لاتقارنين حبي لك بأي مخلوق انا حتى بغيابك احبك

Part 1

سبحان الله وبحمده سبحان الله العظيم ♡

(مـزرعـه الـجـد سـلـطـان )
ارض كبيره فيها بيت الجد سلطان وبيوت عياله وشبك البل والحلال ..
فيصل يقهوي جده : سم
الجد سلطان : سم الله عدوك ، المهم الوجد مختفيه شكلها مهببه مصيبه
ابو بتال :جنيه هالبنت محد يهجدها الا نزوجها !
شيخه : ومن يبيها عزتي له ملسونه وماتحسب حساب لحد
ابو الوجد : محد بيزوجها دامها ماتبي
الجده عمشه : الحق مع ابوها هو اولى فيها
العنود : محد يلومهاا والله البنت عاشت حياه قاسيه اتركوها حرام عليكم متسلطين عليها كأنها عدوه لكم ماكأنها حفيدتكم !
ابو بتال : بس نزوجها تعقل !
مازن : لا وينن تظلمون البنت بنت اخوي وانا اعرفها منا حليلها
فيصل ساكت ويناظرهم حاقدين عليها
واستمرو يتكلمون بتزويج الوجد
،
الوجد جالسه بغرفتها ومشتاقه لامها وتحاول توصل لها بس ابوها وعمامها يمنعونها من امها ،ودهاا تحضن امها لكن الضروف منعتها
الوجد سحبت جوالها وبدت تدور رقم امها وراميه الكل بعرض الحيط اهم ماعليها تتكلم مع امها
لقت رقم امها وترددت تتصل بس تشجعت واتصلت وانتظرت الرد .
ام الوجد : نعم مين معي؟
الوجد بشوق : ماما انا الوجد
ام الوجد : ماعندي بنت بهالاسم ! ماعرفك
الوجد ببكى : يمهه حرام عليك تتركيني مو بيدي اجلس عند عمامي لو بيدي ماتركتك ! تكفينن ماما مو قادره اربي ميلا توي احس لسى باقي صغيره ماما مو قادره اربيها انا ضيعت ميلا بين الاجهزه ماما ماقدرر تكفين ارجعي مو قادره اعيش عند عمامي وتسلطهم علي
ام الوجد : والله يالوجد انتي الي ماتبين تجين معي خل ينفعونك
الوجد : ماما هددوني ب ميلا ! قالو اذا تبين ميلا مايجيها اذى اجلسي عندنا ولاتروحين عند امك ماما تكفين انا تعبانهه
ام الوجد : انتي ملسونه وشلون ماوقفتيهم ؟ خل ينفعونك بس
الوجد بدموع : ماما ! لاتكونين قاسيه عليي امس تهاوشت مع جدي ! 
ام الوجد : الله معك تزوجي وعيشي حياتك وانسي امك
الوجد : ماما تكفين لاتحرميني حضنك
ام الوجد : فمان الله
وقفلت الخط ورمت الوجد الجوال وضمت رجولها وقعدت تبكي
،
العنود ومازن طلعو من مجلس الجد سلطان وهم متضايقين من كلام ابوهم عن الوجد
العنود : زوزو تهقى يزوجونها صدق؟
مازن : اذا الوجد راضيه تم والله ماردها بس اذا ماتبي لابالله بحرق المكان كله
العنود : يعمري عليها ضغطو عليها امس
مازن : ليش وش صاير؟
العنود : الوجد تبي تشوف امها امس ولعلها تجادلت مع ابوي وتهاوشو وحلف ماتشوف امها
مازن : يلهوي ابوي قاسي ! وينها الحين؟
العنود : والله مادري وينها دورتها مالقيتها
مازن : اذا صممو انهم يزوجونها شرايك نزوجها فيصل؟
العنود : لاا وينن مستحيل تعيش مع فيصل هي ملسونه وتعاند وهو عصبي وربي يتضاربون كل يوم وبعدين معليش فيصل ماعنده احترام انا وانا عمته شوي ويسطرني !
