هــي الــتـي عـلـمـتـنـي كــيــف اعــشــقــهــا

Part 14

سبحان الله وبحمده سبحان الله العظيم ♡
(بـعـد خـمـس ايـام )
بعد خمس ايام ناس فرحانه برجوع نوره وناس حزينه برجوع نوره(هيام) وناس ماتدري ان نوره رجعت لجدتها (بهاج)
هنا خلص بهاج شغله وبيرجع ل اهله ورجع باليل ونام
___________________________
(بـيت ابو عبدالله) الصبح
العايله الكريمه كلها جالسه وبلحضات سعيده ومستانسين برجعه بهاج
ابو عبدالله: اسمعوياعيالي وبناتي بكرا ان شاء الله في مخيم
غدير:الله صدق في مخيم ؟
ابو عبدالله بضحكه: ههههههه اي يابنيتي
بهاج نقز بحماس :بروح اجهز الشنطه
ام عبدالله:ههههههههههههه
وئام : اسمع يابهاج انا سمعت امي تتكلم مع ام مساعد! وامي تعتذر منها وانا حاولت بأمي انها تعلمك الخبر الكايد لكنها رافضه تعطيك الخبر
جلس بهاج بأنصات لكل كلمه تقولها وئام: ايهه
ام عبدالله بتوتر :لالا مافي شي ياوليدي
بهاج: خليها تكمل السالفه
وئام:ام مساعد تقول متى تطلق نوره عشان تزوج نوره ولدها
بهاج بعصبيه الارض كلها تجمعت براسه: خليها تحلم بالطلاق طلاق مافيه لو تموت!
ام عبدالله :بهاج وين رايح
راح بهاج لسيارته ومشى بسرعه جنونيه مايدري وين يروح !
ام عبدالله هبدت وئام: وجعع ماتمسكين لسانك ليه
وئام: مابغى اظلمه واظلم نوره
غدير هبدت وئام:انتي ماظلمتيهم لكن سودتي حياتهم
ام عبدالله :وئام معاقبه ٣شهور ماتروحين عند صاحباتك!
وئام بترجي:لاتكفين يمه لا الا هاذي
ام عبدالله :تستاهلين اكثر !
ابوعبدالله بضحكه على شكل وئام: ههههه يحلو حرمانك من صاحباتك
غدير: هههههههههههههه
__________________________
(بهاج)
الي الى الان يدور نوره ومحد علمه ان نوره عند اهلها يتوقعون يعرف برجوع نوره
بهاج ضرب الدركسون بقوه:افففف وين رحتيي يانوره وين اختفيتي!
__________________________
(الديره)
ام سحاب: النوري بكرى في مخيم
نوره:وش المناسبه؟
ام سحاب: بهاج رجع من مداهمته ام شهر!
نوره:اييه دام المخيم له ماني جايه
ام سحاب :كيفك بس نصيحه منى روحي بكرامتك احسن ما يجي هو وياخذك غصب عنك
نوره: افففف مايتوب لازم يسوي حركاته بكل طلعه
ام سحاب: تستاهلين ههههههه ليش ماتجين مع الاوادم
نوره: جديده شرايك تقولين لبهاج نوره اختفت ؟
ام سحاب: ياحبيبتي اكيد يدري انك هنا زين ماجاء من الفرحه هههههه
نوره:ههههههههه ماتوقع يجي عشاني
ام سحاب :هاذا وجهي اذا ماطار بكرا فرحه ههه
نوره: هههههههه،يلا بقوم اجهز الشنط
__________________________
(صيته) منتصف اليل
جالسه ب المجلس كالعاده تتابع مباراه وتتأمل البليهي او تتابع مصارعات عشان تطبقها على نوره كالعاده لكن في هاذي المره طفشت جداا قررت تطلع تتمشى لحالها وفعلا لبست عبايتها ونقابها وطلعت وصيته من النوع الي يمشي بنص الشارع وقامت تمشي بنص الشارع بحكم انها ديره مافي سكان واجد فجاء في صوت سياره مقبله عليها تجمدت صيته بمكانها لكن فتحت عينها لقت رجال يهاوش :انتي خبله تمشين بوسط الشارع؟!!!
صيته:كيفيي
سكتت صيته من حست انها تعرف ملامح الرجال !
صيته بصدمه:زيد!!!!
