لاتقارنين حبي لك بأي مخلوق انا حتى بغيابك احبك

Part 15

سبحان الله وبحمده سبحان الله العظيم ♡

" كيف تركتني عقب الجماعه وحيد؟ "
بعد اسبوع..
فيصل جالس بمكتبه وغارق بين الاوراق والاشغال والقهوه السوداء الي ماتفارقه من قالو له ان الوجد خلعتك
يشغل نفسه يبتعد عن التفكير ! ومن كثر ماانه ضغط نفسه بالشغل قدر يطلع المجرمه الي صاوبت الوجد
ادرك اخيراً العميد فيصل ان الوضع فيه غلط لان مو معقول ينفصل عنها وماتجيبه رسايل نصيه عن انفصاله على جواله ولا محكمه عشان النفقه! مافي شي طبيعي
استوعب ان كل الي صار كذب بكذب وكله اشاعات
مسك جواله يتاكد اذا جته رساله نصيه عن انفصاله لكن مافي شي
اتصل على مازن : الو
مازن : فيصل وينك اسبوع مختفي!
فيصل : مازن قول لي تفاصيل السالفه بدون كذب رجاً !
مازن عدل جلسته : اوهه جويي يلا عاد هالمره صدق مابي اكذب ، ابوي وتركي اخوي تحالفو على الوجد واعطوها ورقه وفتحتها وطلعت طلاقك انت مطلقها  يالمروح!
وبدا يقول التفاصيل
فيصل يسمع بأنصات وكان يسجل كل نقطه بورقه
سمع كل شي وقفل بوجهه مازن 
وناظر الورقه والنقاط المكتوبه فيها وحلل كل شي واتصل على العنود وطلب منها تقول كل شيي وقالت له العنود كل شي وهو يسجل
جمع اكبر عدد من احداث السالفه وبدا يحللها من نفسه الين اكتشف ان الورقه الي مع الوجد مزوره ووهميه
والوجد مصدقه ان فيصل تخلى عنها
اتصل على شيهانه ونطق : شويهين
شيهانه فزت بفرحه : فيصل يحيوان وينك اسبوع مختفي!
فيصل : اسف والله اسف لكن الضروف حدتني اسوي كذا
شيهانه : فيصل تكفى مهما صار لاتسوي فينا كذا
فيصل : ابشري ابشري بس بطلب منك طلب صغيرورر
شيهانه : عيوني لك اطلب ياخوي
فيصل : اسمعي ابيك تروحين للوجد وتاخذين الورقه الي معها بتاكد منها
شيهانه تنهدت بضيق ونطق فيصل : شفيك؟
شيهانه : مدري وش اقول لكن عمي تركي اخذ الوجد وراح وبنته ميلا وخدامتهم عندنا بس اخذ الوجد
فيصل احتدت ملامحه وشد على يده ونطق بحده : وش تقولين انتي ؟!
شيهانه : ماكذب فيصل راحو
فيصل : طيب تعرفين وين راحو؟ او معلومات عنها؟
شيهانه : ولا احد يعرف وين هم! مدري وش اقول فيصل لكن بكرا ملكه الوجد على مشاري !
فيصل تلفت اعصابه ونطق بعصبيه : شيهانه لاتجننيني !
شيهانه : اسفه فيصل لكن لك احقيه تعرف عنها كل شي لان حاسه ان في شي غلط تكفى حله وانقذ الوجد
فيصل : طيب طيب
وقف الخط وضرب يده على الطاوله بقوه وعصبيه : اهخ
،
الجد في قمه العصبيه والزعل ويتوعد بفيصل لانه انفصل عن عهود
ابو نواف : يبه مالك داعي تخير الولد بين الوجد وعهود! شف خسر الوجد وعهود
ابو بتال : الولد مختفي ماندري هو حي ولا ميت شفيكم ماتتحركون؟!
الجد بعصبيه : خله يروح ابن ال** ! اجل بنت عمته يرضى عليها؟ يتركها ؟ عهود هاذي عهود!
ابو نواف عدل جلسته : هو خلنا نعرف مكانه عقبها عاتبوه وهاوشوه
الجد : والدلخ تركي مدري وين هوا داره قلت له زوج بنتك ومدري وش صار عليه
ابو بتال : يايبه الله يهديك وش تبي فيها ؟ خلها لاتتزوج ولاتتطلق لاتحط عقلك بعقل الوجد تدري انها صغيره
كشر الجد وقام
،
مازن متصل على شروق ولازال بصوت "الخطابه ام صبحي "
: يامتس يشريق 
شروق : يابنت الذينا ابك وينك انتي اختفيتي يالذروق !
