه بحزن وعنقاتو كرزات عليه حس براسو يقدر يتنفس عوتاني فحضنها كتعوضو على لحنان لي ناقصو: سمعت جميلة دخلات للمصحة
رائد باقي معنقها: اخيرا قبلات
مليكة بعدات عليه وشدات فحنكو: ان شاء الله تولي لباس وترجع كيما كانت
رائد: معرفتش كي كانت قبل لبلية لأم لي عرفت ديما كانت مبلية هادي لابغينا نسميوها أم
مليكة: اولدي فقدان راجل تسند عليه لمرأة شي مرات كدوخ كتستسلم انا دزت منها
رائد بابتسامة حزينة: لقيتي ولادك بجنبك عونوك
مليكة بتاسمات ليه بحزن: حنان كانت كبيرة وقوية عونات اما نتا وماماك اولدي بزوج كنتو باقين صغار وبلا شي حد يحكم ويرجع لعقل للواحد ملي كتسد عليه دنيا ابوابها كتولي معادلة أخرى عطيها فرصة...
سيمو عنقهم بزوج: الخوت راه عرس هادا فرحو معانا ولا نعربط عليكم
مليكة شداتو من ودنو: اجي انت واش فعرسك ومباغيش دير لعقل؟؟ إمتى غاديرو؟؟
سيمو هرب ليها وبتاسم بطفولية: ماما مسطية كتولد غير مسطين
هرب رجع لعند عروستو خلاهم كيضحكو: شكرا أماما مليكة على كلشي لي درتي فحياتي
مليكة: وشكرا تانتا على دكشي لي درتي وماتلومش راسك كنتي صغير ومافيدك ماتعمل... وحنان تاهي راه بدات كتفهم موقفك... صبرتي سنين زيد شوية
رائد بتاسم ليها جنب: باقة خطتنا هي خطتنا؟؟
مليكة: غير الله يعاونك وتقنعها ديك لبنت راسها قاااااصح
رائد: متخافيش مدبرها الله

هادو أجزاء البارحة اعتدر على تأخير واجزاء ليوم ان شاء الله بليل 😘لي دازت تخلي عشرة تعاليق عاونو لقصة طلع للبنات