حب قاسي (قصة مكتملة بالدارجة المغربية 🌸💗)

🥀حب قاسي 🥀

للكاتبة : hkhiba🌝

🌸حب قاسي🌸

☘️الجزء17☘️

قاعة اشبه بقصر من الداخل مزينة بثريات المااسية كبيرة واضواء خافتة مزينة المكان طوابل مستفين بشكل راقي ومغطيين باثواب من الحرير
...
جالسة قدام المراية بتكشيطة فاللون الاخضر شعرها البني الطويل مجموع نصفو بمشيطة عالية وبعض خصلاتو نازلين على عنقها وتاج باحجار مشكلة فاللون الاخضر  ...ميكاب بالوان ترابية خفيف مع عكر نود جايين مع وجهها ..وحداها بنت بقفطان فالازرق فاتح ..شعرها الاشقر مطلوق على راحتو وخيط الريح فوق جبهتها...مزينة شفايفها المنيفخين باحمر شفاه لونو فاتح وميكب خفيف بايلاينر اسود مجبد عينيها
حنان : اوووميكااادد ياابنت الحرااام شدااتنيي البكية ..جيتيي زوينة بزااف
وداد : حتا نتيي يالمسيخطة جيتي على مزيناتك
حنان ( كتسوط بيديها ): هوووف نااريييي غانبكيي غاانبكيي غاايخسر اللمااكيااج هوووف ..تزوجيي بياا اناا نعيشك امييرة
وداد : الله يهديك هاديك الهبيلة تبتي ..انا براسي شاداني الخلعة تقول عاد غاندوز الباك
حنان: اوديي الباك متايخلعش تالهاد الدرجة
وداد : واايييه
....: ختيي النكاافة راه جاات غادي تخرجوو داابا
وداد : وااخا حناا راه واجدين

.....
: الصلااااااااا والسلااااام علىىىى رسووول اللله.
اللى جا[...]

كاع الحضور توجهو انضارهم للعروس لي كانت اشبه بشي اميرة بتكشيطتها الملكية ومشيتها الواثقة..مكاينش لي ماتفتنش بزينها وبرقيها وجمالها..
...حنى كلسات فالبلاصة المخصصه ليها ..
بداو مراسم العرس من شطيح وغنا وموسيقى ..حتى بردو غدايدهوم وعاد جلسو تفرقات الحلوة واتاي ...وبداو النقش للعروس لي طلبات منهوم يديروليها غير شوية حيت ماعندهاش معاها ...حتى كملو ليها عاد بداو كينقشو للحضور لي باغيين ..
ورجعو تاني للنشاط والشطيح ...
نشفات الحنة وجاو النكافات تاني خرجوها بالصلاة والسلام ِ...

للكاتبة : hkhiba🌝

🌸حب قاسي🌸

☘️الجزء18☘️

امااا. واحد حنان ماخلااتش شي شطحة ماادارتهاش ...ماخلات مادارت ...
طلعوو وداد ولحقات عليها حنان باش تعونهو يلبسوها اللبسة الثانية..من بعد ماقشرو ليها الحنة ...
لبسوها تكشيطة فالازرق ملكي بحجيرات مذهبين ..وتاج فالذهبي باحجار فنفس اللون
وبدلو ليها لون دالعكر للون اغمق من اللي قبلو
..
....: ختي وداد السي مراد سالا ندخلوه لعندك باش تنزلو بجوج
وداد ( بتوتر) : ااه وااخا رااه تاناا سالييت
وقفات كاتقاد فتكشيطتها تاطلعات عينيها جاو فعينيه
....
كوستار فاللون الازرق غامق مع كرافاط فنفس اللون وقميجة فالابيض مامانعاش تضاريس عضلاتو يبانو وفصالتو الرياضية توضاح...مرجع شعرو الاسود اللور ومخلي شي زغيبات نازلين على وجهو ..مظهر رجولي بامتياز خلاها تسهى فملامحو وتحل فمها باعجاب
من هاد الرجل لي قدامها ..مافيقها من سهوتها غير صوت النكافة : السي مراد تنزلو دابا
هزليها راسو بايجاب بدون ماينطق بكلمة شدات ليه فدراعو ونزلو بالزغاريت موجهين لبلايصهوم تحت انظار الحضور لي كل واحد وافكارو فين داوه ..هالي معصب ..هالي حاقد هالي حاسد هالي غيران هالي فرحان ..كل واحد والمشاعر لي اجتاحتو
..طالعة فالدروج ..دخلات للكوزينةطلبات منهوم كاس دالما ..وجات خارجا تاتجراات من يديها

للكاتبة : hkhiba🌝

🌸حب قاسي🌸

☘️الجزء19☘️
...

