عزيز ناظر آمال وشافها بالبرقع وابتسم : من عيوني ياعمي
مشى ابو أصايل وراحت آمال مع عزيز
عزيز بحده : امشي قدامي
آمال ومحاجرها امتلت دموع : طيب لا تعصب
عزيز شاف عيونها وابتسم : غريبه نسرين ماجات معتس
آمال بزعل : مالك دخل
عزيز بابتسامة : افا زعلتي علي يابنت العم ؟
وصلها للبيت ومشت بتروح ناداها
عزيز : آمال
آمال : خير !
عزيز : حقتس علي يابنت العم بس خفت عليتس وعشان تسذا عصبت
مشت آمال وسحبت عليه
الجود : آمالي ارحبي يالله تحييها
آمال بزعل : البقى يعيوني
الجود : افا شفيتس زعلانه ؟
آمال : اخوتس ذا يقهر
الجود بضحكه : خليني اخمن عزيز صح ؟
آمال ضحكت معها : ايه
عند نسرين قامت من النوم وشافت مافي احد بالبيت لبست عباتها وطلت تروح عند الجود وأختها مشت لحالها وهو يحترق غيره عليها من شاف عيون الرجاجيل عليها
سلطان بحدة : خير ياطير طلعه لوحدتس ؟!
نسرين بصراخ : مالك دخل لتكون أبوي وانا مادري
سلطان بعصبيه مسك معصمها من فوق العباه وقربها منه
سلطان : لا تصارخين بوه رجال هنيّا ماتشوفين
نسرين بكت وقالت بحده : أكرهك والله أكرهك فك يدي وجعتني يالحقير
سلطان شاف دموع عيونها وهدى شوي وفك معصمها : وينتس رايحه طيب ؟
نسرين بزعل ومنزله رأسها : بيتكم عند جودي
سلطان بابتسامه : وحتى وانتي زعلانه حلوه
نسرين بحده : وجع شفيك انت !
سلطان : امشي أنا بوصلتس
نسرين : مابروح معك
سلطان بضحكة : شوفي ابوتس هناك
نسرين بخوف : يمه وينه
مشت معه وتمسكت بطرف ثوبه شاف يدها الصغيره على ثوبه وابتسم
المعسّكر عند بطلنا ذياب :
ضيدان : ابتدأ التدريب ياطويل العمر
ذياب : يالله توكلنا على الله
مشوا وقف على التّبه العاليه وشاف كثير رجال دقوا تحيه للي اعلى منهم بالرتب اللي هو ذياب
ذياب بحده وصراخ : استرح ياعسكر يالله 300 بوشب
ضيدان بصدمه : كثير ياطويل العمر
ذياب بحده : اسكت انت لاخليك معهم الحين
ضيدان : سمّ
بدوا العسكر بالبوشب خلصوا 300 بتعب وإرهاق
ذياب : استرح ياعسكر
مشى ذياب يجهز اغراضه متوجه إلى الديره بنجد
رئيس الرقباء : تفضل
ذياب : طويل العمر أنا ماشي توصي ؟
رئيس الرقباء بابتسامة : توكل على الله ياذياب
دق تحيه وطلع ركب الوانيت القديم حقه هو عنده فلوس تعيش بلد بس بدّوي لازم يثبت مسك خط وقال شاعرنا بصوته الفخم :
على طاري الأحباب من وين لي أحباب
و أنا العاقل اللي ينتظر مكرمة طيشهإذا غايتك قلبي تبسّم و فكّ الباب
تراني فقير أحباب .. و أدوّر العيشة
—————————————————وصل الديره وقال بصوته العالي والفخم :
يأهل الديار جاكم ذياب
الجد محمد بابتسامه ويحب ذياب وجداً : ارحب يابعد كل العرب
مشى ذياب يسلم على جده وقال : البقى يالغالي
وسلم على أبوه وأخوه الكبير محمد وصل عند صقر وقال : هلا باللي واحشني هلا بالعضّيد
صقر بابتسامه حضنه : ارحب يالعضيّد ارحب
مشى وراح عند سلطان : هلا والله ياخوي
ذياب : هلا فيك ياحبيبي
عزيز : ارحب يالحب
ذياب : البقى يعين اخوك
الجد محمد : ياذياب روح سلم على امك وأختك وتعال أبيك بكلمة راس
ذياب بهمس لصقر : وش يبي تتوقع !
صقر : والله ماعلم
ذياب بصراخ بالبيت : يالغالية ياجنتي
ام محمد ببكى : ارحب يولدي هلا والله بالغالي
ذياب : وشدعوه ليه البكى يالغاليه
ام محمد : واحشني ياذياب
ذياب بابتسامه : مايوحشتس غالي يالغالية وين جودي ؟
ام محمد : بناديها لك يالجود اخوتس جاء
الجود ركضت وقالت : ذياب ياحبيبي
حضنها ورفعها من على الأرض : وشلونتس ياجويّد ؟
الجود نزلت : بخير ياقلبي
عند بطلتنا آلماس :
آلماس بابتسامة : تدرين ريناد ودي أتزوج شاعر كذا دايم يتغزل فيني ويقولي شعر احس واو !
ريناد بضحكة : خذي ولد عمي ذياب
آلماس بحده : وع شايف نفسه ويكابر هو حلو بس كريهه كانّه جدار كبير
دخلت ام فهد : يابنات ماشين بكره تجهزوا بنروح لديره
YOU ARE READING
الله ياغرامٍ اعذّب من قصيَد
Poetryالكاتبة ألين انتِ دليل الشعر لا حَل هوجاس أحيان أصب الشعر وأحيان أصبّتس شوفتس يشد العين ويشدّ الأنفاس مفتون منهو ذاق جرحتس وطبتس الياس ما يدخلتس والقد ميّاس يالمايس اللي كل ما ضقت أذبّتس أحيان أحبتس مثل ما تفعل الناس وأحيان لا والله "...