Rah e Ishq [COMPLETED]

16 *ignore mistakes* Writer:Wafa Fatima

PART 16

Wah yr mene kabhi socha nhi tha hamari zindagi me aesa bhi kuch hoga...Anaya training se wapas a chuki thi..wo Zelish k chacha jan ki beti thi...us k baba or bhai jan bhi army me thay...wo chuttiyan guzarne gaon aya krte thay...Anaya bhi training k bad ab pehli dafa gaon ayi thi...Zelish ne use A to Z sari kahani suna di thi...wo Zelish ki bohat qareebi cousin hone k sath sath bohat kamal ki dost,raazdar,mu pr halke freckles jo us pr bohat suit krte thay,...or bhuri aankhon wali kaafi khubsurat si larki thi
Socha to mene bhi nhi tha zahir h...Zelish ne muskurate hue kaha
Anaya ne use ajeeb si nazro se dekha
Khair tum batao,kesi rhi training??usne baat ka mozu badalte hue kaha
Kia bataun yrr..mene socha tha bhai or baba bhi hain to aasani hojaiegi lekin wahan sub ko ek jesa mukam hasil tha ameer ,ghareeb,muslim,gher muslim sub ek sath rehte,ek sath khate or training bhi hum sath krte,jesa mene socha tha k asani ho jaiegi aesa kuch nhi tha....Anaya gehri sans bharte bata rhi thi
Acha...Zelish ek lafz keh kr khamoshi ho gai
Wo dikhne me kesa h??Anaya ko yakdam tajassus hua,usne ek hi University me parthe hue bhi kabhi use nahi dekha tha or yahan aane k bad bhi sirf uska nam hi suna tha
Wo??...kon??...Zelish ruki...acha wo....phir usne kehna shuru kia..... halkay bhuray rang k modern style se baal,halki neeli kanch jesi aankhein,

.....wo batate hue Anaya ki bajae samne deewar ko muskura kr tak rhi thi.. beard or moustache bhi halkay bhuray rang ki....wo apni socho me gum thi....

Anaya ne uske kandhay pr hath mara....wo chonki....dono ek dusre ko muskura kr dekh rhe thay......

Zelish khana lekr Salar k stable me enter hui....usne pehli martaba gate knock kia tha....Salar ne bhi bari narmi se aajaien kaha or khara ho gya.....wo is waqt Zelish k bare me hi soch rha tha k Zelish agai thi

Tum thi....usne bethte hue kaha
Khana kha lo
Rakh do,thori der me khata hun...wo mobile me masroof hogya
Zelish ne hath me mojood tray ek choti si table pr rakh di or khud bhi Salar k barabar me ja bethi
Khana thanda ho jaiega...Salar ko abhi bhi mobile me masroof dekh kr Zelish ne kaha
Nahi hoga naa...wo mobile me magan maddham awaz me keh rha tha
Zelish ne lamba sans lia
Khane ko intizar ni krwate Salar,gunah hota h....
Is jumlay pr uski nazre mobile se hat gai...usne barabar me bethi Zelish ki taraf apni nazro ka rukh kia
Rizq Allah ki naimat h,ise intizar nhi krwate na hi zaya krte hain or kuch log is naimat k Bach jane pr ise dustbin me bhi phenk dete hain.........wo jahil hain Salar......humaray pas itni naimatay hain k hum apne Rab ka shukkar ada nhi kr skte....ye naimatay hr ksi ko nhi milti...bohat se log is naimat k lie taraste hain.....agar Hume kabhi ye mehsoos ho k hum Khuda ki di hui naimaton pr uska shukar ada nhi kr pa rhay..to sab se pehle hath me ek کاغذ (page) or uske sath ek قلم (pen) lo...phir apne ird gird nazar dorao ...jitni cheezein dikhay unhe likhna shuru kro...jab tum ye kroge to tumhay andaza hoga k subah se raat hogai h lekin wo naimatay Jo tum likh rhe ho wo abhi bhi khatam nhi hui hain....bas ye wo lamha hoga jub tumhe Quran ki wo ayat yaad aye gi (فَبِأَيِّ آلَاءِ رَبِّكُمَا تُكَذِّبَانِ) OR TUM APNAY PARWARDIGAR KI KON KON SI NAIMAT KO JHUTLAOGE ( SURA E REHMAN [ayat 47] )....wo use dambakhud dekh rha tha...use apne gaalo pe nami mehsoos hui...uski aankh se aansu baha tha...usne apni puri zindagi me kabhi kisi ko use aese samjhate nhi paya tha k wo rone lgta...us k parents kabhi us se aesi batein na krte thay na hi koi rishtedar ya dost....Salar ki zindagi me Wo pehli thi Jo deen sahi mano me janti thi or use phelana farz samajhti thi.....scarf me se us k baal kabhi Salar ne nahi dekhe thay...wo hijaab krti thi...Allah se darti thi...
Zelish us k qareeb bethi us k behte aansu dekh skti thi ...wo ab samne rakkhi khane ki tray ko dekh rha tha...Zelish ne ek nazar use dekha or uski nazron ka ta'aqqub kia...wo wahan se uth khari hui...usne tray utha kr Salar ki taraf barahi...Salar ne bina kuch bolay uski aankho me dkehte hue tray pakar li...ab wo us naimat ko dekh rha tha jis k baray me abhi usne suna tha k ye naimat har kisi ko naseeb nhi hoti...bohat se log sirf 2 waqt ki roti k lie erhi choti ka zor lgate hain...hamay itna gunahgar hone k bawjood bhi Khuda is naimat se mehroom nhi krta...wo soch rha tha....Zelish halki muskurahat k sath wahan se chal di...wo abhi bhi us naimat ko dekh kr gehri sochon me gum tha...use jhatka lga...use dobara wo baat yaad ayi...(khanay ko intizar nahi karana chahie)....usne 1 sec bhi zaya kie bagahir BISMILLAH prh kr pehla lukma mu me dal kr khana shuru kr dia..

