جُحر الجَساس

1

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات حتى يصعدن ❤.

__________________
بغداد الساعة 11 صباحًا.

: هياااام ولج يمة هيام گعدي جنازة خو ما جنازة

كعدت على صوت امي المنبه المعتاد
هُيام: ها يمة گعدت والله گعدت

: يلا حبيبتي گومي ورانة شغل وتنظيف وروحة للسوگ گعدي

گمت من فراشي ورحت غسلت وجهي وفرشت اسناني وتوضيت ونشفت ورجعت حطيت مرطب ومشطت شعري

وحطيت شوية حمرة سحرية لشفايفي وخدودي علمود البشرة تصير بيها روح وصليت الصبح ، روتيني المعتاد

طبعًا اني هُيام عمري 17 عايشة بس اني وامي ببيتنه على گد حالنة مااگول فقرة لا الحمدلله ماعندي اخوان ولا خوات

ابوي ماادري الله وين حاطة شراب عر*گ وابو نسوان وكل معاصي الدنيا بي ومتزوج ثنين امي ووحدة ثانية،

مااعرف أي شي عنه من 7 سنين امي شايلة مسؤوليتي بس مبطلني من المدرسة يكره شي اسمه مدرسة! المهم امي اسمها سارة عمرها 43 بس بعده وجهه شاب تجنن
_____________________

گعدت سويت روتيني وصليت ونزلت شفت امي تمسح بالطباخ
هُيام: صباح الخير

سارة: هلا يمة صباح النور، شلونج

هُيام: الحمدلله سوسو، اكلج عدنة ريوگ لو اروح اجيب؟

سارة: ماعدنة هاج روحي جيبي صمون وگيمر وجبن

هُيام: راح اجيب مربى هم احبهه وي الجبن

سارة: يلا بس على السريع حتى نلحگ للسوگ

رجعت للغرفة لبست حجابي ورتبتة ولبست عباتي وجواريبي وخليت مسكارة وعطر ريحتة طيبة وخفيفة وطلعت، صح بيتنه شوية تعبان بس منطقتنه حلوة تبليط وناس بيهه هواي ومحلات

جاي امشي وسمعت واحد يصيح وراي بسبس شنو هل صباح الحلو ألتفتت ولگيت واحد چنه سلبوحة ضعيف وطويل گتلة واني خازرتة
هُيام: وسم شرايد

: على كيفج عيني شرايد منج قابل بس اگول غير صباح حلو هذا من صبحت بوجهج

اوي خجلني ابن الزفرة
هُيام: امشي ولي منا لك انت وهاي شواربك طفار الخيس

حط ايده على شواربه يتلمسهن صدگ يشبهن طفار الخيس
: شبيهن شواربي؟

هُيام: كلشي مابيهن بس لو اني منك ازينهن بالنعال يلا امشي ولي مالي خلگك من الصبح

مشيت للمحل اخذت گيمر وجبن ومربى وطلعت ابو الصمون صاير بصف الاسواق رحت اخذت صمون وهذا ابو الصمون عينة صلفة هم يراد انكته نكته زينة بس مو هسه امي راح ترزلني لأن تأخرت