بسم الله اللهم اجعلها بداية خير "المعسّكر عند بطلنا ذياب :
ذياب : كم باقي على المهمة وتخلص ؟
ضيدان صديقه : افا ياذياب لأيكون تعبت
ذياب : لا والله مابه من تعب بس ماكأنها طولت ؟
ضيدان : اي والله طولت بس ماعليك بكره تخلص
ذياب : الحمد لله ابي أشوف اهلي مبطي منهم
دخل رئيس الرقباء دقّوا تحية بشكل مُهيب وفخم
رئيس الرقباء : استريح ياعسكر بتخلص المهمه بكره الحين ذياب عندك تدريب اكثر من 30 ألف عسكري
ذياب : سمّ بطويل العمر
رئيس الرقباء : شدّ عليهم بذياب دربهم زين خلك عند الهقوه
ذياب : لاتوصي حريص طال عمرك
خرج رئيس الرقباء
ذياب بحدة : والله ماكان لي خلق وكل ماشافني عطاني تدريب وشدعوة !
ضيدان : يثق فيك يابو حمد
ذياب : ياشيخ امحق ثقةبيت ابو محمد بالديرة :
ام محمد : يالجود قولي ل عزيز يجيب خبز
الجود : سمّي يمه الحين بقوله
بالمقلط عند العيال
الجود : شرفت لكم احلى وحده بالدنيا
صقر : هلا والله ياجودي
الجود : ياصقر والله احبك انت غير عندي
صقر : يامال العافية يبنتي تعالي هنيّا بجنبي
جلست بجنبه
الجود : عزيّيز
عزيز بحده : الف مره قلت لاتناديني كذا !
الجود : اقول لايكثر امي تقول جب خبز يالله
عزيز : عيال تخاووني ؟
صقر وسلطان : تم يالله
الجود : خير وانا اجلس لوحدي !
سلطان بحدة : اقول روحي ساعدي امي بالفطور
صقر : سلطان حدك على بنتيبيت راشد بالرياض عند بطلتنا :
ام فهد : يا آلماس قومي وراتس جامعة
آلماس بنوم : يمه ريناد مابتداوم ؟
ام فهد : تقول بتغيب وبعدين هي ثانوي وانتِ جامعه
آلماس : يمه مابي أداوم الله يخليتس شغلي المكيف
ام فهد : بيعطونتس حرمان يبنتي
آلماس : يلا قومت
قامت بطلتنا الجميلة تسبحت ولبست عبايتها ونقابها أخذت نظارتها الشمسية وحطت مسكارا وطلعت
آلماس : صباح الخير
ابو فهد : صباح النور يبنتي
فهد : نمشي يالمو ؟
آلماس : ايه جاهزة يلا
بسيارة فهد :
آلماس : مر كوفي ابي قهوة
فهد : من عيوني تطلبين واقول لا ؟
آلماس : يقلبي والله
فهد : وش تبين ؟
آلماس : آيس كوفي
فهد عطاها قهوتها ومشوا متجهين لجامعة الملك سعود جامعة آلماس
فهد : بكره بتأجزون انتي وريناد صح ؟
آلماس بفرحه : ايه ليش سألت ؟
فهد : بنروح الديرة بعد بكره جدي دق على أبوي ولزم نجي
آلماس بزعل : اما عاد مالي نفس ابد
نزلت جامعتها بدلت عبايتها من الأسود للبيج توب فيس أخذت أيبادها ودخلت الكلاس
الدكتورة : دنتي تأخرتي أوي يآلماس
آلماس : المعذرة كانت زحمة ممكن ادخل ؟
الدكتورة : أكيد تفضليبيت خالد عند البنات :
آمال : نسرين قومي ماتبين نروح عند الجود ؟
نسرين : يالله تبين نروح من الصباح خليني انام ونروح بالعصر
آمال : والله انتس سامجه طفشت لوحدي
نسرين : خلاص روحي لوحدتس
آمال : بروح اطلب أبوي
بالحوش عند ابو أصايل :
آمال بحزن : يبه عادي اروح للجود ؟
ابو أصايل : انسي تروحين لوحدتس
آمال : مير يبه نسرين راقده
ام أصايل : خلاص روحي مع ابوتس
ابو أصايل : هيا البسي عباتس وامشي
آمال : سمّ يبه
بالحارة عند الثلاثي :
عزيز : ياخي نبي فعاليات طفش
صقر : عيال تدرون متى يجون عمي راشد ؟
سلطان : سمعت جدي يكلمه وقال بعد بكره
عزيز : ليش سألت غريبه ياصقيّر؟
صقر بتوتر : لا بس واحشني فهد
سلطان : والله وطول ذياب بالمهمة ذي ولا ؟
صقر بزعل : والله وفاقده عضيدي يرجع بالسلامه
عزيز : عيال شوفوا عمي خالد وبنته
ابو أصايل : ياعزيز
عزيز ركض عنده : لبيه ياعم
ابو أصايل بابتسامه : لبيت حاج ياولدي ، خذ آمال وودها عند أختك الجود بروح للسوق أنا
YOU ARE READING
الله ياغرامٍ اعذّب من قصيَد
Poetryالكاتبة ألين انتِ دليل الشعر لا حَل هوجاس أحيان أصب الشعر وأحيان أصبّتس شوفتس يشد العين ويشدّ الأنفاس مفتون منهو ذاق جرحتس وطبتس الياس ما يدخلتس والقد ميّاس يالمايس اللي كل ما ضقت أذبّتس أحيان أحبتس مثل ما تفعل الناس وأحيان لا والله "...