[Unicode]
Chapter-17(အဆင့်ဆင့်မေးမြန်းခြင်း)
တုရှန်း အိပ်နေရင်း တစ်ယောက်ယောက်က အကြာကြီး ထူးထူးဆန်းဆန်းစိုက်ကြည့်နေသလို ခံစားလိုက်ရတာကြောင့် ဘေးတစ်ဖက်ကို လှိမ့်ပြီး အာရုံပြောင်းလိုက်ရတယ်။ ဒါပေမဲ့လည်း ခံစားချက်ကြီးရှိနေတုန်းပဲလို့ ခံစားနေရဆဲဖြစ်တာကြောင့် မတတ်သာတဲ့အဆုံး မျက်လုံးဖွင့်ကြည့်လိုက်ရတော့တယ်။
သောက်ထားတဲ့အကျိုးကျေးဇူးကြောင့် ခေါင်းတခုလုံးက ပေါက်ကွဲထွက်တော့မလို ဆိုးဆိုးရွားရွားကိုက်ခဲနေတယ်။ဒါပေမဲ့ ခေါင်းကိုက်တာကထားပါတော့ ။ ဘာလို့သူ့ခန္ဓာကိုယ်ကနာနေရတာလဲ အထူးသဖြင့်ဟိုနေရာ...။တုရှန်း မျက်လုံးခဏပိတ်ပြီး အရက်ရဲ့ဆိုးကျိုးကြောင့် ဘာဖြစ်သွားခဲ့လဲဆိုတာကို ပြန်ပြီးတွေးကြည့်နေတယ်။
"ဘာတွေ ဟန်ဆောင်နေတာလဲ"
သူ့နောက်ကျောမှာရှိနေတဲ့ ယန်ကျိ ဆီကနေ အေးစက်စက်အသံထွက်လာတာကြောင့် တုရှန်း မျက်စိပြန်ဖွင့်ပြီး ယန်ကျိ ကိုကြည့်လိုက်တယ်။
"ဘာကိုပြောတာလဲ"
သူပြောပြီးတဲ့နောက်မှာ ထပ်ပြီးကြောင်အသွားရတယ်။ဘာလို့လဲဆိုတော့ ယန်ကျိ က အဝတ်ဗလာနဲ့ထိုင်နေတာဖြစ်ပြီး စတော်ဘယ်ရီအမှတ်အသားအရာတွေကလည်း လည်ပင်း၊ ရင်အုပ်နဲ့ ဝမ်းဗိုက်ပိုင်းတောက်လျှောက်မှာအပြည့်ပဲ။အိုးဖင်ကပ်နေတဲ့ အိုးမဲလို မဲတူးနေတဲ့ ယန်ကျိ မျက်နာကိုကြည့်ပုံအရ မနေ့ညက တစ်ခုခုဖြစ်ခဲ့ပုံပဲ။တုရှန်း မသိချင်ယောင်ဆောင်ကာ ပါးစပ်ဟကာ ခေါင်းကိုအုပ်ထားမိတော့တယ်။
ဘယ်လောက်တောင် ကြမ်းတမ်းပြီး တက်ကြွခဲ့တာတုန်း ... တုရှန်း တုရှန်း မင်းကအိုမီဂါလေ...သွားပါပြီ...မင်းတာဝန်ယူစိတ်ကောရှိသေးရဲ့လား...ဒါပေမဲ့ ငါနဲ့ ယန်ကျိ ကလက်ထပ်ပြီးသားမဟုတ်ဘူးလား
ယန်ကျိ က တုရှန်း လွတ်လမ်းရှာနေတာကိုမြင်တော့ ချက်ချင်း စိတ်ဆိုးသွားပြီး တုရှန်း လက်ကိုဆွဲကာ အော်ပြောလိုက်တယ်
"လိုက်လာခဲ့"
လောင်ကျု့ တိုဖူးကိုစားပြီး လောင်ကျု့ကို ခွင့်ကောတောင်းလို့လားလို့ ယန်ကျိ မထိန်းနိုင်ပဲ ကျိန်ဆဲလိုက်ချင်မိတော့ပြီ။
YOU ARE READING
အမှတ်အသားပေးရမဲ့ Omega က ငါ့ထက်အသက်ကြီးနေတယ်(Myanmar Translation)
Fantasyဒီနေ့ ငါအချစ်တွေကိုလျစ်လျူရှုတယ်ပေါ့ နောက်နေ့ကျ ငါသူ့ကိုကန်ထုတ်ပစ်ဦးမယ် ဒီေန႔ ငါအခ်စ္ေတြကိုလ်စ္လ်ဴရႈတယ္ေပါ့ ေနာက္ေန႔က် ငါသူ႔ကိုကန္ထုတ္ပစ္ဦးမယ္... #MyanmarTranslation #One_One #ABO World