ام صبحي "مازن" : ابتس استهدي بالله ياختس جايبه لتس خبر يسعدتس ياختس
شروق : خير  وش تبين من حياتيي ي ام صبحي
ام صبحي "مازن" : ابتس مادريتي؟ جاني علم ان عهود بنت شيخه تهددتس بصور قلت وانا بنت ابوي شروق بنت عبدالعزيز تهددها العقرب؟
شروق ارتبكت : شلون عرفتي ؟
ام صبحي "مازن " : مصادري موثوقه لاتخافين سرتس ببير
شروق : طيب وش صار؟
ام صبحي : ايهه تقولين وش صار؟ انا اقولتس تخيلي رحت لعهود وسطرتها تسطير مو صاحي يمين ويسار ودقيت فرتها واخذت جوالها وحذفت صورتس
مازن كذاب ماسوى كل هاذا،فيصل الي حذف الصوره
شروق بفرحه : صدق ام صبحي؟؟ انتهت المشكله؟
ام صبحي : الله الله يابنتي تقدرين تكملين حياتس طبيعي خلصنا من هالمشكله
شروق بفرحه : الحمدلله يارب مو مصدقه وينك انتي ام صبحي بجيك اسلم على راسك
ام صبحي "مازن " : مالها داعي ياوخيتي
شروق : طيب وش مصلحتك تسوين لي كذا؟
ام صبحي "مازن " : وانا اختس اي بنت اساعدها يعني مو شرط انتي ماني ميته عليتس!
شروق : ياكرهي لك يام صبحي
ام صبحي "مازن " : شعور متبادل حبيبتشي
شروق : اكرهك
ام صبحي : اكرهتس اكثر ،، اييي مادريتي؟
شروق : وش بعد ؟
ام صبحي "مازن ": يختي قلت لتس خليني اخطبتس ل مازن مزيون الديره لكن انتي ماشش ابتس يالخبله راح عليتس مزيون الديره مازن
شروق : الله يوفقه
مازن المشفوح توقع انها تغار! تغار علي ايش حتى الحب لسى مابديتو فيه !
: اقولتس بيخطب وضحى
شروق شهقت بصدمه : وضحى بنت عبدالمجيد؟
ام صبحي : الله الله هي
شروق : ايي الله يفقه ويوفقها
ام صبحي : يختس ترى في امل اخطبتس لمازن
سكتت شروق من الصدمه ومن اصرار ام صبحي على مازن ونطقت : انتي جايه من طرف المرجوج مازن؟
مازن بينه وبين نفسه : ياحليلك والله ماتدرين ان محدثك مازن
نطقت ام صبحي : لا شدعوا بس ابي اجمع راسي بالحلال
شروق : اجمعي راسه مع وضحى يلا دزي وبعدين وش تجمعين راسي مع خروف؟
وقفلت الخط وضحك مازن وهو يقلد صوتها :دزي
واستوعب انها سبته ونطق : المخنزه سبتني تقول عني خروف؟!! هين هين يالنعجه اكيدد خروف حب له نعجبه
،
المغرب ...
مشاري من عرف ان الوجد انفصلت عن فيصل قام يلمع نفسه عند ابو الوجد لدرجه ان ٢٤ ساعه جالس عند ابو الوجد!
ابو الوجد اخذ الوجد وطلع لمزرعه صغيره محفوفه بأحدى القرى الي حول الرياض بعيده تماماً عن مزرعه ابوه
الوجد حالها متدهور داخلياً عواصف وجفاف وخوف ودموع كلها تكتمها بصدرها وادنى حاجه تبكيها لكن مظهرها كويس
ابوها اخذ جوالها وايبادها ولابتوب وكل شي تقدر تتواصل مع فيصل
لكن الغريب ان جسمها كدمات ورضوض!
من مين؟ من الشايب العايب جدها
كل ماتغمض عيونها الحلوات تحصل فيصل واذا نامت يطلع لها فيصل يحذرها ويحتاجها
جلست على مرجيحه المزرعه الصغيره والهواجيس تسرح فيها وتوديها لـ فيصل
وشكلها كيوتت لابسه فستان صيفي وردي فاتح وربطه شعر بيضاء
حبت اللون الوردي زياده من سماها " ام فستان وردي " صارت كل مااشتاقت له تلبس وردي وهالمره صيفي وردي خفيف مع نسمات الهواء البارده
جاء ابوها ونطق : بنت تجهزي مشاري جاي يملك عليك
متجاهل تماماً العادات والتقاليد والدين بيزوجها وهي على ذمه فيصل محرم شرعاً !