زيد عرف عيون صيته: صيته!! ،وش تسوين هنا اخر اليل ؟
صيته:طفشت وقعدت اتمشي
زيد: اها طيب ارجعي البيت خطرعليك تمشين باليل
صيته:لاعادي متعوده
زيد:لالا مو كل مره تسلم الجره
صيته:تمام بس ياخذ نفس شوي وارجع
زيد بحنان: تمام خوذي راحتك بس لاتطولين واذا بعد تبغيني اوصلك ماعندي مشكله
صيته بحياء:لا مشكور ماقصرت
زيد:توصين على شي؟
صيته:سلامتك
راح زيد لبيت ام سحاب
صيته بهمس:معقوله هاذا زيد خال الجني بهاج يمه يمه فرق التعامل بينهم هههههههههه الله يكون بعونك يالنوري على الجني بهاج
ورجعت للبيت تفكر بزيد
__________________________
(زيد )
زيد رجع لبيت ام سحاب وانسدح بالمجلس بينام ماقدر ينام من تفكيره بصيته هل طاح على وجهه؟نعم يااعزائي المشاهدين يبدو ان زيد وقع بالحب وبقوه
__________________________
(نوره)
بفراشها جالسه تفكر ببهاج هل حبته ومعقوله اشتاقت له وهو معقوله ماعرف مكانها للحين؟ لايانوره حبيبتي بهاج يعرف كل خطوه تخطينها
قالت بهمس:اففف معقوله ماشتاق لي خلاص شكلي بزعل شهرثاني
كريههه مايحس بالي يحبونه خليني انام ويصير خير بكرا ان شاء الله
__________________________
(بهاج )
دور في كل بقعه بالمملكه نوره المختفيه (بهاج نوره عند جدتها!) مايدري المسكين
بهاج :حلو ممكن سافرت برا المملكه
بلغ الجهات المختصه بالمطارات قالو لا هي موجوده باالسعوديه ماطلعت برا
قال بهمس: وين رحتيي يانوره؟
__________________________
(بيت ابو عبدالله) الصبح
ابو عبدالله:يلا اعجلو علينا بنمشي قبل يشتد المطر
ام عبدالله:يلا يلا يابهاج خذ خواتك معك وامش
بهاج: لايمه تكفين يصجن راسي
ام عبدالله:تحمل خواتك ههههههههههههههههه
بهاج بتمثيل عصبيه:يلا يابنات اخلصو بسرعه المطر بدا يكثر
غدير:جايه جايه
بهاج بهمس:جايه جايه وهي ب اقصى البيت ههههه
وركبو وحركو للبر اوالمخيم
__________________________
(بيت ام سحاب)
ام سحاب :يازيد شكل مانقدر نمشي للمخيم والمطر غزير
زيد دق الصدر:معليك دام اخوك زيد انا طارهه
ام سحاب :كفووو كفووو
زيد هنا فطس ضحك لدرجه انسدح من الضحك
ام سحاب بأستغراب :شفيك انهبلت
زيد يهز راسه بمعنى لالا وهو فاطس ضحك ويأشر على نوره الجالسه لكنها نايمه من التعب
ام سحاب بضحكه:ايه تستاهل مانامت امس شفتها الساعه٢ ترقص بغرفتها
هههههههه
زيد دف نوره على الخفيف طاحت نوره على ورا وكملت نومتها وزيد رجع يضحك وشالها فوق (معاملها معامله حديد بنادي) وقامت مفجوعه وتصارخ:نزلنيي ياورععع نزلني
ونزلها
وكلعاده ام سحاب تصور للقروب واتس لكن هالمره ارسلت لبهاج بالغلط 
زيد :يلا انا بركب العفش بصندوق السياره واجيكم
وركبو السياره وحركو للبر او المخيم
__________________________
(ترتيب السيارات )
ابو عبدالله وام عبدالله بسياره
وابو هيام وام هيام وهيام بسياره
ابو احمد وام احمد بسياره
ابو رائد وام رائد بسياره
ابو نايف وام نايف بسياره
وزيد وام سحاب ونوره بسياره
وعبدالله وسهام وملك وسلمان بسياره
بهاج وغدير ووئام بسياره
ورائد ووداد بسياره
نايف والهنوف بسياره
احمد ونجلاء بسياره
__________________________
(المخيم)
يوم ممطر وبارد وجميلل
طبعآ ابو عبدالله وام عبدالله وعيالهم وبناتهم وصلو اول ناس يزينون المخيم ويرحبون ويسلمون
بهاج واقف عند باب المخيم يرحب ويهلي
جت سياره زيد ونزل زيد وام سحاب ونوره وراهم
بهاج كان يتوقع انها صيته صد عنها
ام سحاب: يانوره وينك؟
التفت بهاج على البنت الي توقع انها صيته لكن طلعت نوره وفرح فرحه اول مره يفرح بشدهه والود وده يحضنها لين تنكسر ضلوع نوره وسلم على زيد وام سحاب ونوره شد على يدها يسلم عليها اما نوره سلمت ودخلت تسلم على الحريم
بهاج تنهد تنهيدة فرحه شديده قال بهمس:اخخخ يانوره وش سويتي بقلبي
وراح لقسم الرجال
__________________________
(مخيم الحريم)
دخلت نوره وام سحاب للمخيم وسلمو على بعض ونجلاء وغدير زعلانات من نوره حيلل اما الهنوف ووداد وسهام لاعادي كلعاده هيام ترفض تسلم على نوره ونوره تجاهل الوضع وتجاهل نوره يضغط هيام !
