Song of The Rebellion

Missing Voice

Cesia's POV

Pumalakpak si Art nang makita sina Ria at Kara na may dalang mga pagkain. Napagdesisyunan naming mag stop by muna dito sa isang fast food chain para kumain.

Nakarating kami sa mortal realms after seven hours ng byahe kaya syempre magugutom kami.

Habang kumakain, nararamdaman ko ang mga titig ng ibang tao. Isa ata sa dahilan ay ang mga buhok nina Ria at Art na talagang nag s-stand out.

"So ono gogowon noton ngoyon?" tanong ni Art na may pagkain pa sa bibig.

"You've seen the picture of the oracle right? We have to look for her in a nursing home." sagot ni Ria.

Dalawang lokasyon lang ang ibinigay nila sa'min. At yun ay ang nursing home na tinutukoy ni Ria at ospital kung saan doktor doon si Seht.

"Kailan nga pala tayo magsisimula?" tanong ko.

Kung hindi ako nagkakamali, dapat bukas. Alam ko kasing pangangalap ng impormasyon ang gagawin namin the first day. Dapat muna naming malaman ang working hours ng nursing home at kung sino ang nagpapatakbo nito.

In short, nakalaan ang unang araw ng misyon para sa background information.

"Tomorrow." ani Kara.

Pagkatapos kumain, bumalik na kami sa sasakyan saka tumungo sa hotel kung saan kami titira sa susunod na mga araw.

Dalawang rooms daw ang meron. Isa para sa boys at isa naman sa girls. Mas mabuti nga kung ganon para di kami mahirapan na deadmahin sila.

Tinulungan kami ng isang staff na siya ring sinundan namin patungo sa room.

Pagbukas ng elevator, bumungad sa'min sina Chase at Seht na kanina pa ata kami hinihintay.

"Ba't ang tagal niyo?" tanong ni Chase nang makalapit sa'min.

Napangiti ako dahil wala kaming narinig na sagot mula sa isa sa'min. Inulit nga ni Chase ang tanong niya pero wala pa rin.

"Teka nga."

Napatigil kami dahil bigla niya kaming hinarangan.

"Sagutin nyo nga ako." nakahalukipkip siya.

Nagbuntong-hininga lamang si Ria. "We stopped by to eat. That's all. Now if you'll excuse us." Tinulak ni Ria ng mahina si Chase saka nagpatuloy sa paglalakad.

Napailing si Kara nang makarating kami sa harap ng pinto. Bago pa kami makapasok, narinig namin si Chase.

"Hindi niyo man lang kami binilhan?"

Natawa ako ng mahina saka sinarado ang pinto. Medyo simple lang ang deal namin na magbigay ng little attention as much as possible sa boys.

Pero nakikita ko na agad kung gaano kalaki ang impact nito sa kanila.

"Tignan niyo oh! May phones tayo! Iihh!!" napatili si Art.

Napanganga ako nang inilibot ko ang aking tingin sa kabuuan ng room na kasinglaki ng isang penthouse.

Saka napadako ang aking tingin sa mesa kung saan nakalatag ang limang cellphones. Kinuha ko yung isa na may nakalagay na pangalan ko sa lockscreen.

"Kailangan ko lang palang  mag enroll sa Olympus Academy para makakuha ng bagong cellphone... galeeeng!" lumiwanag ang mga mata ni Thea.

Naglalaro ako sa bagong phone ko habang nakikinig kay Thea. Tinuturuan niya kasi sina Ria kung paano gamitin yung phones nila.

Biglang may nag pop-up sa screen ko. Nabasa ko ang pangalan ni Ria.