انقبض صدرها والدم توقف بجسمها من الخبر الصادم ونطقت وهي ترجف : تكفى بابا لاتدمرني تكفى راضيه اجلس كذا بس لاتزوجني مشاري
ابو الوجد : لو نسيتي فيصل ذاك الوقت افكر ماازوجك لكن الواضح لي ان فيصل عالق براسك
الوجد بدموع : بابا تكفى والله انساه بس لاتدمرني كذا ! بابا مشاري من سجن لسجن ومن مخدرات ل حبوب يتعاطى بابا حرام عليك تكفى
ابو الوجد : تجهزي بس
وراح ابو الوجد
طاحت الوجد على ركبها تبكي بحرقه وحسره ورجفه
اخذت نفس تلقط انفاسها لان ضاق عندها التنفس : حسبي الله عليك ي سلطان الله لايسامحك دمرتنيي بيزوجوني اخس انسان على وجهه الارض ! طيب انا؟ وشذنبي انا اتزوجه اذا هو عايب
حطت يدها على كدمتها الي على يدها ونطق : فيصل تخلين عني؟ قدرت بهالسهوله تتركني ؟ يوم احتجتك مالقيتك
جاء ابو الوجد ومسك عضد الوجد يقومها عن الارض وهي تبكي وتترجاه يتركها ولا يزوجها مشاري
: بابا تكفى
لكن ابو الوجد متغير مرهه مو ابو الوجد المعروف !
مسكها دخلها للمجلس وسكر الباب وطلع
جمدت مكانها الوجد من شافت الي جالس قدامها نطقت بخوف ورجفه : وش جايبك انت؟
: زواجك الليله ي حلوه
الوجد هزت راسها : لا مستحيلل
مشاري قام : غصباً عنك
الوجد بدموع : فيصل مابيتركك تعيش بيقتلك !
مشاري تقدم للوجد والوجد ترجع خطوات لورا ونطقت : ابعد تكفى
مشاري : طيب طيب يحلوتي الحين مابجيك لكن وعدنا اليليه
الوجد بدموع : ماتقدر فيصل بيني وبينك
مشاري رفع يده وضرب خد الوجد الناعم وشد شعرها ونطق : ازعجتينا بفيصل وفيصل ولا شفناه نسمع عنه ولا شفناه لو يبيك ماكان طلقك يالخايسه
الوجد ببكى : ي مريض بعد عني
دفته عنها وطلعت ترجف وتركض ودخلت الغرفه وسكرت الباب وجلست عند الباب ضمت رجولها بخوف منه ومن ابوها ومن كل رجال بالعالم
تشوف جسمها الهزيل التعبان ويدينها الي ترجف بقوه وعيونها التعبانه ونطقت : ماما تعرفين وش صار لي من بعدك؟ انتي مستوعبه اني ضعت من بعدك تكفين ارجعيي والله تعبت وانا اعيش بين رجال ماتخاف الله تكفين ابغى حضنك الحنون
نزلت راسها على ركبها تبكي
،
فيصل واقف عند خويه على الكمبيوتر
فيصل : متاكد ان هاذا موقعهم ؟
سعد : ايي متاكد الارض بأسم سلطان
فيصل لبس الكاب : حلو مشكور ياخوي
سعد : هاذا واجبي
فيصل ابتسم وطلع وركب السياره ومتجه للمزرعه الصغيره المتواجده فيها حبيبه القلب ..
،
العشاء
ملكه الوجد على مشاري ..
