سبحان الله وبحمده سبحان الله العظيم ♡
(الـمـستـشـفـى )
دخلو الطاقم الطبي قدام عيون نوره الي بهاج ماسكها عشان ماتدخل وتشوف جدتها بحال لايرثى له
نوره بدموع وغصه : بهاج تكفى اتركنيي
بهاج حضنها بقوه عشان ماتروح هو ماقصده يحرمها بس خايف عليها : تكفين لاتعذبيني يانوره بدموعك
نوره ضربت صدر بهاج ببكى : لاتحرمني من جدتي اتركنيي
بهاج سكتت وشد عليها الحضن
نوره : بهاج تكفىى
بهاج بنفاذ صبر من عنادها : بنت انتي وين يدخلونك وهم بطوارى ! ماراح يدخلونك لاتجهدين نفسك على قل سنع اجلسي واهجدي زي البنت المؤدبه ترى ببطنك ورع لاتبكين ترى ماهو حاصل الا كل خير بس انك تكبرين المواضيع الله المستعان اهجدي لااهجدك غصب
ناظرته نوره وسكتت وسحبها بهاج وجلسها على الكراسي ووقف ينتظر خبر من الدكاتره ونطق : تقوم بالسلامه ولاتتعبين نفسك
نوره نزلت راسها وحطت يدينها على وجهها وبكت ونطقت بوسط بكائها
: لاتقسى عليي مو بيدي ابكي واخاف على جدتي لاتهاوشني عشاني ابكي على جدتي لاتهاوشنيي ، بهاج هاذي جدتي جدتي وامي بهاج ربتني على يدها رغم كبر سنها ورغم صعوبه العيش ورغم كل شي
بهاج عض على شفايفه بضيق وتقدم وجلس جنبها وضم كتوفها
نوره حطت راسها على كتفه بتعب واكملت كلامها بغصه : كانت واقفه معيي وربتني احسن تربيه وتحملت اذيه عمامي وتحملت كل شي عشانيي خلني ابكيي عليها خلني لاتمنعوني من اقصى شي اسويه خلني ابكي ياربها تطلع غصتي
بهاج : يانوره مااقصد لاتبكين لا ابكي من حقك تبكين ولا احد يمنعك بس انتي
قاطعته نوره بدموع : بس وش يابهاج ؟
تنهد بهاج ونطق : بس انتي تتعبين نفسك وتجهدينها وكلنا ندري ان خالتي بتقوم بالسلامه ان شاء الله !
تنهدت نوره وسكتت وصد بهاج عنها يمنع ضيقته عنها صحيح كان متضايق عشان ام سحاب بس كان مايقدر يضيق ويطيح عشان نوره ،
نوره منهاره من يساندها اذا بهاج طاح؟ من لها غير بهاج وجدتها بهالدنيا؟
رفع راسه بهاج على جيه امه وابوه وقام
ام عبدالله بخوف : وينها وخيتي ؟
ابو عبدالله : طمنا يابهاج طمنا
بهاج : ماحصل الا كل خير بس اشعه خفيفه وتطلع ان شاء الله خفايف بأذن الله مافيها الا العافيه
كان مضطر يكذب على امه عشان ماتخاف وكمل ونطق بهمس : ونوره منهاره ماقدرت اسيطر عليها
تنهدت ام عبدالله : طيب وينها وخيتي ؟
بهاج : داخل شوي وتطلع
ابو عبدالله طاحت عينه على نوره وتقدم وجلس جنبها وضمها بحنان : يانور عيني انتي وش فيك عسى ماصار لك شي
نوره نزلت راسها ومسحت دموعها : ابغى جدتي مابغى احد غيرها
ابو عبدالله مسح عليها : بتقوم جدتك صدقيني وانا في يقين تام انها بتقوم على رجولها وتسلم عليك
وغمز ونطق: وعلامك ماتبين بهاج ؟
نوره ابتسمت ونطقت : الا ابغاه بس الحين ابغى جدتيي
ضحك ابو عبدالله وناظر بهاج الي يهدي امه
_________________
(بـيـت ابـو رائـد )
رائد واقف قدام امه وابوه ووداد ونطق بعصبيه : يبه قلت ابيها!
ابو رائد : والنعم فيها بس البنت عادها صغيره!
رائد بنفاذ صبر : صغيره ولا كبيره انا ابيهاا بخشم الريال
ام رائد : ياولد استهدي بالله انت صغير وتوك على الزواج وهي صغيره بعد
وداد بتردد : ياخوي انت بس البنت ماتشوفك الا اخ لها
رائد بعصبيه : ابيها يعني ابيها ، تبيني ولا ماتبيني مايهمني انا ابيها!
ابو رائد : وشلون تبي تزوج البنت وانت لاوظيفه ولا بيت؟! فهمني
رائد : ماهو مهمه الوضيفه حالياً ابيها احجزها !
ام رائد : وكيف بتعيش البنت وانت ماتوظفت والبنت عاشت برفاهيه ؟
رائد : وظيفه بتوظف وادرس بنفس الوقت لاتخافونن !
وداد : وانت وش دراك انها تبيك ؟
رائد رمى شماغه بالارض ونطق بعصبيه: خلاصص قلت ابيها !
وطلع بعصبيه
ام رائد : الله يهديه ملزم يتزوج وهو لاوظيفه ولا شي
ابو رائد : والله ماقدر افرط ببنت اختى حرام تاخذ واحد لاوظيفه ولا شي خل يأسس نفسه ويبشر فيها كانه يبيها صدق ولا هو بمرحله طيش
وداد : بعيداً عن كل شي هو انتم مستوعبين انه يبيها وانتم رافضين طيب شايفين رايي نجول عنه؟ تعتبره اخوهاا هي بلسانها قد قالت لي
ام رائد: الله يصلحه ويهديه وويفقه
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
