School Trip

LESSON 16- I Saw Her

"HINDI ko nagustuhan ang nadiskubre ko tungkol sa grupo niyo Bridgette." Seryoso ang mukha ni Teacher Noah ng harapin niya ang klase niya ng araw na ito. "Inatake ng grabeng asthma si Matthew dahil sa paninigarilyo! At anong ginagawa niyo sa rooftop sa oras ng klase?"

Natahimik ang lahat. Walang nais sumagot sa tanong niya na iyon.

"Kung sino man sa inyo ang mahuli kong naninigarilyo lalo na sa loob ng school...Pasensiyahan tayo pero hindi ko kayo papayagang maka-graduate sa March!" Pagtatapos ni Teacher Noah.

KALALABAS lang ni Bridgette sa banyo. Katatapos lang kasi niyang magshower dahil sa papatulog na siya. Nakita niya ang nakabukas niyang laptop sa ibabaw ng kanyang kama. Papatayin na sana niya iyon ng biglang may nagsend ng video call request sa kanya. Si Charina.

Inaccept niya iyon.

"Bakit Charina?" Tinatamad niyang bungad.

"Wala lang. You know. Girls chat muna tayo before matulog."

Bumuntung-hininga si Bridgette. "I don't have time for this!"

"K.J. mo talaga!"

Magpapaalam na sana siya kay Charina ng may mapansin si Bridgette sa video ng kanyang kaibigan. "Charina...May kasama kaba sa kwarto mo?" Paano kasi ay may nakikita siyang anino ng isang tao sa likuran ni Charina.

"Wala ah. Why?"

"M-may...Oh! Never mind. Sige na...I have to go na!" Pagtataboy niya.

"Wait Bridgette..."

"Ano na naman?" Iritado na siya.

"S-sino iyong babaeng nasa likuran mo?"

Nakaramdam siya ng kilabot sa sinabi ni Charina. Mag-isa lang siya sa kwartong iyon kaya papaanong magkakaroon ng babae roon?

"A-anong hitsura niya?" Takot na tanong niya. Ayaw niyang tumingin sa likuran niya o makita ang sarili sa computer kaya mabilis niyang ipinikit ang kanyang mga mata.

"Nakakatakot siya Bridgette. Puro dugo ang kanyang katawan at..."

"Oh my God!" Sigaw niya dahil ayaw na niyang marinig pa ang mga susunod na sasabihin ni Charina. Natigilan lamang siya ng marinig niya ang pagtawa ni Charina. Iminulat niya ang mga mata. "Why are you laughing?"

"I'm just joking Bridgette! You are such a scardey-cat!"

Tila umakyat lahat ng dugo ni Bridgette sa kanyang ulo ng malaman na niloloko lang siya ni Charina. "Fuck you!" Sabay nag dirty finger siya. Sabay sign-out at inis na inis na natulog.

"SHOCKS!" Kitang-kita ni Bridgette ang pagkagulat sa mukha ni Charina ng bigla na lamang niya itong sabuyan ng pineapple juice sa mukha. Nagtatakang tinignan siya nito. "Bakit mo ako binasa?!"

"Dapat lang iyan sa iyo bitch! Tinakot mo ako kagabi!" At parang wala lang na naupo si Bridgette. Nasa canteen sila noon at kumakain.

Ganoon ang katayuan ni Bridgette sa grupo nila. Kahit anong gawin niya sa mga ito ay hindi pumapalag ang mga ito. Takot lang ng mga ito sa kanya!