الوجد جالسه بالحوش وحاطه يدينها على وجهها تبكي
ومشاري وابو الوجد ينتظرون الشيخ يملك عليهم
الوجد بدموع : يارب اخرجني من حولي الي حولك ومن ضعفي إلى قوتك ومن إنكساري إلى عزتك
فيصل دخل المزرعه ولابس نظاره وكاب اسود وخطواته سريعه ومع الاسف دخل ومعه سلاح بس كان مخبيه
طاحت عينه على الوجد الي تبكي ولابسه ورديي ابتسم بوسع ثغره انه شافها على الاقل لمحها تقدم وهو مصر يخطفها ويطلع
وبحركه سريعه حط يده على خصرها ويده الثانيه على فمها يمنعها تصرخ وكانت قريبه منه
توقفت عن البكاء من الصدمه والخوف ماتعرف مين هاذا وليش لابس نظاره وغامض الشخصيه ماميزت ملامحه من الخوف والاضاءه الخفيفه وتحاول تصرخ وتضربه لكن ابت بالفشل كان شاد خصرها له وماتقدر تصرخ بسبب يده الي على فمها
همس فيصل بحده : ولا صوت اسكتي شوي يرحم والديك
ميزت صوته الي مشتاقه له اكثر من اسبوع وعيونها امتلو دموع لكن تذكرت انه طلقها وماتحل له وحطت يدينها على صدره تبعده عنها 
عقد حواجبه وشال يده عن فمها ونطقت الوجد ببكى وصراخ  : ماتحل لي ابعد عنيي يو...
فيصل تدارك الوضع وصراخها وقطع كلامها من حط يده على فمها يسكتها
طلع مشاري على صوتها وواضح عندها احد
مشاري انجن جنونه من شاف الوجد بحضن شخص مجهول الشخصيه ماكان واضح شكله
مشاري بجنون الارض : وجد! والله مااخليك حيه على وجهه الارض
طلع سلاح مشاري وصوبه على الوجد
الوجد كانت تسمع صوت مشاري بس ماكانت تشوفه لان مشاري وراها وفيصل مو سامح لها تتحرك ولا سانتي كان ضامها بيد ويده الثانيه بجيبه
نطق فيصل وهو يضحك بسخريه  : اذا قدرت تاخذها مني
اطلق مشاري طلقه وحده بالسماء يأكد لـ فيصل ان سلاحه حقيقي
صرخت الوجد بخوف من صوت السلاح ورفعت راسها تتاكد فيصل تاذى ولا
فيصل : بتخوف عميد بهاذي الحركه؟
صوب مشاري السلاح عليهم وهو مايشوف شي من الجنون
فيصل شال يده عن خصر الوجد وحطها على راسها وضمه يحميها من اي ضرر و مايبغاها تشوف شي
طلع سلاحه فيصل بحركه سريعه واطلق على مشاري ولكن قبل يتصاوب مشاري،،مشاري اطلق على فيصل منطقه الصدر
صرخت الوجد من حست بجسم فيصل يتحرك وواضح الطلقه صارت فيه !
الوجد مارفعت راسها خافت تشوف منظر ماودها تشوفه فيصل متصاوب ضمته وهي مغمضه عيونها ونطقت : فيصل تكفى لاتخليني !
اما عند فيصل جسمه لازال واقف ماطاح ، ضم الوجد بقوه ونطق : مابتركك
وشالها بحضنه وطلع من المزرعه وهو يبتسم بأنتصار اعظم انجازاته بين يدينه "الوجد" كسب الوجد !
الوجد ضامته وتبكي بخوف وتحسب انه متصاوب لكن بالحقيقه فيصل ذكي ودارس تحركاتهم وكل شي وكان لابس حمايه
ركب السياره ومعه الوجد وحرك
،
طلع ابو الوجد يركض من سمع صوت اطلاق نار وشاف مشاري يصرخ بألم
ولكن باالحقيقه ان فيصل تعمد مايصاوبه كثير يعني الاصابه خفيفهه مرهه يعني حتى ماتأثر بمكانه فيصل ولا تودي فيصل بست وستين داهيه
مشاري صرخ على ابو الوجد : خطفها ياعم خطفها
،
بطريق مظلم طويلل مايسمع غير بكاء الوجد
: فيصل تكفى والله مايخلوني حيه تكفى رجعني !
فيصل ساكت رغم انها تبكي وتصيح ووتترجاه يتركها
الوجد : فيصل انا طليقتك
احتدت ملامح فيصل لانه يكره هاالكمله وصرخ بعصبيه : انتي زوجتيي!
وقف السياره على جنب ونزل
الوجد تتنفس بسرعه من الخوف منه
فتح الباب فيصل ومسك عضدها ينزلها ونزلت معه وهو نيته يتفاهم معها بس ويفهمها كل شي بس الوجد دار ببالها ان الجد مرسله عشان يقتلها نطقت بخوف : تسويها وتتخلص مني ؟
فيصل عقد حواجبه : وش اسوي؟
الوجد تتلفت يمين ويسار وتشوف المكان الخالي من البشر ومظلم وخط !
