سبحان الله وبحمده سبحان الله العظيم ♡
~ بارت ٥٣ نازل بس مو طالع لكم تأكدو انكم قريتوه عشان الاحداث ~
(الـديـره - بـيـت ام ســحـاب )
نوره: جديده وين بتروحين؟
ام سحاب: بنهج لـ امي تبين تنهجين معي؟ (بنهج= بروح )
نوره: لا بعزم البنات
ام سحاب : الي ودتس يابنيتي
نوره ابتسمت وام سحاب راحت ونوره اتصلت على صيته تجي
صيته: جيتت والله ماوفر
نوره : حياك الله
ودقايق وجت صيته: السلام عليكم
نوره: صيوت اسمعي تبينا نعزم البنات؟
صيته: اي بنات؟
نوره: بنات عم بهيج نجلاء والشله
صيته: ايي حياهم الله ماقد جو لازم نسربت بهم
نوره: ايي لازم نسربت يمين ويسار ولازم نعيد مزرعه الفراوله !
صيته: يوهه ياني تلزخت من محمد ذيك الليله لين قلت امين يا ان العامل حيوان جاء لبيتنا
نوره: اشين منك انا قال لبهاج وتهاوشنا
صيته بضحكه: هو شي جديد؟ كل يوم متهاوشين هههههههههه
نوره ابتسمت واتصلت على البنات وقفلت الخط
صيته: بشريي من بيجي ؟
نوره: غدير و ونجلاء والباقي تعبان والي بيجيبهم رائد مالقو احد يجيبهم ووداد بتجي مع رائد بتسلم علينا وترجع
صيته غمزت: نجول ورئود
نوره: ايييي لازم نضبطهم !
صيته: ازهلييي
نوره:يلا امشي نسوي حلا
صيته : يلا
واتجهو للمطبخ يسوون حلا .
________________________
(الـفـنـدق )
ريف نايمه بالارض بتعب بعد ماالعن خيرها من سعود وسعود ماجاء من بعد مافرغ طاقته عليها
دخل سعود الفندق وشافها نايمه بالارض بألم وتعب وكانت تون : بنت
ريف فزت بخوف : هلا
سعود : ابوك اتصل علي اليوم
ريف بخوف : وش قال
سعود : وش يعني متوقعه انه يتشرف يكون عنده بنت زيك ؟
نزلت دمعه ريف الحاره على خدها
سعود رمى الميكب عليها : اسمعي جبت كل شي عشان يغطى جروحك
ريف بغصه : ليش
سعود بحده : اهلك مسوين حفله بسيطه لك انتي واختك مع انكم ماتستحقون
خذت ريف الميكب واتجهت لتسريحه وحطت الكونسيلر ودموعها تنزل والكونسيلر يسيل من الدموع وكل ماتغطى الجروح تكشر بألم وسعود متكي يطقطق بجواله وماهي هامته وخلصت بعد محاولات من منع الدموع طلعت لـ سعود وقالت بصوت مرتجف : خلصت
تقدم سعود ومسك فكها بقوه ويلفه يمين ويسار يتأكد ان كل الجروح والكدمات متغطيه : حلو شوفي جبت لك فستان البسيه ودموعك لاتنزل اكسر راسك
هزت ريف راسها برضى ولبست الفستان الاشبه بالقميص ماكان فيه تفاصيل كان ابيض ساده دمعت وقالت بهمس : كفن موب فستان
سعود : مابي اسمع صوتك!
سكتت ريف
________________________
(بـيـت بـهـاج )
قام من النوم ويتمنى ان حياته حلم وانه ماتزوج ويدعي ليل نهار ان نوره ماتدري بزواجه
تنهد من شاف رساله ابو رهف: ارحب يالنسيب ابد والله مسوين حفله صغيره لزواج بناتي اتمنى حضورك انت وبنتي رهف
رد بهاج: سم ابشر
وقام بضيق ولبس وطلع ومتجهه للفندق وطق الباب
رهف : ادخل
بهاج : ابوك مسوي حفله صغيره لك ويبك تحضرين محتاجه السوق ؟
رهف : لا مابي شي منك اتمنى تنشغل بزوجتك لاني احسها طيبه بزياده لانها رضت !
بهاج ابتسم من طاريها : اهخخ لو تعرفينها
رهف : ياويلك من ربي دامها طيبه ليش تتزوج عليها وربي حرام عليك
بهاج : والله يااختي الضروف حدتنا
رهف : اتمنى تبعد عنها لانها ماتستاهلك انت نسونجيي!
بهاج بعصبيه : عضي على شحمه يالرخيصه
رهف: الرخيصه مين ياروح امك مو كثر رخص زوجتك !
بهاج ماتحمل اسأتها لـ نوره وتقدم بعصبيه وشد شعر رهف : مااسمح لك تغلطين عليها !
رهف دفت بهاج : وجعع!
بهاج: تجهزيي بسرعه بقلعك عند اهلك
رهف : ابركها من ساعه
بهاج بعصبيه : دقي علي اذا خلصتي !
وطلع بعصبيه
رهف : مستفز وعع الله يعينك ي زوجته
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