مازن : والله اتفق معك انا مثلك مايحترمني وكل يوم لاقم كف منه عشاني اذب عليه
العنود : يخوف هالولد وربي !
مازن : امشي ندور الوجد
العنود : اظن انها ببيت تركي اخوي
مازن : مشينا ندحدر
ضحكت العنود ومشو بأتجاه بيت ابو الوجد
دخل مازن : جوجييي وينك يابعد قلب عمكك
الوجد مسحت دموعها وطلعت من غرفتها : اهلاً عمي زوزو وعمتي نودي
العنود : جوجي باكيه ؟
مازن بزله لسان : ياعمري عليك لاتبكين ماهم مزوجينك دامي موجود !
الوجد عقدت حواجبها : يزوجوني؟؟
مازن استوعب : هاه؟ لا امزح امزح
العنود قرصت مازن وهمست : فضيحه
مازن : عنودوه لاتقرصينن
العنود : فضيحهه
الوجد : ممكن تفهموني وش يدبرون عمامي؟؟
مازن : لا بس قالو الوجد مختفيه فاقدينك
العنود : تجاهلي مازن يخرف
الوجد تنهد : ترى اذا خبيتو علي ياويلكم !
العنود : لاماعليكك مانخبي شي
مازن ابتسم بوهقه ونطقت الوجد : بروح اغير جو
مازن : ماتبين شيهانه؟
الوجد : لا والله احس لو جت بنتهاوش هي تهاوشت مع بنات الجامعه وانا معصبه الحين
العنود : الي ودك اهم شي تكونين مرتاحه
الوجد ابتسمت ولبست عبايتها وحطت الطرحه على شعرها عشان عيال عمامها وطلعت
تنهد مازن بضيق : ابك المسكينه حاصلن لها شى ولا مو الوجد الطبيعه المطيوشه
العنود : اكيد مكلمه امها
مازن : الله يهديها بس ويرد شملهم والله مو صاحين لاخوي ولاحرمته كلهم يتحدون على بعض على الوجد اخوي بيقهر حرمته بالوجد وحرمته ماتبي الوجد والمسكينه ميلا ضايعه بين السوني والايباد والمصاريف كلها على ظهر الوجد وفوق هاذا كله تضحك وتحارشنا ياحلوها بس
العنود: واخواني زادو الطين بله يبون يزوجونها وهي حتى الجامعه ماخلصتها
مازن : الله يصبر قلبها بلاها ماتفضفض تكتم
العنود : منجدد والله كتومه
،
الوجد لابسه سماعه الراس وواقفه تناظر الخضار والفواكه الي بالمزرعه وتهوجس ولا هي لم احد
فهد جاء بياخذ فواكه للجده سلطان وتنحنح عشان تنتبهه
الوجد حست بشخص والتفتت له وناظرته
فهد من كثر المذاكره وكان كلامه كله باللغه الفصحى : يـ اختاه تحجبي ان العامل سوف يأتي
الوجد ماتحب احد يقول لها كذا وعاندته : شدخلك؟
فهد: يـ اختاه لايصح القول عند النصيحه "شدخلك " فهي عدم تهذيب عند النصيحه ويجيب التأدب عند النصيحه اقرئي اداب النصيحه ويـ اختاه انا والعامل رجالاً لانحل لك فوجبت عليك الغطوه !
الوجد : انت والعامل سوا ماتغطى عنكم
فهد: اذ لم تتحجبي فسوف اخبر عمي تركي
الوجد : تهدد؟ رح الله يستر عليك بس
فهد : لالا يا اختاه انا ليس من معشر الرجال الذي يهدد النساء
جت عهود وقالت بصوت دلع تضبط علاقتها مع اخو فيصل : وايي فهد وش فيكك هدي اعصابك !
فهد : لا اله الا الله انتنا سوف تجننوني اغربو عن وجهي
الوجد : انت الي جيت !
عهود بتدلع حتى انها ماتقول فيصل لا تقول فيسل : فيسل وينه فهد؟ !