صارت من الخوف الي فيها تضرب صدر فيصل وتنطق وهي تبكي وتترجاه : تكفى والله مايخلونيي تكفىى رجعنيي فيصل انت طلقتنيي وماتحل لي وش بيقولون عني الناس؟! هربت مع طليقها؟؟ رجعني يرحم والديك تكفى والله ماتقدر عن تسلط جديي
فيصل مسك يدينها بقوه لانها كانت منهاره  ونطق بعلو صوته وعصبيه : افهميني يابنت ماطلقتك ورقتك مزوره وهميه !
الوجد رفعت راسها تناظر عيون فيصل وملامحه الحاده كمل فيصل كلامه بصراخ وعصبيه : احبكك ! وجد افهمينيي ماسويت كل هاذا الا عشانك احبكك يابنت الاجاويد احبك يام فستان وردي
ارتخت كتوف الوجد بتعب وحطت راسها على صدره تبكي نطقت بوسط بكائها : لاتخذلني تكفى لاتعلقني فيك واخرتها تتركني
فيصل ضم الوجد بقوه ويثبت لها انه يحبها : مستحيل الصده تجي مني
طلع الجانب الحنون من فيصل وحط يده على شعرها يمسحه ويسمي عليها ونطق : ابوي انتي لاتبكين
الكلمه بالنسبه للوجد امان لها انهارت زياده
ابتسم فيصل من قربها له وحضنها وتمسكها فيه وفرحتها المخفيه ان طلاقها وهمي وعرف انها تبادله الحب لكن عجزت تنطق "احبك"
مشى وهو ضامها وفتح باب السياره ونطق : اركبي ي عيني
هزت راسها برضى وهي تدمع وركبت وابتسم لها ابتسامته المعتاده الي يطمنها انها بوجهه من سود الايام
سكر الباب وركب الباب وحرك السياره
اما الوجد لازالت تحت تأثير صدمه تغير ابوها وملكتها لمشاري واعتراف فيصل ويدينها ترجف وعيونها دموع مو مستوعبه قساوه جدها انه قدر يوهمها ان فيصل طلقها ! ويزوجها فوق زوجها زوج وش حكمه بالدين هاذا؟
فيصل تنهد بضيق وهو يشوف رجفتها مسك يدها ونطق : قولي لي وش الي مخوفك ؟
الوجد بدموع : جدي وابوي ومشاري وشيخه وبناتها
فيصل شد على يدها ونطق بهدوء : لاتخافين ترى ان شافو ذره خوف بعيونك يتسلطونك ! اهدي والله والذي خلقني وخلقك مايقدرون يلمسون شعره من شعرك !
ارخت الوجد ظهرها على المرتبه ونطقت بغصه : قدرو يافيصل قدرو يفرغون طاقتهم فيني
فيصل تنهد : لاتفكرين الحين باخذك عن العالم كلها
الوجد : وين ؟ بتبعدني عن امي وابوي وميمي ومازن والبنات
فيصل : يالوجد لاتفكرين انتي الحين لاتشيلين هم بكرا الصباح بأذن الله نتفاهم
سكتت الوجد واستمرت تبكي وفيصل يكره البكاء وانواعه
فيصل كان وده يمسك خط وعلى اي مكان يبعد الوجد عن جده والخمه بس ماقدر الضروف ماتساعده الوجد تبكي وترفض وهو بهالحاله هاذي مايقدر يجبرها تبعد عن اهلها ! قرر يروح للفندق وتنام وتفكر بموضوع السفر
نطق يجبر بخاطرها : فستانك حلو والبليه الي على شعرك
ضحكت الوجد بوسط بكائها وتناظر الفستان وتلمس ربطه شعرها
دخلو الرياض والوجد حاطه يدها على خدها وساكته
فيصل : لاتفكيرين كثير
الوجد كانت ماسكه نفسها ماتنزل دموعها فـ سكتت
وقف فيصل بالباركنق حق الفندق والتفت : يلا وصلنا
هزت راسها برضى وتحس جسمها هلكان تعبان كل شي متكسر تحس بتعب مو طبيعي بجسمها وفتحت الباب بهدوء وجاء فيصل ومد لها يده ونطق : شوي شوي
مسكت يده ونزلت وفيصل شاف رجولها (يكرم القارئ ) ماعليها الا الشرابات الشوزات ماعليها نطق : بشيلك
الوجد بتعب : لاتكفى مابغى ، اصلاً كل شي غلط لابسه فستان بدون عبايه وحجاب
ابتسم فيصل ومشى جبنها وحاوط كتوفها ويمشي معها
دخل الفندق وارتاح ان مافي احد كثير ذابحته الغيره تقدم للرسبشن وغار عليها وحط يده على راسها وضمه مايبغى احد يشوف وجهها السمح !