كان شاب طويل كيبانو غير عينيه الخضرين تحت من الماسك الاسود لي لابس ...فورمتو عامرة ومخدومة بالمزيان...

حنان: اوويييييل مك شكووون نتاااا
نطق بضحكة على شفايفو من الطريقة باش دوات : ههههه ااش دارت ليك ميي مسكيينة
حنان: اييوااا اخووياا مالك على هاد الجرة
...: غير بغيت نبعدو على الصداع باش نقد ندوي معاك فخاطري
حنان : ياك لاباس اخويا كاين شي مانقضيو
...: ايواا قلت جاي جاي لعرس صاحبي نديرو شي فين يجي شي
حنان : سير اخويا بعد من بقيتليك غير انا ونتا كولك مغطي كيبانو غير عينيك.كيضويو كي البيناكات

...: ياااك بعداا ...نخاف نوريك وجهي وتسخفي
حنان : علااش انسخف بالسلامة
....: ماشي وقتووو
حنان : وااطلاقني خليني نمشي راه عرس صاحبتي هاادا وااه
....: عطييني.غيير سميتك بعدااا
حنان : جيهاان سميتيي جيهان
...: ( طلقها تمشي ونطق بجدية )ياالااه روول وبراكة من شطيح ولا غنقلب هاد العرس جنازة
حنان: مع طلقها ضربتها بكعطة للتحت منلفتتش وراها خلعها بنبرة صوتو فاللخر ..

....كمل العرس فحال هاكدا ناس فرحاانين وكيشطحو تحت انغام الموسيقى دوزو شي تلاتة ديال اللبسات ..تا وصلات لحظات نهاية هاد العرس لي كانت لاغوب البيضة ...بدلو ليها النكافات الميكب لميكب فرنش ) (French)ولبسوها الغوب البيضا لي كانت عبارة عن كسوة بدو كوش الكوش اللولة لاصقة على طايتها بارزه خصرها ومنحنياتها والتانية مطلوقة كتجرجر من الوراء
ومرصعة باحجار الماسية براقة على طولتها ...وشعرها مجموع كامل مخلي تفاصيل الكسوة وجسمها يبانو باحلى وارقى حلة ..عكسو هوا لي كان بكوسطار فالاسودة بقميجة فالبيض ومنديل ابيض ا فجيبو اليسار ...هاد المرة دخلو من البوابة الرئيسية للقاعة لي كانت عملاقة بمعنى الكلمة ...تفتحات من قبل جوج حراس لابسين كومبليات تاهوما....

دخلو وتمشاو على السجادة الحمراء لي كانت مفروشة بالورود خصيصا للعرسان ...ماسكة فيدييه والحضور انظارهم كيختارقوهم ..كتلة انوثة ورقي مع كتلة شهامة ورجولة ..مزيج مثالي بشكل مريب
على انغام موسيقى هادئة ...توجهو لطاولة الزجاجية لي كانت قدامهوم وكل واحد شد بلاصتو ..جا قدامهوم العدول لي طلب موافقة كل واحد فيهم من بعد ما تم الإجراءات لي عليه ...وتمت فقرة تلبيس الخواتم
...كان 💍 خاتم بحجرة الماسية متوسطاه والماسات صغيرة ضايرين بجنابو ....
خاتم لي تتممى كل بنت يكون خاتم زواجها ...دخلو جوج من الخدم بطاولة عليها طورطة بست طوابق باللون البيض عليها تمثال كوبل ومزينة بورود ولآلئ بيضاء ...قطعوها العرسان مع بعضهم باش يتم التقاط الصور ..وتم تقطيع الكيكة من طرف الشيف المختص ..
وهاكاا كمل العرس الخرافي لي شهدو عليه الصحافة بنفسهم وغيرهم من رجال الاعمال ..ولما لا وهووو....
مرااد ..ماشي الشخص العادي لي كلكوم كاتعرفوه

المهم هادا كان بارت اليوم ...توقعاتكم للجاي 💃💃

Have fun....💗⭐