وجلسو وسولفو واستانسو
__________________________
(مخيم الرجال)
ابو رائد:الله يالجوو الحلوو
ابو عبدالله:اي والله صادق
ابو نايف:لازم نفرفر حول المخيم نستكشفه!
ابو عبدالله:يلا مشينا ،وانت يابهاج والعيال انتبهو للحريم !
بهاج والفرحه ماهي سايعته:ابشر على ذا الخشم
وراحو الرجال
احمد :ايهه يابهاج ماقلت لنا منين جت الفرحه ؟
بهاج بأخفاء الفرحه: لابس مستانس بالاجواء
رائد بضحكه:الجو ولا كحلت عينك بشي ثاني هههههههه
بهاج هبده بعلبه المنديل:وجع وش ذا الكلام
نايف: الرجل الغيور هههههه
بهاج وهو ينزل الفنجان:اقسم بالله ان ماسكتت ل هبدك بهاذا الفنجان
العيال:هههههههههههههههههه
__________________________
(مخيم الحريم)
ام عبدالله:النوري يابنتي قومي قهوي الحريم
نوره: ابشريي
ام عبدالله:تبشرين بالجنه
نوره ابتسمت وخذت الدله وطلعت تقهوي الحريم طبيعي الين ماوصلت لهيام ومدت لها الفنجان وخذته هيام وقالت هيام بهمس:سراقه الرجال!
نوره نزلت لمسواها وقالت بهمس:على الاقل ماارمي نفسي على رجال مايبغاني هههههه
هيام سكتت ماعرفت وش تسوي
ونوره كملت تقهوي
نوره اكثر كلمه انقالت لها بالعزايم (سراقه الرجال)ف تكرهه هالكلمه وخذت لها سجه
ام سحاب :نوره!!
نوره:لبيه
ام سحاب : ليش لابسه صيفي بهالبرد؟!
نوره: هاذا اكشخ شي عندي هههههه
ام سحاب هبدت كتف نوره بخفه: صحتك اهم من الكشخه
نوره :ايه معليك الحين البس جاكيت
ام سحاب هزت راسها بيأس تدري ان نوره تسلك لها قالت بأسلوب تهديد :والله يانوره ان بس لوعطستي لاسطرس وادفنس هنا!!
نوره بضحكه: هههه ابشري
وراحت ام سحاب ورجعت نوره تهوجس بالكلمه(سراقه الرجال)
غدير حست ان الوضع مزري بين هيام ونوره لو تركتهم تذابحو
غدير :نوره امشي برا نتمشى
نوره وهي من زمان تبغي تطلع :تمام
غدير ونوره خذو حلا وشاهي وقهوه وبسكوت
وجلسو
__________________________
(مخيم الوجال)
كل واحد جالس على جواله
بهاج اخيراا فتح الواتس وفتح رساله ام سحاب وشاف المقطع قال بهمس:وانتي يانوره كل مازانت الجلسه شالوك فوق هههههههههه عز الله وزن البنت وزن ريشه هههههههه
وفجاء جته رساله من غدير :تعال ورا خيمه الحريم اذا تبي تشوف نوره!بس ها لاتعلم اني قلت لك
بهاج :جيت جيت
غدير:ههههههههههههههههه
__________________________
(ورا خيمه الحريم )
غدير:اءء نوره بروح اجيب حاجه واجيك ماراح اتأخر لاتحركين
نوره:تمام
وراحت غدير وشوي جاء بهاج
بهاج جاء من ورا نوره :بوههههه
نوره بفزه:يمهه بسم الله الرحمن الرحيم ،بهاج!!
