Rah e Ishq [COMPLETED]

17 *ignore mistakes* Writer:Wafa Fatima

PART 17

Salar kahan h??
Bhai usko bukhar h
Kia?kab se h?subah to wo theek tha,mere sath masjid bhi gya tha namaz parhne
Han bhai shayad us k bad hua h,wo apne mamool k mutabiq aaj bohat jaldi bhi uth gya tha,usko bohat tez bukhar h...Zelish ne aakhri jumle pr zor dete hue kaha
Me dekh k ata hun...Imran ne apne hath me mojood shovel ko chorte hue kaha
Nahi bhai!!usne thora zor se kaha
Imran ne palat kr use dekha
Bhai mene use medicine di h,wo so chuka h,use rest krne dein,..jab wo uth jaie to chale jaiega
Oh acha,theek h...usne gehra sans bharte kaha
Zelish wahan se chali gai

Uski neend khul gai thi jab use door khulne ki awaz ayi,usne uthna chaha lekin uske hath paon jese uski nhi sunna chahte thay,wo uthne ki nakam koshish kr rha tha,usne apni aankhein kholni chahin,us se nhi ho paya...us ne us waqt khud ko jese zinda lash mehsoos kia tha,jab use samajh agai k wo hil tk nhi skta to wo sakit leta rha

Zelish uska bukhar check krne ayi thi...use nhi pata tha wo jaga hua h,hil nhi pa rha
Usne pehle uske mathay pr or phir uski gardan pr hath rakh kr check kia,uske bukhar me pehle ki nisbat koi kami nhi ayi thi,wo pehle jesa hi khol rha tha
Zelish ahistigi se wahan se uth kr chali gai....kuch der baad wo hath me Quran e Paak le kr ayi or Salar k sar k pas beth gai..wo abhi bhi jaag rha tha,sun rha tha,mehsoos kr rha tha lekin kuch nhi kr skta tha
Zelish ne sab se pehle SURAT AL FATIHAH or AYAT AL KURSI parh kr Salar pr dam kri phir usne Quran e Paak khola or SURAT AL BAQARA ki aakhri 2 aayaat ki tilawat krne lgi
Salar wese hi sakit leta use sun rha tha,use jese apne jism me current dorta mehsoos hua,wo kuch soch rha tha,use jese andaza ho rha tha k jub tk Khuda na chahe hum kuch nhi kr skte,na palak jhapak skte hain,na aankh khol skte hain,na hil skte hain or na hi kuch bol skte hain....wo khali zehni k us aalam me sun rha tha,ek to piyari awaz,upar se itna piyara kalaam.....usne dobara uthna chaha lekin wo nhi uth ska usne aankhein kholna chahi,is bar wo kamyab ho gya tha lekin wo puri aankhein nhi khol paya tha....Zelish ki tilawat jari thi,use ab bhi andaza nhi hua tha k wo jaag rha h...kuch der bad usne uski aankhon me nami mehsoos ki..wo aayaat tamam kr chuki thi...
Salar?
Wo wese hi para rha tha
Salar tum jaag rhe ho?
Usne ab puri aankhein khol li thi...uski aankhon me nami thi...usne jawab nhi dia
Salar???wo ab thori ghabra si gai thi....wo uth kr gaon k ksi tabeeb ko bulane lgi thi....usne wese hi letay jese zer e lab kuch kaha ho....wo palat kr wapas a bethi....wo us se koi baat krne ki muntazir thi....usne kuch kehne k lie apne lab kholay or phir ek bar or uthne ki koshish ki...Zelish ne uski madad ki..wo take lga kr bari jaddo jehed k bad ab beth chuka tha
M..ujh....se bola n..hi ja r...ha......usne band galay k sath us se bari bethi or kharab awaz me kaha
Oh acha..... I'm sorry....me....aewein hi pareshan ho gai thi...usne muskura kr kaha
Wo bhi baghair kuch kahy halka muskura rha tha
Itne me wahan Nasrullah Shah aagaie
Kia hua beta?Imran bata rha tha ise bukhar h....wo Zelish se puch rhe thay....Salar ki aankhein ek bar phir ghunudgi me doob rhi rhi thi
Jii baba kam hi nhi ho rha mene medicines bhi di thin abhi kuch der pehle QURAN ki aayaat bhi parhin hain INSHAALLAH us se jaldi theek hojaiega...Zelish ne uske sar k pas se uthte hue kaha...ab us jaga Nasrullah Shah beth rhe thay...unhone bethte hi usko muskura kr dekha or mathay pr hath rakh kr uska bukhar check kia
Ise bukhar to nhi h....Nasrullah Shah ka hath ab uski gardan pr tha
Nahi baba ise subah se bukhar h ,mene abhi kuch der pehle hi check kia tha...wo uljhe hue lehje me keh rhi thi
Salar sab kuch sun rha tha...uske kaanon me Zelish ki tilawat ki wo awaz ab dobara gunjne lgi thi....kia un aayaat se mujhe shifa mil gai h??wo apni sochon me hairan hote hue khud se puch rha tha
Beta ab nhi h,mere khayal me ab ise thori der rest krne do ta k ye kal subah tk bilkul theek hojaie
Zelish ne Han me sar hila dia
Nasrullah Shah ne Salar k balon pr hath pherte hue uska matha chuma or wahan se chalay gaie
Unke jate hi usne barq raftari se uski taraf barh kr check kia,...bukhar waqai nhi tha....aayaat parhne k bad wo ab pehle k muqabile me bohat halka reh gya tha.......
Rest kro or jaldi se theek ho jao.....wo nam aankhon k sath muskura kr use hidayat krti wahan se chali gai
Salar kaafi der pehle hi ghunudgi me ja chuka tha,use kuch nhi yad tha k kab Nasrullah Shah wahan pr aye ya kab Zelish ne use koi hidayat di...wo so chuka tha....

Agli subah uski aankh Fajar ki azaan pr khuli...wo ab pehle se kai ziada behtar mehsoos kr rha tha,thori mushkil ho rhi thi lekin wo khare hone me kamyab ho chuka tha...ab wo Fajar ki namaz ada krne ja rha tha

Salar kesa h bukhar ab??Imran ne Salar ko aate dekh foran pucha
Kaafi behtar h...usne maddham si awaz me jawab dia
Chalo aao Namaz parhein,dekhna INSHAALLAH bilkul theek ho jaoge...Imran ye kehta uske galay me hath dalay use le gya.....usne aaj bhi Zelish ko wahin Namaz ada krte dekha jahan wo use roz dekha krta tha.....
Wo Namaz ada kr k a kr wapas gehri neend so gya

Subah k 9 baj rhe thay....Zelish us k lie nashta k sath kuch medicines rakh kr lai
Salar utho!!nashta kr k medicines lo phir bhale dobara so jana...Salaaaaaar!!
Wo chonk kr utha
Kia time hua h...usne aankh masaltay hue pucha
9 baj rhe hain nashta kr k medicines kha lo phir bhalay se so jana
Kis cheez ki medicines??wo angarai lete puch rha tha
Bukhar ,gala kharab or falana falana ki...Zelish ne bazu bandhte hue kaha
Ab me theek hun,ek din ka bukhar tha..utar gya...usne maddham awaz me kaha
Han...lekin...ehtiyat k tor pr ye wali medicine kha lo nashta kr k....usne use ek tablet pakrate hue kaha
Hm..usne ek lafz me jawab dia
Wo nashta or medicine us k pas rakh kr chali gai....

HOPE YOU ENJOYED!!!