الوجد طقت كبدها : والله ان ماتقلعت انت وياها بفقع عيونكم
والي اثار اعصابها كلمه عهود
عهود : اتركها تراها رخيصه حتى ابوها مايبيها يبي يزوجها!
الوجد تلفت اعصابها من هالكلمه وشدت شعر عهود ونطقت
:رخصيه اجل؟ اعلمك الرخيصه وش تسوي الحين!
فهد مايحب المشاكل عكس اخوه فيصل تركهم يتهاوشون واخذ الفواكه وراح
اما عهود والوجد استمرو يتضاربون
،
الجد سلطان : اسمعو ترى باتسر عندنا عزيمه تجهزو من الحين !
فيصل فز : بس ياجد ماكنه بدري تقدر تاخر يومين؟
الجد سلطان : لا انا عازمن الرجاجيل وكلمتي ماتتثني واسمع يابو الوجد عندي لك علمين
ابو الوجد : سم يبه
الجد سلطان : باتسر العزيمه وهجد بنتك لاوالله لازوجها غصبً عنها ولاتسوي لنا مصيبه ولاتتخانق مع المعازيم مو كل مره !
ابو الوجد : ابشر
الجد سلطان : وفي علماً ثاني بعد ، نبي تجيب لنا ولد
ابو الوجد سكتت بوهقه ونطقت العمه شيخه : خل نزوج بنته هالملسونه تاليتها نشوف له حرمه تجيب لنا ولد اشوا من هند مثل بنتها الوجد الوحده لسانها هالطول
مازن : ياختي احس مالك دخل
ابو بتال : اعقب يامازن تسكت اختك الكبيره؟
العنود : لامعه حق مازن !
اما فيصل متكي عند الجد ويسمع حواراتهم عن الوجد رغم انها ملسونه وكثيره مشاكل الا انه ماقد شافها !
معقوله يسكنون بنفس المزرعه وللحين ماشفتو بعض؟ متى لقاء الاحبه هرمنا !
وبدو يتهاوشون الجد وعياله على " الوجد"
جتهم عهود تبكي بتصنع ودلع : جدو
فيصل اكثر انسانه يكرها عهود وغمض عيونه وتنهد بقل صبر وده يقوم يصفقها فاقعه كبده
الجد سلطان : واليه ماطار طيره علامتس ؟
شيخه : اكيد وجد
ابو الوجد : ماتسوي كذا الوجد !
مازن بهمس للعنود : توه يطلع له لسان يدافع عن بنته
العنود بهمس : مازن اهجد خلاص لاتحش !
عهود وتحاول تلفت انتباه فيصل : وجد ياجدي ضربتني !
العمه شيخه : كنت داريه وينهاا؟؟
الوجد متكيه على الباب : الوجد بلحمها وشحمها امري وش بغيت ست شوشو ؟
فيصل صد وهمس : وويلي هالبنت قويه
الجد سلطان : علامتس على البنت؟؟
الجده : لا الوجد ماتغلط
الوجد : ياجدي تقول كلام مو كويس وانا سطرتها بس
مازن : بس؟ ماسويتي شي ياعمري انتي ماتغلطين
الوجد : اي تشوف عمو مازن ماسويت حاجهه
الجد سلطان : ماخربها الا ذا الدلخ مازن قم تقلع عن وجهيي
العمه شيخه : تكلمي ليش ضاربتها؟؟
الوجد : والله ياست شوشو تبيني اطبق لك كيف سطرتها؟ ولا كيف ؟
ابو بتال : لااا البنت خربانه زوجوها!
الوجد اتسعت عيونها بصدمه ونطقه والعبره خانقتها : الزواج غمره ماكان حلل !
العنود تعرف الوجد وشخصيتها الوجد صحيح انها قويه لكن بالنهايه بتبكي ! قامت سحبتها معها ودخلتها غرفتها ولحقها مازن واخيراً رفع راسه فيصل بعد ماراحت وهو مصدوم من قوتها وجرائتها
الجد سلطان : عاد علمتك هجد بنتك ولابهجدها !
