Obey Him

Chapter 56

BASTARDO? Ang ibig bang sabihin ay anak din ni Vice si Calder? Pero paano?

"What did you say?" Sa pagkakataong ito, kay Vice galing ang tanong.

Bastardo at asawa... Dalawang pasabog ang nakawala ngayong gabi. Hindi alam ng lahat kung saang revelation higit na magugulat.

"What?" Lalong ngumisi si Jackson. "That I have no plans of giving my wife to your bastard?"

Kahit mahihina ang bulungan ng nakakapakinig na mga katulong ay nakaabot iyon kay Mrs. Cruz. Tiningnan nang masama ng mayordoma ang mga ito.

"Pinakasalan mo ang babaeng 'yan?!" Halos idura ni Vice ang mga salita.

Si Calder naman ay hindi maalis ang titig sa akin. I couldn't meet his gaze because I knew how disappointed he was with me.

Parang aatakihin si Vice na nagpumilit makatayo matapos damputin ang baston. "Kailan pa?! Kailan pa, Jackson?!"

"Ganda, totoo ba?" pabulong na tanong ni Ate Minda sa akin.

Lalong bumaon ang kuko ni Mrs. Cruz sa balat ko. "Manahimik ka, Luzviminda," mariing sita ng mayordoma.

"I'm not surprised to hear that." Salubong ang mga kilay ni Calder ng magsalita siya. "Everything is planned from the start. I knew you will do this para makasigurado. But sorry to disappoint you, marriage is just a piece of paper. Madaling mapawalang-bisa ang kasal lalo kung ang ground for annulment ay wala sa katinuan ang isa. And I'm sure, alam naman nating lahat dito kung sino ang may sira sa ulo."

"Candida wants me to live a normal life; to get married, to be happy with the woman I chose to be with," nakangising wika ni Jackson. "Who am I to disappoint her?"

"'Wag mong idamay ang alaala ni Mama!" Halos lumiyab ang mga mata ni Calder. Mga matang ngayon ko lang narealized kung kanino kahawig.

"It's actually Candida's idea that I should get married." Wala pa ring pinagbago sa reaksyon ni Jackson maliban sa nabura na ang ngisi sa mga labi niya. He's still very calm and confident.

"Why did you do this, Jackson?" Vice asked him with a disappointed tone. "Hindi kita maintindihan. Ginagawa ko naman ang lahat para mapaayos ka, pero bakit ikaw mismo ang sumisira sa sarili mo?!"

Namulsa si Jackson at kinunutan ng noo ang ama.

"And you, Frantiska! Anong klaseng babae ka na magpapakasal sa dating asawa ng sarili mong ina?! Masaya ka ba sa nakikita mong nasisira ang anak ko dahil sa 'yo?!"

"Fran, umakyat ka na," malumanay na tumingin si Jackson sa suot niyang wristwatch. "It's getting late and you should rest."

"Late? Wala pa ngang alas-siete at di pa tayo naghahapunan lahat," bulong ni Ate Minda.