بهاج بحاله انصهار من شكل نوره الي سلب عقله:لبيه ياعروق قلبي
نوره :نعم شتبغى جاي؟
بهاج ببتسامه وخفه دم:جاي اكحل عيوني وامشي
نوره :بعد عني زعلانه منك
بهاج عدل وقفته:افا زعلانه مني
نوره:ايه
بهاج:ياليل البلشه شلون نراضيها الحين وبعدين تعالي ليش كذا لبسك صيفي(نوره لابسه بلوزه كت اسود وجنز ابيض)
نوره:مالك دخل
بهاج:لا لي دخل !خليك هنا لاتحركين ولااقول تعالي تعالي معي
نوره بعناد:مابغى اجي معك
بهاج بدون لايناقشها سحب يدها ومشى ووصلو سياره بهاج ماكانت بعيده
دخل بهاج السياره وطلع بلوفر اسود ومده ل نوره:امسكي
نوره :مابغى
بهاج :اففف شكل لك تصرف ثاني!
نوره بعناد:قلت مابغى !
بهاج سكتت وتقدم لها وبيده البلوفر ولبسها غصب عنها
نوره: بهاج وجعع قلت مابغى
بهاج:وانا قلت تلبسينه!
نوره:حركاتك متى تبطلها؟
بهاج فطس ضحك على البلوفر الي على نوره كبيررر مره :بعدين بسألك مو انتي تخافين من البر ليش هالبر هاذا ماخفتي ؟
نوره: لا في فرق بين البر العادي والبرالممطور الممطور عادي اجيه لانه فيه مطر يعني بأختصار ماتغرز السياره وتموت
بهاج بصدمه:نوره!
نوره:هلا
بهاج :وين شعرك راح ؟
نوره:قصيته
بهاج :ليششش؟بس الصراحه احلى عليك القصير ههههه
نوره :ترى باقي زعلانه منك !
بهاج:وكيف تبيني اراضيك؟وين تبين اوديك عشان ترضين ولا وش الهديه الي بخاطرك !
نوره قعدت تناظر السياره:ماشاء الله مبروك السياره الجديده
بهاج ببتسامه:الله يبارك فيك
نوره قعدت تناظر السياره وبهاج خايف نوره تسطي على السياره!
نوره:اذا تبيني ارضى عليك علمني السواقه
بهاج براحه :بس هاذا طلبك الحين ناخذ ددسن جدي نعلمك عليها
نوره:لا مابغى ددسن ابغى سيارتك هاذي
بهاج:نوره تكفين جديده لاتخربينها
نوره بعناد:مالي دخل ابغى اسوقها ولابزعل بسافر مره ثانيه
بهاج بقله حيله: اركبي نعلمك عليها،اللهم اني استودعتك سيارتي
نوره بفرحهه ركبت مكان السواق وبهاج جنبها
بهاج :اول شي حطي كذا وكذا وبدا يعلمها وهي تطبق
نوره بفرحه:الله السواقه حلوههههه ههههههه
بهاج بخوف على سيارته:نوره هدي هدي الشجره الشجره قدامك
نوره : بهاج تخاف علي ولا على السياره
بهاج:طبعآ السياره
نوره بصدمه داست على البريك وكلهم على القزاز بس مانكسر شي
بهاج :نوره وش هالسواقه الفاشله يالغشيمه !
نوره :انا غشيمه؟! اجل انت كمل سواقه انا زعلت
ونزلت نوره
بهاج براحه انها ماعاد تبي تسوق: اي احسن لي ولك
نوره ركبت ورا
بهاج التفت عليه :لا والله ليش راكبه ورا؟
نوره ساكتهه
بهاج نزل ونزل نوره وحطها بجمبه وكملو مشي
نوره:لاعاد تكلمني
بهاج كاتم الضحكه:لاتكفين على اساس ميت على سوالفك
نوره بطرف عين:طلع طلع الضحكه المكتومه
بهاج:لامافي شي مك ههههههههههههههههههههه
نوره بضحكه خفيف:حتى مامداك تكمل كلامك هههه
ورجعو وبهاج مسك نوره وقالها:ياويلك وياسواد ليلك ان شلتي البلوفر !!