الوجد : شفيك انت اتركني اتنفس
فيصل اخذ بطاقه الغرفه وسرع خطواته ودخل المصعد وتنهدت الوجد بتعب وتحس البرد دخل بأعظام جسدها
فيصل : تعبتي؟
الوجد ماكانت تناظره ماتبغاه يشوف عيونها الذبلانه بالنسبه لها جاهله ان فيصل يغرق بعيونها هزت راسها بنفي
انفتح المصعد وطلعو وحط البطاقه على الباب وانفتح ودخل الوجد بهدوء وحنان وسكر الباب ونطق : نامي ياعين ابوك
الوجد اجتمعت الدموع بعيونها "ياعين ابوك" ونطقت : لاتقول ياعين ابوك بابا مو بابا ، بابا في غيري عيونه
فيصل تقدم لها ونطق : معليه بتمضي
سكتت الوجد وجلست على السرير وجلس جنبها وحضنها على جنب وهي منزله راسها ودموعها تطيح على فستانها الوردي
مشبكه يدينها ببعض وتبكي
فيصل شاف الكدمات الي على يدينها ومسك يدها ونطق : كسر يد مين الي ماد يده عليك
الوجد : من غيره؟
فيصل يقلب يدين الوجد : جدي ؟
الوجد هزت راسها : ايوه هو
فيصل ضمها : طيب تبيني اوديه بست وستين داهيه وادخله بقضايا تزورير؟ ولا تبيني اهد وجهه واسطره؟ ولا تبين انتي بنفسك تاخذين حقك ؟ اختاري !
الوجد هزت راسها : لا فيصل تكفىى مابغاك تدخل بمشاكل
فيصل : ادخل اهم شي ماتتأذين !
الوجد : تكفى ان كان عندك معزه لي لاتسوي شي
فيصل صامل وملزم الا ليدخل بمشاكل عشانها وسلك لها بـ : تمام الحين انتي انسدحي وانا بطلب لك اكل
الوجد : بس مابغى شبعت
فيصل : بطلب عاد يمكن انك تشتهين
الوجد : اوك
قام فيصل وجلس على طرف الكنب يطلب اكل وانشغل بجواله نطق : لقينا المجرمه الي اطلقت عليك
الوجد فزت : صدق؟ من هي ؟
فيصل : طول  هالاسبوع وانا مشغول بالقضيه هاذي اشغل نفسي عن التفكير ورجعنا لـ اثار المجرمه حصلنا شعره صغيرهه مره وطلعناها
الوجد : طيب كانت متغطيه كيف طاحت شعره منها ؟
فيصل : ممكن الشعره كانت عالقه بالعبايه عشان كذا قفطناها
الوجد : طيب وينها الحين؟
فيصل : سجنوها
الوجد : يعمريي عليها طيب هي مين؟
فيصل : حبيبه مشاري
الوجد عدلت جلستها بصدمه : كذاب!! هي نفسها سميه؟
فيصل عقد حواجبه : مين سميه؟ اسمها نوال
الوجد : طلع بلاير الحيوان !
فيصل : اي الظاهر
الوجد : يع كريهه وش فيها ذي علي ماعرفها وش دخلني المفروض تقتل حبيبها مشاري !