Fajar ka waqt hogya tha...Azaan pr uski aankh foran khul gai...usne uth kr wuzu kia or Imran k sath masjid ki janib jane lga..door kahin usne dekha k Zelish hari bhari zameen pr JAE NAMAZ bichaye bethi h...wo baghair kuch kahe Imran k sath chalta rha....wo ab namaz parh k wapas a k dobara so chuka tha...

Uski aankh taqreeban 8:30 baje khuli...wo so k utne ki duaien parhta uth kr beth gya....tabhi andar Zelish agai

Khairiat??aaj tum itni jaldi khud kese uth gaie??
Raat ko khana kha k jaldi jo so gya tha mobile use kie bagahir...uski awaz ajeeb si thi
Sahi kehte hain is mobile nami bala ne hamari zindagi barbad kr k rakkhi hui h..ye na ho hum apne saray kaam waqt pe krein
Sahi baat h...wo maddham awaz me uski han me han mila rha tha
Tum theek ho??Zelish ne use nidhal hote dekhte kaha
Ha...Han theek hu...uski awaz ab pehle se ziada kharab thi
Tumhari awaz ko kia hua?kia tumhara gala kharab h??
Han sha..yd...pat..a n..hi.....gal..ay me dar...d ho..rha h...usne atakte atakte kaha....dard barh rha tha
Ruko me ati hun
Zelish bhag kr apna Stethoscope le kr ayi phir Salar ko check krne lgi

Zelish ka hath ek dum uske hath se takraya...uska hath bohat tez jese khol rha tha...Zelish ne beikhtiyar uske mathay or phir gardan pe hath rakkha...wo nidhal aankhon se use dekh rha tha

Salar tumhe to tez bukhar h...wo pareshani se keh rhi thi...nazla zukam bhi h shyd islie tumhari awaz bethi hui h
To ise khara kro!!usko is haal me bhi mazaq sooj rha tha
I'm serious Salar...usne us se bezargi se kaha...
Thori der wo use aese hi use dekhti rhi....ruko me kuch dawwaiyan lati hun ghar se...wo kuch der bad ye kehti wahan se mano jese bhagte qadmon k sath gai or bhag k ayi ho
Usne kuch tablets nikal kr Salar k mu me daali or use paani ka glass pakraya...usne tablets nigalne k bad lambi sans le kr chori
Tum dobara so jao me Imran se keh dungi tumhari tabiyat theek nhi...thori der or aaram kro phir me akr check krti hun k fever utra ya nhi....usne Han me sar hilaya..wo us waqt kuch kehne k kabil nhi tha....uski awaz me dam nhi tha...Zelish door band kr wahan se chali gai...usne let kr aankhein band kr lin

HOPE YOU ENJOYED!!!