Chapter 28
ရှဲ့ယွင်နန်က ရှောင်ပိုင် အနည်းငယ် အသက်ကြီးလာသည်ဟု မသိမသာ ခံစားလိုက်မိသော်ငြား ထိုအကြောင်း များစွာ မစဉ်းစားမိခဲ့။ ထိုအချိန်တွင် သူ၏ အာရုံစိုက်မှုအားလုံး တစ္ဆေဘုရင်ထံတွင်သာ ရှိနေသည်။
တိုက်ခိုက်သူများကို အဖော်သားရဲ၏ ခွန်အားအပေါ် အခြေခံ၍ အဓိကအားဖြင့် အဆင့်ဆယ်ဆင့် ပိုင်းခြားထားသည်။
အားကောင်းသည့် အဖော်သားရဲကို ပိုင်ဆိုင်ထားသူများမှာ ငယ်ရွယ်စဉ်က များစွာ မလေ့ကျင့်ဖူးသည့်တိုင်၊ အံ့ဖွယ်သားရဲတို့၏ အသားကို မစားဖူး၊ ထူးခြားဆေးပင်တို့ကို မစားဖူးသည့်တိုင် သူတို့ အဖော်သားရဲ၏ တိုက်ခိုက်ရေးစွမ်းရည်ကို လျော့တွက်ထား၍ မရပေ။ ကြီးပြင်းလာသည်နှင့် တစ်ပြိုင်နက် အဆင့်နိမ့်တိုက်ခိုက်သူအဖြစ်သို့ တစ်မဟုတ်ချင်း ရောက်ရှိနိုင်ပေသည်။
ငယ်စဉ်ကတည်းက အံ့ဖွယ်သားရဲအသားနှင့် ဆေးပင်တို့ကို စားခဲ့ရပါလျှင် အသက်ငယ်စဉ်ကတည်းကပင် အလယ်အလတ်အဆင့်သို့ ရောက်ရှိနိုင်ပေသည်။ ထိုအရည်အချင်းကို ဆက်လက်ထိန်းသိမ်းပြီး တိုးတက်စေကာ အံ့ဖွယ်သားရဲအသားနှင့် အပင်တို့ကိုလည်း အဆက်မပြတ် စားနေပါလျှင် အဆင့်မြင့် တိုက်ခိုက်သူအဖြစ်သို့ပင် ရောက်ရှိနိုင်ချေ များပေသည်။
လျောင်မုယဲ့မှာလည်း ထိုအုပ်စုထဲမှ တစ်ဦးအပါအဝင်ဖြစ်သည်။ သူသည် အသက်နှစ်ဆယ်ဝန်းကျင်သာ ရှိသေးသော်လည်း စတုတ္ထအဆင့် တိုက်ခိုက်သူ ဖြစ်နှင့်နေပြီ ဖြစ်သည်။ ပဉ္စမအဆင့်သို့ပင် ရောက်လုရောက်ခင် ဖြစ်နေကာ အနာဂတ်တွင် အဆင့်မြင့်တိုက်ခိုက်သူ ဖြစ်လာနိုင်သည်ဟုပင် လူပြောများနေ၏။
ဟုန်ယဲ့မြို့တော်တွင် နေထိုင်သူတစ်ဦးသည် အဆင့်မြင့် တိုက်ခိုက်သူများအနက် အားအနည်းဆုံးဟု ခေါ်ရလောက်သည့် သတ္တမအဆင့် တိုက်ခိုက်သူ ဖြစ်လာလျှင်ပင် မြို့တော်ထဲ၌မူ ထိပ်သီးအဆင့် ကျွမ်းကျင်သူ ဖြစ်နေပြီဖြစ်သည်။
အပြန်အလှန်အားဖြင့် အားနည်းသည့် အဖော်သားရဲကို ပိုင်ဆိုင်ထားသူများမှာမူ တိုက်ခိုက်သူ ဖြစ်လာရန် ခဲယဉ်းလှပေသည်။
YOU ARE READING
ငါ့ရဲ့ နူးညံ့တဲ့ချစ်ဇနီးလေးဘယ်ရောက်သွားတာလဲ
RomanceTitle - Translations novel All credit to Original Author ❤️ Only unicode 🥺 let's go