حب قاسي (قصة مكتملة بالدارجة المغربية 🌸💗)

🥀حب قاسي🥀

للكاتبة : hkhiba🌝

🌸حب قاسي🌸

☘️الجزء65☘️

....: ااااه وااخااا واااخااا انااا دااابااا انشد الطريق ونجييي واحد 10 دقااايق. ونكوون تم

ناضت داايخا ماعارفة ااش دير طلعات لبسات عليها موونطوو ونزلاات للجردة كتعيط باسمو وكتنهج : مرااااد ِ...مراااد ..مراااد
ناض من بلاصتو قاافز كيشوف فيها ..شدها من كتافها كيقلب فيها : مااالك ماالك يااك لاابااس بييك شيحاجة
يلاه جاات دوي وهي تبدا دمع عليه تما ماعرف بااش تبلا : هيء هيء نوووووح هيء هيء بااا برااهيييم مشااا ماااتتت هيءهيء
مراد : دوي بشوية باش نفهمك شكووون لي ماات
وداد : ديينييي عنددهم دااابااا هيء هيء واا مااات هيء علاااش يموووت علااااش هيء

ماعرف مايدير كاتبان ليه السيدة ماغتفسر ليه والو دخل للداخل هز السوارت ورجع لعندها جرها من يديها وطلعها وديمارا لوطو
مراد : فاشمن بلاصة
وداد : هيء حداا داار جدة هيء هيء دغيااا عااافااك
نيشان زاد زربان بلوطو ديالو كيدوبل فالطموبيلات
تا حبسو قدام دار الجدة ..كانت نيت الدنيا باقة عامرة والقرآن كيتسمع من راس درب ..دخلو للداخل لقاو نوح عزاوه فجو لا يخلو من لحزن والبكا وبقاو معاه تما حتا فات منتصف الليل عاد بداو الناس كيتفرتكو..بطلب من نووح لي رفض رفضا تام ان شي واحد يبقا معاه فالدار ..واكد عليهم باش يرجعو الصباح يحضرو للدفين

من بعد اسبوع

فاق الصباح كيف كل نهار دار روتينو لي موالف
ووقف قدام المراية لي كانت فالبيت ..طل عليها لقاها باقة  نااعسة خامرة هز الفيست ديالو بلا مايزعجها وطاحت شيحاجة منها وخرج بلا مايرد ليها البال

....دازت واحد نص ساعة اخرى عاد فاقت كتجبد فبلاصتها جلسات كتفرك فعينيها وهي تنوض.من بلاصتها فاتجاه الحمام ..دارت روتينها اليومي وخرجات حتى حسات براسها عفطات على شيحاجة ..هزاتها
وبقات كتشوف فيها باستغراب كانت فحال شي بلاستيكة صغيرة ديال( دوك لي كايدارو فيهم التصاور الصغار) بلون ذهبي وفيهاقلب صغير فالجنب باللون الاحمر ...فتحاتها كتحقق فديك التصويرة لي كانت صغيرة بزااف والظاهر فيها انهم  طفله ومعاها شي شخص اخر اطول منها ...
ملامحهم ماباينينش بوضوح والصورة فحالا مقطعة من واحد الجيهة بشكل مامعيقش ...دارتها فجيبها ونزلات للتحت بخطوات متفرقة
ل

محات امها وتوجهات لعندها بابتسامة قبلات راسها وصبحات على كاع لي فالطبلة : صباااح الخيير
الكل : صباااح النووور
هنياا : عاااد فااايييقااا واااخاا تكوونيي باايتة كتحرتي
وداد : خالتي صباح الخير هاكي هاكي هاا كااس ديال الما برردي على رااسك( مداتو ليها وكلشي كيشوف فيهم حابس الضحكة)
سماح : الله يهديك اهنياا قيييليي علييك البنت ماالهاا شداارت
عدنان ( بهمس ) : احم احم الواليدة مادخليش بيناتهم
سماح : سكت.اولدي نتا غي هبيل ااش كتعرف
عدنان : واااخااا سري نييت ..هااهوااا سااكت
بسمه باطلالتها الانيقة كيف العادة دايرا رجل على رجل وكتشوف فيهم نطقات موجها كلامها لوداد : وداد عندك نمرة هدااك هدااك ....و...ولد عمك
وداد ( وهي كتدهن الطوست بالمربى ): اااه ...زياااد ولد عميي بغييتي نمرتوو ..اووكي نفطر ونطلع نجيب تليفوني نعطيها ليك غير فكريني
بسمة( بحماس ): اووكيي
كملوو فطوورهم فهدوء كيتبادلو فقط النظرات بين بعضهم
كي سالاو طلعات كتباتليها النمرة فورقة ونزلاتها ليها ورجعات طالعاا ...كي دخلات لقات الخدامة قداام الباب كدق وبين يديها بووكيي كبير ديال ورود التوليب ( Tulips)باللون الوردي الفاتح ..تبسمات بخفة وتوجهات لعندها ..
وداد : ختي بغيتي شيحاجة
الخادمة: نعام الالة ..هاداا يلاه وصلوه الكارد داابا قالولينا ندخلوه ليك للغرفة
وداد : وااخا صافي غير ااريه ونزلي ادا بغيتي
الخادمة: وااخا الالة
شدات من عندها البوكي كتشوف فيه بكل حب ..القلوبة كيخرجو من عينيها اول مرة كتهدى الورد من طرف رجل ..وهاد الرجل لي هو زوجها لبدات كتقتانع  بلي مشاعرها ليه كلهم حب وعشق وولهان
بدات كدوز يديها على دوك الورود بخفة مبسمة
حتى قاسو يديها وحدة من دوك الورود قوامها وملمسها مختالف على البقية
مسكاتها بين يديها كدور فيها تا اكتشفت بلي غير وردةبلاستيكية لاحظت جاننب التيج ديال الووردة طالعة منو خيط احمر صغير جراتو بشوية تاا خرجات ليها وريقة قغيرة مطوية فتحااتها ببريق ولهفة وعينيها كيلمعو بلمعة خفيفة ..وابتسامتها مزينة ثغرها ووجهها البريء بشكل مثير ....بدات كدوز عينيها بينات الاسطر المكتوبة وناضت كتنقز وكدوور على رااسها وترجع تشووفيها وتعاود دير نفس الشي
..هزات التيلي وصونات لحنان نيشان جاوباتها بصوت منغنغ : ااامممم شكاااااين ماابقيتو تخليو حد ينععسس
وداد : واااععععع واااينعل بووه نعااس شديي طااكسيي وجيي لعندييي دااابااااا داااباا عندي ليك شييحااجة خلااص
" قادات الجليسة وعينيها تفتحو على جهدهم " اااش تم اديك الهبيلة
وداد : وااابالله ماانقوولك جيي لا بااغا تعرفي
حنان : تفووو علك اراس الشطاابة هاانااا جااياااا