نوره بتسليك :ايه ايه ان شاء الله
بهاج:ترى في مراقبين موظفهم داخل انتبهي
نوره ابتسمت بورطه
وراح بهاج للرجال
__________________________
(مخيم الرجال)
رجع بهاج للمخيم مالقى الاخاله زيد: زيد وين العيال؟
زيد :مدري عنهم رحت ل اختي ورجعت مالقيتهم
بهاج:اجل قم نطلع نبعد عن المخيم ناخذ لنا سجه
زيد وهي يدور الفرصه هاذي عشان يعلم بهاج كيف يكسب قلب نوره:يلا
وراحو بدون سيارات ابعدو عن المخيم وجلسو ومعم براد شاهي وعود ومتلطمين ولابسن فرواتهم
زيد :بهاج انا ادور فرصه اقابلك لحالك واخير لقينا هالفرصه
بهاج:اسلم
زيد:بهاج اسمع اذا تبي نوره
بهاج عدل جلسته دام الدعوى فيها نوره
زيد: نوره عنيدههه ومحد يتحداها بالعناد فا اذا شفتها تعاندك كثير فهي تحبك اما اذا شفتها بارده معك ف تراها تعتبرك اخوها
بهاج تنهد براحه لان نوره تعانده كثير
زيد: ويابهاج واهم نقطه هاذي خلك حنون معها هي المسكينه ماجربت حنان الام والاب ف خلك الام والاب لها انتبه تزعلها ثالث نقطه ترى اذا زعلت من شخص او اذاها بتسامحه لكن مستحيللل ترجع مكانته زي اول وخلك سند لها ولاتعاندها كثير ولاترفع ظغطها ولاتجننها وانا لاحظت انك مجننها كثير ومطلع لها قرون ههههههه
بهاج :ههههههههههه ابشر ماطلبت شي اهم شي انها تعاندني ارتحت
زيد:والله ياانك طايح على وجهك ههههه
بهاج: اشهد بالله انها وقعتني بالحب وانا ماداني الحب هههه
وكملو سهرتهم يشربون شاهي ويسمعون خالد عبدالرحمن ويدندنون
__________________________
(مخيم الحريم) المغرب
عند نوره الي نزلها بهاج واختفى عن انظارها ودخلت للمخيم ولقت غدير قدامها
قالت بعتاب:ليش ماعلمتيني ان بهاج بيجي؟
غدير:ماقلت له شي رحت ورجعت مالقيتك هههههههه
نوره :ايه واضح
غدير:معلينا من هاذا علينا من البلوفر الي عليك ارسلي بهاج لاتشيلين البلوفر  ولاترى بعلمه عليك
نوره:خلصنا من بهاج جتنا اخته ههههههههههههه
غدير:هههههههه يلا البنات ينادون
وراحو للبنات
نجلاء وهي تشرح سالفه من كيسها بحماس :وبس هاذي السالفه الصدق اني كثرت بهارات على السالفه ههههههههههههه
البنات:ههههههههههههههه
نجلاء التفتت لنوره:اوهه بنات طير الحب موجود عندنا
نوره:وجعع نجلوه وش طير حب بعد
وداد:اجل وين اختفيتي مارحتي مع بهاج 
غمزت الهنوف : اكيد ياحبيبتي بتروح معه شهر مختفيه اكيد اشتاق الاخ
غدير:حقيقه١٠٠٪؜
نوره :هوب هوب بس سدو حلوقكم بس تحشون بالناس هههههههه
سهام: عيني على الي تغار على الحبيب
نوره بنص عين :سهاموه
البنات :هههههههههه
نجلاء قامت :بنات امشو نطلع نسولف برا !
