جُحر الجَساس

7

بقلمي: ميامي آلـ حيدر

بسم الله الرحمن الرحيم

لا تنسون تصوتون للبارتات حتى يصعدن ❤.

كُفِّي القتالِ وفُكِّي قيدَ أسراكِ
يكفيكِ مافعلت بالناسِ عيناكِ

_________________

تذكير:

باوعتلي البنية بأستغراب، هاي شبيهه هيج تباوع استغفرالله ياربي غلست عليها، انفتح الباب وطلع جساس باوعلها وفتح عيونة بصدمة طفرت البنية وشبگت رگبته وباسته من خدة
: حبيبي اشتاقيتلككك...

حچة بنتر وهو خازرها ودفعها عنه
جساس: شعندج هنا؟ اذا اجة شبيب وشافج يسويلنة مصيبة اتكفي الشر وروحي

: شبيك جساس اجيت اشوف عمة والبنات واسلم عليهم واروح مااحجي وي شبيب

جساس: عرفة ولفة تجين وتسلمين؟

باوعتلة بزعل وحجت بدلع
: هاي ليش تحجي هيج وياي مامسويتلك شي اني

جساس: يرادلج خلگ روحي منين مااجيتي يلا

اباوعلها عافته وطبت للبيت! شگد ماعدها كرامة
ألتفتلي جساس وابتسم بوجهي واحسه خجلان من الصار
جساس: هاي طليقة ابن عمي شبيب بس هي هيج سفردحي

هزيت راسي بس احس انزعجت منها
هُيام: هاك هاي غراض امي ودتهن لبيبيتك

اخذهن مني وباوعلي بس مافتح العلاگة
جساس: غراضيش؟

هُيام: ماادري مافتحتها انطيها لأم جاسم وهي تعرفهن

هز راسة واني رحت لبيتنه نفس كل يوم روتيني...

_________________

- سـمـا

چنه گاعدين اني وبيبي بالصالة ويقين نايمة، محد من الولد بالبيت بس جساس وحمزة جان نايم بغرفتة

اندگ الباب نزل جساس راح فتحة تأخر شوية واسمع صوت بنية! دقيقتين ودخلت الغثة شهل صلافة بعد كل الي سوته تجي وتسلم علينة

ولا كأن صاير شي گمنه سلمنه عليها اني وبيبي بس من ورة خشومنة لأن حرفيًا محد طايقها قبل وهسه

انتبهت للبسها لابسة بنطرون قماش عريض لون اسود و قميص ابيض سادة حاطته جوة البنطرون ومسرفنة الردن للنص وجنطة صغيرة مو كلش جبيرة لون اسود والكعب ابيض انيقة لأبعد الحدود

گعدت على القنفة وحطت رجل على رجل، طب جساس وسد الباب قوي وراه اجة عاقد حواجبة بضوجة مبين ماطايق وجودها اصلاً، انتبهت بيدة علاگة شمرها لبيبي
جساس: اجت هُيام جايبتها تگول غراض امها ودتهن الج

هزت راسها بيبي وسكتت

ضلوا صافنين على وسن وهي تباوع للبيت تتفحص بي اعرف بيها تباوع نظيف لو وصخ