LOVE WITHOUT LIMITS

CHAPTER 27

AUTHOR'S NOTE:

ANG UPDATE KO AY KUNG KELAN KO GUSTO, HINDI KUNG KELAN MO GUSTO. Nood ka muna ng vlogs ko while waiting. Kasi ang sabi-sabi ay kina-crush back 'yong mga nanonood no'n. d--,bv

CHAPTER 27

"MAXWELL..." DAHIL sa halo-halong emosyon ay 'yon lang ang nasambit ko matapos niya ako yayaing magpakasal.

Nakatingin kami ni Maxwell sa isa't isa at wala nang paglagyan ang saya ko, mabasa lamang ang sinseridad sa mga mata niya. Hindi ko napigilan ang sarili kong yakapin siya. Parati na lang ay sinosorpresa niya ako. Iyong ang parating nagsasabi sa 'kin na paulit-ulit kong gagawin ang mga ginawa ko sa nakaraan, kung siya ang kahahantungan.

"In a dining area, Maxwell, really?" 'ayun na naman ang naaasar na tinig ni Maxpein, binabasag ang sandali namin ni Maxwell.

"Ha-ha-ha-ha-ha!" nangibabaw ang mahaba at putol-putol na tawa ni Mokz.

Napanood ko nang marahang pumikit si Maxwell, kasabay no'n ay paghugot niya ng hininga. Marahan niyang pinakawalan ang buntong-hininga saka tiim-bagang na nilingon ang kapatid.

Na noon naman ay hindi talaga matanggap na sa ganoong lugar sinabi ni Maxwell ang ganoong pahayag. Kunot na kunot ang noo ni Maxpein, magkakrus ang kaniyang mga braso at nakasalampak ang pagkakaupo sa silya. Maangas talaga.

"Tinanong lang kung anong gustong kainin, nagyaya ng kasal ang king ina," pabulong na dagdag ni Maxpein.

Pero hindi iyon nakaligtas sa pandinig ni Maxwell. "What's wrong with you, Pein?"

Umangat ang kilay ni Maxpein. "Sa akin, really?" Saka niya inilapit ang mukha sa amin. "Baka sa 'yo? Are you seriously proposing here, right now?"

"I'll propose wherever I want, okay?"

"I'm sure, you will!" naaasar na ani Maxpein. "Bathroom, dining area, I bet balcony's next, huh?"

"Tsh," ngumisi si Maxwell. "Trust me, buong mundo sasagot ng oo kapag nag-propose ako sa girlfriend ko." Sinulyapan niya 'ko.

Mas maangas ang ngisi ni Maxpein. "Paoohin mo muna ang girlfriend mo, bago ang buong mundo, virgin!"

"Ya!" nagtaas na ng boses si Maxwell.

"Enough." Tumikhim si Tito More. "Nasa harap tayo ng pagkain."

Awtomatikong sumuko ang magkapatid. "Sorry," sabay rin nilang sabi.

Nilingon ni Tito More ang panganay. "Please don't get me wrong, maji...but are you serious?"

Muling bumuntong-hininga si Maxwell, napapahiya na talaga. "I am not proposing, dad," mariing aniya. "But I want her to marry me."

Ang cute ni Maxwell, hindi niya magawang salubungin ang tingin ninoman. Nakasimangot siya at kunot na kunot ang noo habang nakatungo.

"Maxwell," bumuntong-hininga si Tito More. "Son, it's just...the same." Nasapo ni tito ang noo, na para bang siya ang napapahiya para sa anak.

Maging sina Tita Maze at Mokz ay idinaan na lang sa buntong-hininga ang sitwasyon. Na para bang hindi sila makapaniwalang sa talino ng kanilang panganay ay wala itong kaalam-alam pagdating sa pakikipagrelasyon.

Hindi nakaligtas sa paningin at pandinig namin ang hindi napigilang pagtawa ni Maxpein, kahit anong pilit niyang itago 'yon. Naaasar at natatawa siya kay Maxwell, sigurado 'yon. Nakakatawa rin ang dahilang kinakikitaan niya ng kahihiyan ang pagpapahayag ng kapatid sa mga ganoong lugar. Naisip kong hangad niyang bigyan din ito ng en grande na proposal gaya ng ginawa nito sa kanila ni Deib Lohr.