نوره:قدام
الهنوف بمزح:تبي تطلع تكحل عينها اذا شافت بهاج
نوره هبدت الهنوف بعلبه الببسي الفاضيه: البخي
غدير:ههههههه حتى كلام بهاج نوره تتكلم زيه
سهام:ايهههه تغيرنا هههههههه
نجلاء:بنات الي اتذكره نوره ماكانت لابسه بلوفر شصار؟
غدير:وبزيدكم من الشعر بيت بهاج مرسل لي لا تشيل البلوفر تخيلو ههههههه
نوره :خلاصصص
وداد:غيوووووره هههههههه
نجلاء حضنت نوره :خلاص جدولنا عليها ارحمو طير الحب ههههه
نوره دفت نجلاء بخفه وقامت وقالت بمزح:برجع مع خالي زيد!
ترددت اصوات البنات الي تقول: لاخلاص نمزح - هههههههههههه -
نوره الشخوصي- واي واي الغيره تطلع من عيونها هههههههه
وقامو بعد ماجدولو على نوره وخذو فصفص وشاهي وطلعو برا المخيم
__________________________
(مخيم الرجال)
رجع الكل للخيمه
وكلعاده بلوت شاهي و سوالف !
بهاج نقز بحماس: فزتتت عليك يالمخفه ههههههههه (يقصد رائد)
ابو نايف :والله يابو عبدالله لو تقول لي بهاج متزوج ماصدق بالله هاذي حركات متزوج هههههههههههه
ابو عبدالله: وشلون لو بعد نقول متزوج ثنتين ههههه
ابو رائد:محد بيصدق انه متزوج ثنتين بعد ههههههههه
ابو احمد:ايه بالله حركات ورع ههههههههه
بهاج كان رامي اذنه عندهم يتسمع سوالفهم هههههه
بهاج التفت لعمه:افاااا ياعمي انا حركات ورع (ابو احمد مو عمه لكن زوجه ابو احمد تصير عمته احترام له يسميه عمي)
ابو احمد:هههههههههههههه
ابوعبدالله: ياعيال عمتكم ام احمد تبي تسلم عليكم
العيال :ابشر
وراحو ل قسم الحريم
__________________________
(جلسه البنات)
البنات جالسين جلسه على شكل دائره وبينهم حلا وقهوه وفصفص وشاهي
نجلاء:بنات كأن هاذي صنادح احمد اخوي
الهنوف :الا هاذا اخوي نايف بعد
غدير :كأني اشوف اخواني وعيال عمي
وداد :تغطو تغطو
البنات مامعهم الا شرشفين (الشرشف الاحمر اتمنى فهمتو)
نوره رمت نفسها بين البنات :انتم تغطو والي ماتقدر تنسدح جنبي
والي تغطى بالشرشف سهام والهنوف ووداد بشرشف الثاني ووئام وهيام وغدير  ونوره ونجلاء منسدحات والبنات جالسات على نوره ونجلاء
__________________________
(العيال)
رائد :يعيال تشوفون الي انا اشوفه؟
نايف :البنات وشفيهم جالسين هنا بالبرد
بهاج بطقطقه:يعيال كأنهم اسطوانات غاز برتقاليه هههههههه
رائد:ههههههههههههههههه
نايف:صادق على هالشراشف كأنهم صدق اسطوانات غاز ههههههه
ورجعو المخيم
__________________________
(البنات)
نوره وهي تحت البنات:بناتت قومو بموتت ذبحتوني
نجلاء:بناتت قومو تكسرت اعظاميي
الهنوف:بنات هههههههه نوره ونجلاء تحتنا
قامو البنات وقومو نجلاء ونوره
نوره قامت تنفض التراب عنها :بنات بغيت القط انفاسي الاخيرهه
نجلاء مسكت صدرها :بنات الله يسامحكم احس ضلوعي تكسرت
غدير:بناتت هههههههههه
وداد :غدير نقاله علوم ماضحكتت الاعندها علم
غدير:بنات بهاج يقول اشكالكم كأنكم اسطوانات غاز ههههههههه بس قال لاتعلمين احد بس ماقدرت لازم اقولكم
نوره: عز الله نقال علوم ثقه
نجلاء:نوره امسكي زوجك لااسطره
نوره:هذيكي الخيمه خوذي راحتك
سهام:البنت مافيها غيره
هيام:لاحبيبي بهاج لاتجونه!
نوره ناظرت لهيام بضحكه مكتومه وسكتت
__________________________
انتهى البارت
(رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
النجمه تدعم الروايه✨