Rah e Ishq [COMPLETED]

24 (2nd last) *ignore mistakes* Writer:Wafa Fatima

PART 24 (2ND LAST PART)

Agli subah Zelish samet pura gaon zoro shor se Khan Yazdan Khan or unki family k istaqbal ki taiyarion me masroof tha.....Wo log abhi raste me thay.....Salar ne doran e safar Zelish ko kai calls msgs kie lekin wo taiyarion me itni masroof thi k usne pura din apne mobile ko dekha tak nhi tha.....wo sub subah se taiyarion me masroof thay or ab shaam ho chuki thi....uske sabar ka paimana ab labraiz ho rha tha.....wo besabri se idhar se udhar bhatakti uska intizar kr rhi thi.....aakhir jub bohat der ho gai to wo kamre se apna mobile lene gai.....lekin wo aadhay raste me hi ruk gai..kuch qadam duuri se aane wale us shor ne use sakit kr dia tha....wo dorti hui us taraf gai...wo log aa chuke thay

As'Salam'O'Alekum.....Nasrullah Shah ne bare purjosh andaz me Yazdan Khan ko galay lagaate hue kaha
WalekumAsSalam.....unhone ne bhi bare purjosh andaz me jawab dia tha
Asiya Shah or Tuba Khan bhi apas me pehli dafa mil rhi thi...wo bhi ek dusre ko galay lgane me masroof thin..
Uski nazar Salar pr gai..Jo pata nhi kitni der se use dekh kr muskura rha tha....uska chehra dekhte hi jese pichle kuch dino se murjhaya hua wo phool,uska chehra, ab khil sa gya tha...

Itni purani hamari dosti kabhi socha nhi tha is tarah se rishtedari me badle gi....Khan Sahab haste hue Nasrullah Shah se keh rhe the
Sahi kaha......hamaray zehno me bhi nhi a skta tha k hamari zindagion me itne ittifaq honge k ye dosti rishtedari me badal jaiegi.....wo bhi haste hue unki Han me han mila rhe thay
Tuba or Asiya apni baton me magan thay...
Chalein phir pehle gaon ka chakkar lga aaien hum sub ha??kia kehte ho??wo muskurate hue Khan sahab se puch rhe thay
Han Han kue nhi!!wo apni biwi ko lie Nasrullah or Asiya Shah k sath chal die

Han jii....kia haal hain....wo qareeb rakkhi ek bench pr bethte hue us se puch rha tha
Kia honge?usne bench pr bethte hue sans bharte kaha tha
Me nhi tha to theek to nhi honge....wo use Cher rha tha
Wo khilkhila kr hasi
Salar tum nhi thay to hi theek tha....wo musalsal haste hue ruk ruk kr keh rhi thi
Theek h phir me chala jata hun....wo khafgi se keh rha tha
Uski na rukne wali hasi dekh kr wo bench se uth khara hua
Acha acha sorry na betho yar ab kahan jaoge.....wo apni hasi pr kabu pate keh rhi thi
Jahannum me jaunga....usne intihai khafgi bhare andaz me kaha
Acha dhiyan se jana!!wo baaz nhi ayi thi
Usne ek nazar use dekha,wo use tang kr k haste hue bohat piyari lg rhi thi...uske chehre pr bhi beikhtiyar muskurahat ayi....uski hasi ne use jese pighla dia tha
Wo baghair kuch kahe dobara bench pr beth gya....ek tang bench pr ek zameen pr or hath apne sar k neeche lgaye bench ki take pr rakkhe wo use dekh rha tha...
Wo abhi bhi idhar udhar nazre dorae bemaqsad hase ja rhi thi...usne yakdam mehsoos kia k wo use hi dekh rha h...wo andaza nhi lga payi thi k wo is waqt muskura kue rha tha...Jo baatein abhi un dono ne ki thin uske baad amoman use aesi baaton pr gussa aya krta tha
Tumhe gussa nhi aya kheriyat?...wo kafi der baad ab us se mutawajja hui thi
Usne jawab nhi dia or palke jhapke baghair wo abhi bhi use wese hi tak rha tha
Salaarrr..usne uske aage hath lehrate hue kaha
Tum haste hue bohat piyari lgti ho...wo uski aankhon me dekhte hue palke jhapke baghair yakdam se kehne lga
Wo us waqt us se aesi kisi baat ki tawwaku nhi kr rhi thi....wo hairan thi k use gussa nhi aya tha.....
Usne uski baat ka jawab muskura kr dia or wo dono apne samne mojood football khelte bacchon ko dekhne lge...

Ab raat ho chuki thi Zelish or Salar ki family ne un dono se mushawrat kr k rukhsati kal hi rakkhi thi kue k parso Khan sahab ko apne business k hawaly se abroad jana tha...or unka kaam 1 2 mahinay se kam ka nahi tha...or wo dono itna intizar nhi kr skte thay....

Un sub ne sath beth kr khana khaya or ek din k lie ek ghar Salar k parents ko de dia gya....wo saray ab safar ki waja se or pura din chehel pehel ki waja se thak kr so chuke thay...
Salar abhi bhi jaag rha tha...wo usi bench pr a betha tha jis pr kabhi wo dono sath bethe thay or kabhi wo bhi wahan akeli bethi thi....or aaj; wo wahan akela betha sitaron ko dekh rha tha..kue k Zelish bhi sonay ja chuki thi...wo kafi der sitaron ko takta rha phir uth kr usne stable me qadam rakkha....
Use wo pehla din yaad aya jab behoshi k baad uski aankh stable me khuli thi...or aankh khulte hi usne Jo pehla shaks dekha tha wo Zelish thi.....Zelish ne use kuch ghante pehle unka banaya hua naye ghar me rehne ki offer di thi...lekin wo us ghar me pehla qadam uske sath hi rakhna chahta tha is lie wo aaj aakhri baar Bulbul or Jugnu ko miss krte hue yahan sonay chala aya tha....safar ki thakan itni thi k khud ko us jaga bicche ek chote se bed pr phenkne k baad uski aankh ab Fajar me khuli thi....use andaza nhi hua wo kab me soya tha..usne uth kr Wuzu kia or masjid ki janib jane lga...hasbe mamool Zelish aaj bhi us behte chashme k kinaray hari bhari zameen pr jae Namaz bichaye Namaz ada kr rhi thi....uske chehre pr muskurahat namudar hui jab Imran a kr use masjid ki janib le gya....

HOPE YOU ENJOYED!!!