حب قاسي (قصة مكتملة بالدارجة المغربية 🌸💗)

🥀حب قاسي🥀

..
للكاتبة : hkhiba🌝

🌸حب قاسي🌸

☘️الجزء75☘️

.الجو هادئ والسما  السوداء مرصعة بنجومها
الموج كيمشي ويجي بشوية ... نسيم البحر العليل كيطير خصلات شعرها الناعم ..وكيداعب خدودها الوردية ...
شاف فيها مبسم وهو جالس جنبها : عمرني كنت كنتخيل لقاك فجأة بداك الشكل ..ولكني على الاقل وفيت بوعدي ليك ..

شافت فيه مستغربة من كلامو ويلاه حاولات تنطق وقفها بيديه ووضع يديه على خصلات شعرها كيحك فيهم انامله بحنية : شوووت ...اناا عاارف...عارفك تزوجتي بيا بسبب احساسك انك عبئ على جداتك وعائلتك ..عارف انك ممكن ماتكونيش كتحسي بباش كنحس ..عارف انه ممكن قلبك يدق لشخص اخر غيري ...وهادي هي اكثر حاجة كترعبني ...انا ..انا لي قلبي دق لمجرد سماع اسمك ..قبل مانشوفك ونتي فتاة ناضجة ...انا لي من اول مرة شفتك ترسخات صورتك فذاكرتي ومبقاتش كتفارقني حتى فأحلامي ...عمرني كنت كنظن انكي قريبة مني بزااف وانني كنقلب بشكل غالط ...لكن كنظن نتي نسيتي نسيتي وعدنا وهمشتيه وكملتي حياتك عادي ا شكيليطة ...( تبسم بهدوء وصمت لمدة قصيرة عاد استكمل حديثه)..عقلتي عليها كان لونها بيض وفيها رقع بنية فظهرها عندها سبع سنوات داكشي علاش سميناها بهاد الاسم ...وصلاتني الخبار بلي توفات وربيتي بنتها ....

شافت فيه باستغراب  خربقاتها هضرتو وكلامو عليها ونفس الآن استذكرات ان تاواحد ماعارف سباب تسميتها لقطتها بهاد الاسم وكيفاش هو عارف تاشحال عاشت هديك القطة بينما هي ماشافتوش لسنوات طويييلة : شكووون نتاا..ولا على الاقل شكون لي قال ليك هدشي كامل وشنو قصة وعدنا مفهمتش ؟؟

مراد : كنت متأكد انك غتكووني نسيتي الشخص لي واعدتيه بلي نتي كتبغيه واخا كلشي يكرهو فهاد الدنيا ...نسيتي الشخص لي كان ناوي يرمي راسو من حافة الجرف بسباب امه القاسية ..نسيتي الشخص لي كنتي كتجي لعندو كل صباح بكري باش تتطمني على حياتو وباش ميآذيش روحه ...اأاااه كنتي طفلة كنتي صغيرة ولكن منسمحلكش تنسايني حيت حتا انا مانسيتكش ..المراهق لي كره حياتو وبسبابك استمر فيها مانساكش ومزال مفكر كلشي بالتفاصيل ..

زياد : هانتي وصلتي

بسمة : عرفتي هاد الخرجة كاع ممحسوبالك قولبتيني جبتي معاك البراني

زياد : نعوضهالك خطرة اخرى

بسمة ( مبسمة ابتسامة عريضة): هااا شتييي داابا عجبتييني ..هاكا نبغيك

للكاتبة : hkhiba🌝

🌸حب قاسي🌸

☘️الجزء76☘️

زياد : يلااه سييري سيري حتى دخلي عاد باش نمشي