الجده بنفاذ صبر منهم : ابك خلاص دبلتو قاعه تسبد البنت !
،
الوجد ماقدرت تمسك نفسها وبكت ومازن يقول نكت والعنود تتهاوش مع مازن
مازن وهو ميت ضحك : في نمله تمشي ليه؟
الوجد بعز دموعها نطقت : ليه؟
مازن وهو يضحك : اكيد بتمشي لان عندها رجولل
العنود : مازن خلاص وربي مو وقت ضحكك
الوجد ضحكت : تضحكوني والله
مازن : يالبيهه دامنا نضحك هالوجه السمح ،اسمعي الوجد انا عمك واخوك وكانك تبين اصير لك خال وابو لو تبين بس اسمعيني
الوجد : اسمعك
مازن تربع وجلس قبال الوجد : اسمعي مهما قالو وفعلو ماهم ضارينك ولاتتضايقين ولاتطلعين ضعفك لهم لانهم بياخذونها نقطعه ضعف وبيستغلونك فيها !
الوجد : ياعمو ماقدر ياخي ، اكون قويه بالبدايه بس بالنهايه؟ ابكي !
مازن : عادي البكاء عمره ماكان نقطه ضعف بس انتي بينتي لهم ان نقطه ضعفك الزواج وبعدين يصرون عليك بالزواج ! ماعلينا !ماعلمتك جوجي بكرا في عزيمهه
الوجد : صدقق؟؟
العنود : ايي يلا برا مازن بنجرب الفساتين !
مازن بتمثيل للحزن: مازود الحزن الا غدر الاصحاب ، بس صدق ماشاء الله عليكم بسرعه جحدتوني !
الوجد ضحكت وابتسم مازن وطلع على جيه شيهانه ونطق مارن: ارحبيي يالدوله المستقله
شيهانه: ارحبب يالخويي ، اسمع وين العوبا الوجد ماشفتها اليوم
مازن : عانيها بالغرفه
شيهانه بمزح : اي زين دزها
مازن : هاذا وانا عمك !
شيهانه ضحكت وابتسم وراح
الوجد وهي تبكي : ينودي والله تعبتت
العنود : يروحيي هاذي الحياه تضيق وتنفرج وييسرها الله
شيهانه : افااا جوجي تبكي؟
الوجد رفعت راسها وشافت شيهانه صار لهم يوم ماشافو بعض واشتاقو لبعض وقامت الوجد بشوق تحضن شيهانه
شيهانه تبادل الوجد الحضن: واضح فيك شي علميني مين الي مزعلك ؟؟
الوجد : كل الناس
شيهانه: احرق فيهم الارض
العنود بضحكه : فيصل نمبر ٢ نفس الشخصيه
ضحكو البنات ونطقت شيهانه: بنات كيف النحته بس؟ خليت فيصل يزبط شعري
الوجد : والله منجد يجنن !
العنود : كود اخليه يزبط شعري
شيهانه مشبكه الوجد مع فيصل من سنه جدي : اخليه ينحت شعر جوجي
الوجد شعرها تقريباً فوق كتفها ونطقت: وينن انا يوم قصيته فوق كتفي بغو ينحروني ودقوني بالكلام الين قلت امين
شيهانه : والله دام فيصل مسويها لك محد بينطق بحرف صدقيني
العنود : وربي فيصل اقوى واسطه اذا بغيت شي استعين فيه ويضبطه لي
الوجد ساكته وهي اساسا قاعده الحياه عندها" ماتبلع الرجال في عيشه الله"
ولاحظو البنات هدوئها وعرفو انها ماتحب المواضيع الي تخص الرجال
وغيرو الموضوع وصارو يجربون ملابس العزيمه

__________________________________
انـتـهـى الـبـارت .
اللهم اغفر للمؤمنين والمؤمنات والمسلمين والمسلمات الأحياء منهم والأموات
النجمه تدعم الروايه وعطونا رايكم
هالبارت عشاني شطوره ذاكرت التأسيس حق قدرات 🥹