Boyfriend Corp.

Chapter 25

Chapter 25

"Alam mo kita na yung black na buhok mo." Napatingagala naman si Gatorade para makatingin sakin. Sa sahig kasi siya nakaupo habang nakasandal sa kama tapos ako nasa mimong kama talaga. "Ito oh."

Gumapang ako papunta dun sa likudan ng ulo niya at itinuro 'yung part na may black. Nakita ko lang nagsmirk si Gatorade at tinanggal sa bibig niya 'yung ballpen.

"Gusto mong magpakulay na ako?"

"Ha? Hindi! Napansin ko lang." Pinaglaruan ko lang yung buhok niya, hindi naman sya nagrereklamo.

"Okay." Binalik na niya ulit yung tingin niya dun sa reviewer niya sa Accounting.

I sighed. Ang sipag namang mag-aral ng lalaking 'to. Daig pa ako. Kung sabagay sabi nung prof namin mas matiyaga talaga daw magaral ang mga lalaki. Puyatan kung puyatan! Dumapa ako sa kama at sumilip ako dun sa balikat niya, "Mangangalay ka niyan."

"Hindi." Humalumbaba ako at nakibasa na sa notes niya. Ang ganda talaga ng sulat niya. Envy me!

Ayos pa nung una pero di nagtagal, nangalay na nga ako. Tss. Tinawanan pa ako ni Gatorade at kulang nalang sabihin niya ang katagang "I told you so." Psh. Lumuhod ako sa kama at naginat inat. Ang sakit ng siko ko.

"Ayoko na mag-aral!" Nagchuckle lang naman si Gatorade at dumapa na din sa kama. Bigla niyang kinuha ang dalawang braso ko saka hinilot. Oh. "Thanks."

"Business Ad ba talaga ang gusto mong course?"

"Hindi."

"Oh? Family business?" Tumango ako. "Right. Mayaman nga pala kayo."

"Sila lang mayaman." I rolled my eyes heavenward when I heard him chuckle.Totoo naman kasi e. Binitawan na ni Gatorade ang braso ko kaya naman umayos na ako ng upo. Inayos na din ni Gatorade yung mga notes niya sa sahig. "Pero sa totoo lang, di ko naman talaga alam kung anong gusto kong course kaya pumayag na din ako sa course na 'to."

Pinanuod ko lang si Gatorade. Ito naman 'yung tahimik at serious type na Lance. Ang bilis niya talaga magbago ng mood pero kahit papano nagegets ko ugali niya. Nakakapaisip talaga 'yung nilagay ni Papa dun sa form nung inorder niya 'tong si Gatorade. Baka kasi dahil dun kaya 'to bipolar e.

"Ikaw, ba't Marketing?"