فيصل : مانقول غير الله يهديه
الوجد قامت وتقدمت لـ فيصل ووقفت قدامه وحطت يدها على صدره ونطقت  : مو كانت هنا اصابتك؟ وين راحت؟ مشاري ماصاوبك؟
فيصل ابتسم : لا ماخذ احتياطاتي
الوجد رفعت حواجبها: ياذكي كيف؟
فيصل بثقه ومزح: تسالين العميد فيصل هالسوال؟
الوجد ضحكت ونطقت: والله مو هين العميد فاصولياء
فيصل عض على شفايفه ونطق بهمس : اذوب عند الغمازه
ماسمعته الوجد ونطق فيصل : وين جوالك؟
الوجد : لو معي وش تبغى فيه؟
فيصل : باخذه بعطله
الوجد عقدت حواجبها : ايش؟ خاطفني انت؟
فيصل : ايه لاتنسين انك مخطوفه من بيت ابوك
الوجد : يالخاطف فاصولياء وش تبغى بالضبط
فيصل : ابوي انتي بقفل الموقع عشان محد يقدر يوصل لك
الوجد : مع بابا جوالي يالخاطف ولاتنسى انك خطفتني حتى شوزي مامداني اخذه
فيصل : حلو يالمخطوفه الجميله قررنا نشتري لك جوال بكرا قومي بدري
الوجد وفيصل مع بعض :لا عندي مكافأه اصرف على نفسي
قالوها مع بعض ونطق فيصل : حافظ الاسطوانه هاذي من كثر ماقلتيها غيريها
ضحكت الوجد ونطقت : عطيتك وجهه يلا بنام
فيصل : والاكل؟
الوجد : اعطيه حبيبه القلب عهود
فيصل ضحك ونطق : قفلنا على سالفتها وحذفنا الصوره
الوجد بفرحه : كويس الحمدلله
فيصل : انا بروح اشوف الاكل وينه اكيد عند الرسبشن لاترقدين بجيبه واجي وشوفي جوالي هنا كانك تبغين احد 
هزت راسه الوجد برضى وراح فيصل واول ماراح اتجهت للسرير وانسدحت هي بس تبغى تستلقى يعني ماقصدها ترقد بس رقدت بالغلط
دخل فيصل ومعه بوكسات الاكل ونطق : وجدي
لكن المكان هدوء عرف انها نامت نطقت : العوبا نامت
نزل الاكل على الطاوله وكما توقع هو ، نايمه تقدم يغطيها ورجع جلس على الكنبه وحط رجل على رجل وبيده بطاطس ياكل منه
مسك جواله وشاف كم هائل من الرسايل والاتصالات من جده وعمامه صابه تبلد وفتح كل رسايلهم ويضحك بهدوء على تهديداتهم وكتب رساله لجده : احلق شنبي عكس ان لمست شعره من الوجد
طلع من المحادثه وهو مروق وياكل بطاطس على رسايل التهديد دخل رساله ابو الوجد الي يهدد انه بيدخل فيصل السجن بتهمه الخطف
فيصل صور بطاقه العائله اسمه وتحت اسمه زوجته الوجد وارسلها لـ ابو الوجد : زوجتي وش خطفه الله يصلحك عان البطاقه ارسلتها دقق فيها زين واذا تبي اجيب لك نظاره ابشر اعتبرها مدفوعه
طلع من المحادثه ودخل رساله ابوه الي كان كاتب " فيصل يابوك كانك تبي رضاي خذ الوجد واطلع من الرياض تكفى ياولدي تراهم يخططون عليكم "
رد فيصل : ازهليني يابوي انا تربيتك وبحميها منهم
رد بسرعه ابو نواف : عشت ياولدي ابد اكلكم وشربكم علي
فيصل : لا شدعوا يبه ماحنا محتاجين الحمدلله
ابو نواف : زين ،، اذا احتجت شي ترى انا موجود
فيصل : مشكور يبه ماتقصر
ابو نواف زي كل الاباء ارسل ايموجي الاباء :👍🏻👍🏻👍🏻
طلع فيصل من المحادثه وقفل جواله وتنهد من حال الوجد
غسل يدينه واتجهه يجلس عندها ويمسح على كدماتها شاف طرف جرح على كتفها ونزل اكمام الفستان من عند الكتف وشاف الجرح وكشر بضيق ونطق بهمس : ياجعل يدينهم للكسر
وحضنها ونام ..
،
2:34 اليل .
فزت الوجد من نومها تصرخ : تكفى بابا
قام فيصل وحضنها وسمى عليها : بسم الله على قلبك كابوس سمي بالله
الوجد التفت له ونطق : شفت بابا بالحلم
فيصل رفع شعرها عن وجهها : كابوس ماهو شي نامي
الوجد تنهدت ورجعت وفيصل يسمي عليها ويقرا عليها الين اخذه النوم

____________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
حسابي انستا انزل فيه الروايه : Ot34828
*اعتذر عن الاخطاء الاملائيه*
النجمه تدعم الروايه✨

البشاره الكاتبه الغامضه المتواضعه رجع لها الشغف وبقوه ان شاء الله يعني😭