يقلمي: ميامي آلـ حيدر
بسم الله الرحمن الرحيم
لا تنسون تصوتون للبارتات حتى يصعدن ❤.
لا السيفُ يفعلُ بي ما أنتِ فاعلةٌ
و لا لقاء عدوي مثل لُقياكِ
لو بات سهمٌ من الاعداءِ في كبِدي
ما نال مني ما نالتهُ عيناكِ.
_________________
اجة يوم الحنة وگعدتني امي من الـ 7 الصبح
سارة: هُيام ماما هُيام يلا گومي ولج هم يالله الساعة بالـ 7
هُيام: اييي يمة گمت
سارة: يلا
گمت غسلت انوب اتريگت وطبيت سبحت جلفت جسمي جلف انوب طلعت بدلت ونشفت شعري بس ماظفرتة حتى ماتصير بي كسرة
بالـ 8:00 لبسنة واخذت ذهبي جايبة ذهب ابيض وي بدلتي ماأريد ألبس ذهب أصفر، طلعنة متوجهين للمركز الي راح اسوي بي جسمي، سهم اخذنة، لگينا حسنة گاعدة بالصدر وانسجام وامي گاعدات ورة
واني وسما ويقين گاعدات بخانة الشواذي الي هي الصندوگ ومجعوصات ويمي بدلتي بالصندوگ، سيارتة جكسارة حديثة تخبل ماشاء الله ولدهم كلهم سياراتهم حديثات، حچة سهم بضوجة
سهم: اني صاير السايق مالچن والله وكت
انسجام: سهومي شغل اغنية فد شي، اليوم حنة الغالي
سهم: دللي بنت العم
شغللنة اغنية رنين البصري
روح وحاط الله وياك
كون تروح ماترجع
اكو رب ياخذ الحوبة
كلمن خان محبوبة
شني انت ومااگدر انساك
بعدك روحي تتوجع
محبتك حيل معيوبة
كلمن يعرف عيوبة
كلنا نطگ اصبع وياه حتى حسنة ونضحك ويقين تهز واني وياها اهز من جوة لجوة خاف يشوفني سهم وزحمة منه، باوع سهم بالمرآية ليقين ضحك وطگلها اصبع
سهم: اييييي بعد اخوج رگبة رگبة
يقين ماگالتله لا گبل هزت رگبتها كلنا ضحكنا على حركاتها
وصلنة للمركز وسهم كلساع يغير اغنية وكلة ردح، نزلنة طبينة للمركز، سألونة نريد خدمة vip مال عروس كاملة لو خدمة عادية
اني گلتلهن اريد خدمة عروس والبنات كلهن رادن خدمة عادية حتى حسنة، اخذوني اني الغرفة سون جسمي كلة نظفنة من فوگ ليجوة
ونظفن وجهي وحطن ماسكات، وقشرن إيديه ورجلية كلشي نظفوه من الشعر وانوب خلني اطب بحمام بخاري استرخي شوية انوب طلعني نظفن شعري صار يخبل
YOU ARE READING
جُحر الجَساس
Rejtély / Thrillerسمراءُ يا بُنّ الجمال ونفحِهِ ياقهوةً منها الفتونُ يضوعُ من قالَ إن الليل ليسَ بفاتنٍ ذابت على حسن المساء شموعُ وبلونهِ عبقُ السكون وغابةٌ فيها يضمدُ شوقهُ الموجوعُ ترنوا العيونُ إلى المساء تأملاً والليل سكرٌ والأنامُ هجوع للسُمر وقعٌ في الوجود وفتن...
