"အားးးးး"
"အားးးး"
ပြိုင်တူအော်သံသည်တစ်ချိန်တည်း တစ်နေရာတည်းမှာ အိမ်ကြီးထဲကျယ်ကျယ်လောင်လောင်...။
သူ့အိမ်ထဲမှာ သူမသိသော တစိမ်းယောင်္ကျားတစ်ယောက်ကိုတွေ့၍ လန့်ဖြန့်ကာ အော်ဟစ်လိုက်ပေမယ့် ထိုလူကလည်းသူ့အားပြန်လန့်ကာ အော်ဟစ်ပုံကဆန်းဆန်းပြားပြား...။သူခိုးကလူပြန်ဟစ်တယ်ဆိုတာဒါမျိုးလား...။
သူစိမ်းဟာ ပိန်ပိန်ပါးပါးဖြူဖြူရော်ရော်လေးဖြစ်ကာ သူနဲ့မတိမ်းမယိမ်းအရပ်ကလေးအနည်းငယ်မြင့်သည်။မျက်ဝန်းကြီးကြီးတွေနဲ့ သူကြည့်သလိုပြန်ကြည့်နေပုံက သူ့ထက်ပို၍ပင် လန့်နေသလို။
"ဖြန်းးးး"
မူးနေတာမို့ အမှန်လား အမှားလားမသဲကွဲ...။ထိုလူ့ရင်ဘတ်အား စမ်းစစ်ရန်ရိုက်ပစ်လိုက်သည်မှာ အသံတောင်ထွက်သည်အထိ။
"နာတယ် သူများအသားနုနုလေးကို"
သူရိုက်လိုက်၍ ငိုမဲ့မဲ့မျက်နှာလေးဖြင့် ရန်တွေ့သလို ငြူငြူစူစူလေးအော်သည်။သူများအိမ်ထဲလည်းခိုးဝင်သေးတယ်။သူကတပြန်စိတ်ကောက်နေသေးသည်။ဘာလေးလဲဟ...။
"နေပါအုံး ဒါ ငါ့အင်္ကျီမှတ်လား ပြန်ပေး!"
ရှားရှားပါးပါး Min PD ပေးထားသောတစ်ခုတည်းသောလက်ဆောင် သိုးမွှေးအဖြူရောင်အင်္ကျီလေးအား ထိုလူစိမ်းကဝတ်ထားတာမို့ သူစိတ်ထဲဘာမှမမြင်တော့စွာ အင်္ကျီလေးအားအတင်းဆွဲကာ ပြန်တောင်းသည်။မူးနေရင် ပလပ်ကျွတ်တာမို့ အင်္ကျီပြန်ရရေး ဒို့အရေး ပဲ။
"ပြန်ပေးလို့ရဘူးလေ Koo အင်္ကျီမရှိဘူး"
"မရှိရင် မဝတ်နဲ့ ပြန်ပေး သူခိုးလေး!!"
"သူခိုးမဟုတ်ဘူး ခဏ.. ခဏငှားဝတ်တာ"
နှုတ်ခမ်းပါးလေးတွေတစ်ထော်ထော်နဲ့ သူ့အားမျက်လုံးလေးတွေပါပြူးကာရန်တွေ့သည်။နေပါအုံး ဒီမျက်လုံးတွေကို ရင်းနှီးနေပါတယ်။ဘယ်နေရာမှာပါလိမ့်...။
ထားပါ။ဒီသူစိမ်းဆီ အင်္ကျီမပါသွားဖို့ကအရေးကြီးတယ်။
"မလိုချင်ဘူး ခုချွတ်"
YOU ARE READING
♡You're Mine„ Bunny♡
Fanfiction...ယုန်လေး၏မုန်လာဥဖြစ်သွားခြင်း... ♡start - May 5 2022♡
